Twins终极加场火速售罄 Sa娇抢先公开纪念Tee

Twins Spirit演唱会今日加开终极最后两场，九成门票进行公售，两小时内全部售完！收到如此好消息，阿Sa（蔡卓妍）与阿娇（锺欣潼）都非常开心，为答谢歌迷支持，提早把演唱会纪念T-shirt穿上身演示给大家看，歌迷一见货版又即大叫，「哗，扑完飞又要扑衫！好靓呀，唔好限量呀，好惊买唔到。」

除了T-shirt，今次演唱会还有很多纪念品推出。

Sa娇都不约而同说很喜欢今次的质料和设计。

最近Twins每日都为演唱会筹备彩排，由早忙到晚，练歌排舞开会，行程密麻麻，每日也过得充实而开心，阿娇表示：「因为好多谢歌迷咁支持，所有其他工作都暂停晒啦，现时火力全开为演唱会排练，本来谂住冇咁早公开纪念品，不过今早排练时，听到咁好消息，两个钟售完，真系好感动，今日又啱啱收到纪念Tee个样版，所以即刻同阿Sa换件纪念版畀大家睇，系咪好靓，哈哈。」阿Sa亦说：「系咪好靓？同出面一般Tee唔同㗎，系长身少少，因为我哋觉得长身少少，着起嚟易衬好睇。为咗呢件Tee，我哋版形都改咗几次，用我哋两个屋企自己最钟意的T-shirt版形跟住度长度，所以着上身系绝对靓靓，哈哈。」

演唱会还有不足十日就举行，二人都说非常期待兼紧张。

早前二人为演唱会推出新歌《双喜楼》

孖妹最近日日练舞，想有最佳表现回馈乐迷。

对于歌迷惊买唔到，会唔会网上优先畀歌迷会订先？Twins不约而同表示：「冷静啲，唔止一个款，有好多唔同款，所以，畀时间我哋公布。今次演唱会的纪念品有好多唔同品种，全部都好似《双喜楼》首歌歌词咁，『靓靓靓乾乾净靓靓靓靓新新净靓靓靓靓！』哈哈。」

 

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ