专栏｜梅迪历天赋可以兑现？（上）

梅迪历由2023年冬季转会窗以8900万欧元由乌克兰球队蕯克达转会到车路士，受到俄乌战争影响，佢之前只系参加过66场赛事。一年过后，佢兑现到佢嘅身价未？

未。球场上表现远远及不上贴近一亿身价，17场英超赛事3球1个助攻，谈唔上系及格。同龄效力纽卡素嘅安东尼哥顿已获6入球4助攻，转会费只系佢嘅一半。「梅仔」欠缺左Decision making，会严重影响佢生涯嘅发展。

Decision making直接影响佢同队友之间既配合，变速快系佢嘅优点，可以唔使助跑，直接加速过人，36.63km/h系五大联赛纪录以来第八快，但就系佢太快，每当佢加速到落底时，队友都未入到禁区，往往令到出波嘅落点喺无人地带，但呢个情况，呢一季系有改善。

另外，几时入中间射门或分边，时机仍然掌握得未够成熟，同一场波，对水晶宫初段可以出色地入到中间Killer pass畀伊恩马迪臣单刀，其后又会在后场扭失被对手打反击，造成险象。佢仍然要持续进步先有机会更上一层楼。

梅迪历要成为星级球员仍然要一段时间，下篇文章将会继续探讨佢嘅传球质素和控制皮球嘅能力。Willhappy

-----

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ