專欄｜梅迪歷天賦可以兌現？（上）

梅迪歷由2023年冬季轉會窗以8900萬歐元由烏克蘭球隊蕯克達轉會到車路士，受到俄烏戰爭影響，佢之前只係參加過66場賽事。一年過後，佢兌現到佢嘅身價未？

未。球場上表現遠遠及不上貼近一億身價，17場英超賽事3球1個助攻，談唔上係及格。同齡效力紐卡素嘅安東尼哥頓已獲6入球4助攻，轉會費只係佢嘅一半。「梅仔」欠缺左Decision making，會嚴重影響佢生涯嘅發展。

Decision making直接影響佢同隊友之間既配合，變速快係佢嘅優點，可以唔使助跑，直接加速過人，36.63km/h係五大聯賽紀錄以來第八快，但就係佢太快，每當佢加速到落底時，隊友都未入到禁區，往往令到出波嘅落點喺無人地帶，但呢個情況，呢一季係有改善。

另外，幾時入中間射門或分邊，時機仍然掌握得未夠成熟，同一場波，對水晶宮初段可以出色地入到中間Killer pass畀伊恩馬迪臣單刀，其後又會在後場扭失被對手打反擊，造成險象。佢仍然要持續進步先有機會更上一層樓。

梅迪歷要成為星級球員仍然要一段時間，下篇文章將會繼續探討佢嘅傳球質素和控制皮球嘅能力。Willhappy

-----

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ