中年好聲音2丨古淖文唱粵曲式《Monica》晉級 林若盈媽咪患抑鬱症車婉婉聽到喊
2023-12-10 23:37 
TVB歌唱真人騷《中年好聲音2》今晚播出最新一集，今晚來到21強全新賽制比賽「動感/情感PK賽！」，21強選手按上回合成績，輪住揀選「動感/情感」歌曲及出場次序，今晚先播出上半場頭五組比賽。
【相關閱讀】：中年好聲音2｜車婉婉首開腔回應向展鵬指控 稱上次見面沒飲醉：我很Sorry
【點擊睇《中年好聲音2》】：
今集《中年好聲音》對戰組合如下，動感歌曲組別，有麥素華《I Hate Myself For Loving You》對戰周碧嘉《失憶周末》、袁思樂《瀟灑走一回》對戰曾蜜詩《餓狼傳說》、古淖文《Monica》對戰朱博文《結他》；情感歌曲組別則有林若盈《時間都去哪兒了》對戰譚輝智《Kiss Goodbye》、安雅希《心如刀割》VS陳俞霏《失戀無罪》陳俞霏。
林若盈淚目講媽咪
獻唱《時間都去哪兒了》的林若盈，表示這首歌是送給患有抑鬱症的媽媽，她眼濕濕說：「作為抑鬱症患者嘅屋企人，其實有好大壓力，有一次我鼓起好大勇氣同媽咪講『其實我覺得好似你每次掂我，都將我推開』。時間過得好快，當我回頭睇我媽咪嘅時候，真係發現佢老咗，想同大家講，就算同屋企有咩誤會，其實係可以好好溝通一下。」眼淺的車婉婉感觸淚目，她說：「情緒病喺香港係纏繞好多人，佢哋屋企人係好大壓力，大家要支持佢哋嘅屋企人！」
張佳添大讚林若盈：「你係一個好有感情嘅歌手，你個人好多emotions，頭半首我都好理性分析你，到下半首我已經唔再分析，因為你感情出咗嚟，我俾你拉咗入去你嘅世界。」最後林若盈只獲得79分，輸給獲得85分的對手譚輝智。
安雅希陳俞霏唱到手震
同樣是情感組的安雅希與陳俞霏，兩人演唱完畢後都指緊張到手震。全黑西裝上陣的陳俞霏獻唱《失戀無罪》，她透露唱這首歌的原因：「前嗰排經歷咗好多事，導致婚姻失敗等等一系列嘅事，覺得揀呢首《失戀無罪》幾好，其實就算一個人獨身都可以好快樂，希望不負呢個舞台同埋自己。」不過以4四之差敗給對手安雅希。
今集最後對戰由大熱古淖文對黑馬朱博文，古淖文演唱張國榮的《Monica》，又唱又跳，熱唱氣氛high到爆，就連其他參賽者亦紛紛站起，非常投入，猶如個人演唱會一樣！古淖文一表演完，就被車婉婉問：「你係咪覺得揀快歌會穩陣啲？」古淖文則解釋：「都唔係，首先肥媽老師話個人唔好咁惡，同埋唔好咁江湖味，因為之前太over，所以今次用咗mic stand。」
古淖文被潮似尹光
陳慧嫻直說：「你話你要減啲江湖味，但始絡都喺度，江湖式唱歌就係尾手有個『er』，同埋好多時嗰啲扭音，我覺得你要搣甩呢啲嘢，呢啲好唔modern。」伍仲衡亦同意陳慧嫻說法：「你每一個字後面都有個『啊』，呢啲通常聽尹光先會聽到，『我人又老啊，錢又冇啊』，但你又冇尹光咁有個人style。如果你想喺舞台上面耐啲，要諗下點樣唱歌感動人，你始絡都有一陣『撈嘢』嘅味道。」肥媽也認同說：「你有少少唱粵曲feel，真係要減咗佢。」最後古淖文得到86分，成績算相當不錯。
古淖文的對手朱博文獻唱《結他》，原來背後亦有一個感人故事，朱博文多年前一心打算發展演藝事業，預科畢業後便考入香港演藝學院，同時參加了一個歌唱比賽，但原來學院不容許學生有合約的情況下讀書，博文放棄學業選擇了歌唱比賽，不過最終仍輸掉比賽，令人生跌落谷底。博文多年後重拾音樂夢，是為了天上的姐姐，他說：「本身冇再諗過唱歌，但今年3月頭，我姐姐離開咗，今次參加呢個節目，我行返出嚟做呢件事，係希望喺天上嘅姐姐睇到會為我而驕傲。」最後朱博文僅差一分落敗，古沽文成功晉級。至於今晚則是麥素華被淘汰。
【其他文章】：
中年好聲音2丨向展鵬暗寸女歌手扮嘢 親回曾被不禮貌對待有圈中人目擊
中年好聲音2丨劉威煌娶富貴老婆被封億萬駙馬！因語言暴力想放棄唱歌 重返比賽行列重視過程
中年好聲音2丨陳寶雄糖尿上眼獲有心人資助做手術 從未全身麻醉向親友講定遺言
《星島申訴王》將推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應