東張西望丨八旬老翁沉迷按摩遭兩子斷絕關係疑被34歲骨妹騙2百萬公開露骨訊息

2023-12-10 22:18

TVB節目《東張西望》不時報道城中騙案，今日（10日）《東張西望》報道一宗八旬老人「姜伯」疑似34歲按摩女郎「小玉」騙取逾200萬元的案件，不過節目組找到小玉後，事件卻變成羅生門，雙方各執一詞，姜伯更被爆不時去「按摩」，與子女更因此早已斷絕關係。

【點擊睇八旨姜伯疑似騙200萬】：

今日（10日）《東張西望》報道一宗八旬老人「姜伯」疑似34歲按摩女郎「小玉」騙取逾200萬元的案件。

不過節目組找到小玉後，事件卻變成羅生門，雙方各執一詞，姜伯更被爆不時去「按摩」，與子女更因此早已斷絕關係。

已經80歲的姜伯原本有兩個兒子，早前姜伯兒子的家用加上政府高齡津貼，姜伯每月有1.5萬使用；不過其後兩個兒子突然拒絕再供養父親，令姜伯要賣樓套現。

被問到當時1.5萬主要花費在哪，姜伯直言：「主要去咗按摩。」更表示兩個兒子都不喜歡他去按摩，所以截斷他的經濟金援。

兩年前姜伯去按摩，因而結識到小玉，姜伯說：「佢應該係按摩女郎。」

姜伯暗指小玉是「企街」。

姜伯形容對方身材，高約5呎、中等身材、短頭髮、皮膚白晢、臉圓圓。

姜伯表示小玉曾經為她按摩過一、兩次，更在人前人後稱呼他為「姑丈」，最後成功𠱁到他取出208萬賣樓存款。

姜伯表示當時小玉說之後每月會給6千元，又會為他繳交每月7千元的租金，姜伯還說當時以為自己可以不用理財，200萬現金可以細水長流。

不過至今年10月，小玉給姜伯的生活費或交租全部突然叫停。

姜伯說：「即刻WhatsApp問佢，5號畀錢到家下，我食粥水都唔夠，一個山都冇。」

節目組成功聯絡到小玉，小玉說：「我有賣人蔘粉，跟住就識到佢，睇佢一個人住好可憐，無人照顧佢，我想當佢係一個稱咪佢。」

小玉指姜伯經常找她處理生活瑣事，包括換電話，不過小玉換電話期間發現姜伯與子女已經斷絕關係，更指姜伯電話中不時與不同女性聯絡。

小玉說：「接觸咗先知道佢（姜伯）同仔女已經斷絕關係，我喺佢電話見到張相，佢自己坐喺屋企，寫咗張紙，上面有佢個仔兩個名，以後唔會理佢，乜都好都唔關佢事。」

小玉更說：「仲發現佢電話入面，有好多女人同佢聯絡，至少有三五個。」

節目組得到姜伯同意，翻查其手提電話，發現當中有不少女性照片，而且對話內地亦相當露骨，包括姜伯問女性：「一次幾多錢呀？係唔係500元全包？」

姜伯在搬屋時，將一個保險箱送給小玉外，更送上一件令人匪夷所思的物件：「佢將一張相、佢老婆頭髮、同墳場聯終電話畀我，希望我可以幫佢、照顧佢。」

之後小玉更詳述與姜伯第一次提取20萬現金的用途，還款給小玉7萬、還錢給別人共8萬，剩下的5萬則時姜伯的生活費。

小玉指之後每次都是領取10萬，其中兩次拎20萬，並指：「每一次我同佢攞錢，佢攞5萬走，5萬放喺我度，之後過幾日又過嚟攞，攞完冇又要去銀行，啲錢畀晒你都冇辦法，跟住佢就開始反面。」

節目組更找到小玉與姜伯隔空對質，小玉一輪嘴不斷說：「姑丈你咁係無用，唔好亂講嘢，你200萬樓係自己賣嘅，攞錢係我陪你去攞，錢係攞咗使晒，而家你嚟屈我。」

經過一輪爭拗，小玉更鬧爆姜伯：「我估唔到呢個老人家竟然可以咁樣做，毒到同啲仔斷絕關係，為咗出面啲女人，問啲仔攞錢玩女人、去嫖、叫啲女人上門按摩，邊個有咁多錢畀佢啊？」

姜伯舉起三隻手指發誓：「小玉，我從來都冇屈你，每次你都係10萬、20萬、30萬咁將我啲錢攞晒出嚟，擺喺你屋企保險箱。」

姜伯指曾經報警，但警方不受理，還引述警方指是姜伯自願給小玉。

小玉已經拒絕再回應。

最後姜伯還隔空向小玉說：「小玉，呢筆錢係我生活養老金，希望你畀返啲錢我。」

曾每月有1.5萬元全用於按摩

已經80歲的姜伯原本有兩個兒子，早前姜伯兒子的家用加上政府高齡津貼，姜伯每月有1.5萬使用；不過其後兩個兒子突然拒絕再供養父親，令姜伯要賣樓套現。被問到當時1.5萬主要花費在哪，姜伯直言：「主要去咗按摩。佢可能知道我鍾意搵女人按摩，就去內地，剩返我一個。」更表示兩個兒子都不喜歡他去按摩，所以截斷他的經濟金援。

與子斷絕關係賣居屋養老

姜伯去年賣黃大仙居屋單位，獲得208萬，小玉陪姜伯去銀行，分10次提取208萬存款，放入其家中的保險箱，其後竟然一去無回頭。兩年前姜伯去按摩，因而結識到小玉，姜伯：「佢應該係按摩女郎。」姜伯更指小玉當時站在樓梯口，招手叫他過去，更形容對方身材，高約5呎、中等身材、短頭髮、皮膚白晢、臉圓圓。姜伯表示小玉曾經為她按摩過一、兩次，更在人前人後稱呼他為「姑丈」，最後成功𠱁到他取出208萬賣樓存款。

稱208萬分批放小玉家中

姜伯說：「佢叫我分批將208萬拎出嚟，將啲錢放喺佢屋企保險箱。（點解？）佢幫我保管仲好，我自己可能太方便，好容易使晒。」姜伯表示當時小玉說之後每月會給6千元，又會為他繳交每月7千元的租金，姜伯還說當時以為自己可以不用理財，200萬現金可以細水長流。不過至今年10月，小玉給姜伯的生活費或交租全部突然叫停，姜伯說：「即刻WhatsApp問佢，5號畀錢到家下，我食粥水都唔夠，一個仙都冇。」

6千生活費突然叫停

不過節目組翻查姜伯手提電話，卻未見兩人的對話，但節目組成功聯絡到小玉。小玉說：「我有賣人蔘粉，跟住就識到佢，睇佢一個人住好可憐，無人照顧佢，我想當佢係一個親人咁稱呼佢。」小玉指姜伯經常找她處理生活瑣事，包括換電話，不過小玉換電話期間發現姜伯與子女已經斷絕關係，更指姜伯電話中不時與不同女性聯絡。

姜伯與女性訊息露骨

小玉說：「接觸咗先知道佢（姜伯）同仔女已經斷絕關係，我喺佢電話見到張相，佢自己坐喺屋企，寫咗張紙，上面有佢個仔兩個名，以後唔會理佢，乜都好都唔關佢事。仲發現佢電話入面，有好多女人同佢聯絡，至少有三五個。」節目組得到姜伯同意，翻查姜伯手提電話，發現當中有不少女性照片，而且對話內地亦相當露骨，包括姜伯問女性：「一次幾多錢呀？係唔係500元全包？」

小玉稱每次提10萬姜伯即取走一半

姜伯在搬屋時，將一個保險箱送給小玉外，更送上一件令人匪夷所思的物件：「佢將一張相、佢老婆頭髮、同墳場聯終電話畀我，希望我可以幫佢、照顧佢。」之後小玉更詳述與姜伯第一次提取20萬現金的用途，還款給小玉7萬、還錢給別人共8萬，剩下的5萬則時姜伯的生活費。小玉指之後每次都是領取10萬，其中兩次拎20萬，並指：「每一次我同佢攞錢，佢攞5萬走，5萬放喺我度，之後過幾日又過嚟攞，攞完冇又要去銀行，啲錢畀晒你都冇辦法，跟住佢就開始反面。」姜伯更威脅小玉，揚言報警。

節目組更找到小玉與姜伯隔空對質，小玉一輪嘴不斷說：「姑丈你咁係無用，唔好亂講嘢，你200萬樓係自己賣嘅，攞錢係我陪你去攞，錢係攞咗使晒，而家你嚟屈我，話你擺200萬喺我度，你幾時擺200萬喺我度啊？」姜伯則反駁說：「你每次都擺返屋企冇畀我。」小玉說：「每次銀行攞10萬，你攞走5萬，過幾日你又同我攞，你攞完啲錢又唔記得，我唔知道你係真係唔記得，定係扮唔記得。啲錢你自己攞去使，使去邊度，拿去畀邊個女人使，你自己知道。」

隔空對質掀罵戰

經過一輪爭拗，小玉更鬧爆姜伯：「我估唔到呢個老人家竟然可以咁樣做，毒到同啲仔斷絕關係，為咗出面啲女人，問啲仔攞錢玩女人、去嫖、叫啲女人上門按摩，邊個有咁多錢畀佢啊？我冇半句假話，你問下佢自己，佢就嚟100歲人喇，睇下佢可唔可以做到咁過份啊？」雖然小玉繼續情緒激動鬧爆姜伯，不過姜伯此時卻舉起三隻手指發誓：「小玉，我從來都冇屈你，每次你都係10萬、20萬、30萬咁將我啲錢攞晒出嚟，擺喺你屋企保險箱。」不過小玉則在後面繼續說：「幾時擺喺我度？」

姜伯指曾經報警，但警方不受理，還引述警方指是姜伯自願給小玉。最後姜伯還隔空向小玉說：「小玉，呢筆錢係我生活養老金，希望你畀返啲錢我。」

【其他文章】：

東張西望丨內地女與已婚港男互相借種生B發展出真感情爆「小四」後男方失蹤來港尋人

東張西望丨52歲女發展不倫戀被家暴！男友呷醋拉腳秤起暴打涉事男：佢用頭襲擊我

東張西望丨74歲失婚伯伯尋41年前偶遇女學生盼再見面：我會盡一切畀你幸福

東張西望丨中年婦私院切子宮竟致腸穿肚爛！涉事醫生拒交醫療報告苦主：我啲腸已經爛晒

《星島申訴王》將推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ

關鍵字