解風大阪丨杜如風帶睇過百萬Hermès鱷魚皮Birkin！即場碌卡買袋眼都唔眨
2023-12-11 19:30 
有「日本旅遊達人」之稱的杜如風，再度為J2（82台）主持王牌旅遊節目《解風大阪》。杜如風再度踏足「鄉下」日本，轉戰關西大阪。一連15集節目，將於逢周一至五晚10點半播出，杜如風會跟大家分享大阪最新最潮食玩買玩意。
【相關閱讀】：杜如風舊愛黃又南拒認係渣男 劃清界線爆劈腿男友真身
【點擊睇杜如風買百萬Hermès唔眨眼】：
今晚（11日）播出的一集《解風大阪》，杜如風繼續發掘關西大阪食玩買新事物，首站到天保山玩摩天輪，特色是號稱「世界最大級別」。摩天輪內可眺望整個大阪市，天氣好的話更望到神戶市。接住來到摩天輪下面的復古街，杜如風忽然「咦」了一聲後話︰「有條女仲靚呀，唐詩詠你喺度做乜嘢？」被「野生捕獲」的唐詩詠笑晒口交戲話︰「我嚟旅遊㗎 」鬼馬的杜如風明知故問︰「你嚟旅遊都戴住個咪嘅？」被迫到繩角的唐詩詠，即時發揮視后級演技及急才，神回應話︰「一個專業演員係長期戴住個咪。 」
唐詩詠此行是專誠探老友杜如風班，想不到被拉伕擔任嘉賓上鏡。唐詩詠拍住杜如風玩齊復古街的遊戲撈波波、水松塞射擊、彈珠機，臨走時還依依不捨擁抱。二人老友鬼鬼緣於2007年合作拍攝TVB劇集《最美麗的第七天》，唐詩詠為劇中女主角之一，而杜如風擔任幕後，因為性格相近，同樣不拘小節而結成好友至今。
眾所周知杜如風對梁朝偉一向情有獨鍾，不過今集偉仔的「勁敵」出現。杜如風介紹一間帽店時，被貌似「三哥」苗僑偉的店主吸引，猛讚對方「好有型、好cool 」，還罕有提出合照，忸怩的少女心湧現。杜如風接受訪問時被問到是否「移情別戀」時，她斬釘截鐵表示︰「佢同梁朝偉係無得比，偉仔係殿堂級。呢個逢場作戲都唔係，純粹覺得呢位『日版苗僑偉』好有型，好似意大利藝術家，所以搵佢影咗張相。」
明晚（12日）杜如風竟與製作組齊齊在鏡頭面前「噴錢」。杜如楓會介紹一間二手名牌精品店，店內有超過1千件貨品應有盡有，而且明碼實價。入門口就見到一款女仕趨之若鶩的Hermès二手Birkin鱷魚皮手袋，索價2,100萬日圓（約113.7萬港元），足夠在大阪買一間靚屋，可算是鎮店之寶。杜如風抵不住製作組言詞「誘惑」，終於在鏡頭面前碌卡買袋，眼都唔眨！不過好快杜如風成功向製作組「復仇」，在另一間二手波鞋店，製作組齊齊大出血。
【其他文章】：
杜如風因為一件事遭好友離棄15年 劉浩龍：好似喺我人生裡面消失咗
解風東京丨杜如風連環低能事逐格睇 撿海膽入口碌落牀自揭Dry足9年
《星島申訴王》將推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應