中年好声音2丨古淖文唱粤曲式《Monica》晋级 林若盈妈咪患抑郁症车婉婉听到喊
2023-12-10 23:37 
TVB歌唱真人骚《中年好声音2》今晚播出最新一集，今晚来到21强全新赛制比赛「动感/情感PK赛！」，21强选手按上回合成绩，轮住拣选「动感/情感」歌曲及出场次序，今晚先播出上半场头五组比赛。
【相关阅读】：中年好声音2｜车婉婉首开腔回应向展鹏指控 称上次见面没饮醉：我很Sorry
【点击睇《中年好声音2》】：
今集《中年好声音》对战组合如下，动感歌曲组别，有麦素华《I Hate Myself For Loving You》对战周碧嘉《失忆周末》、袁思乐《潇洒走一回》对战曾蜜诗《饿狼传说》、古淖文《Monica》对战朱博文《结他》；情感歌曲组别则有林若盈《时间都去哪儿了》对战谭辉智《Kiss Goodbye》、安雅希《心如刀割》VS陈俞霏《失恋无罪》陈俞霏。
林若盈泪目讲妈咪
献唱《时间都去哪儿了》的林若盈，表示这首歌是送给患有抑郁症的妈妈，她眼湿湿说：「作为抑郁症患者嘅屋企人，其实有好大压力，有一次我鼓起好大勇气同妈咪讲『其实我觉得好似你每次掂我，都将我推开』。时间过得好快，当我回头睇我妈咪嘅时候，真系发现佢老咗，想同大家讲，就算同屋企有咩误会，其实系可以好好沟通一下。」眼浅的车婉婉感触泪目，她说：「情绪病喺香港系缠绕好多人，佢哋屋企人系好大压力，大家要支持佢哋嘅屋企人！」
张佳添大赞林若盈：「你系一个好有感情嘅歌手，你个人好多emotions，头半首我都好理性分析你，到下半首我已经唔再分析，因为你感情出咗嚟，我俾你拉咗入去你嘅世界。」最后林若盈只获得79分，输给获得85分的对手谭辉智。
安雅希陈俞霏唱到手震
同样是情感组的安雅希与陈俞霏，两人演唱完毕后都指紧张到手震。全黑西装上阵的陈俞霏献唱《失恋无罪》，她透露唱这首歌的原因：「前嗰排经历咗好多事，导致婚姻失败等等一系列嘅事，觉得拣呢首《失恋无罪》几好，其实就算一个人独身都可以好快乐，希望不负呢个舞台同埋自己。」不过以4四之差败给对手安雅希。
今集最后对战由大热古淖文对黑马朱博文，古淖文演唱张国荣的《Monica》，又唱又跳，热唱气氛high到爆，就连其他参赛者亦纷纷站起，非常投入，犹如个人演唱会一样！古淖文一表演完，就被车婉婉问：「你系咪觉得拣快歌会稳阵啲？」古淖文则解释：「都唔系，首先肥妈老师话个人唔好咁恶，同埋唔好咁江湖味，因为之前太over，所以今次用咗mic stand。」
古淖文被潮似尹光
陈慧娴直说：「你话你要减啲江湖味，但始络都喺度，江湖式唱歌就系尾手有个『er』，同埋好多时嗰啲扭音，我觉得你要搣甩呢啲嘢，呢啲好唔modern。」伍仲衡亦同意陈慧娴说法：「你每一个字后面都有个『啊』，呢啲通常听尹光先会听到，『我人又老啊，钱又冇啊』，但你又冇尹光咁有个人style。如果你想喺舞台上面耐啲，要谂下点样唱歌感动人，你始络都有一阵『捞嘢』嘅味道。」肥妈也认同说：「你有少少唱粤曲feel，真系要减咗佢。」最后古淖文得到86分，成绩算相当不错。
古淖文的对手朱博文献唱《结他》，原来背后亦有一个感人故事，朱博文多年前一心打算发展演艺事业，预科毕业后便考入香港演艺学院，同时参加了一个歌唱比赛，但原来学院不容许学生有合约的情况下读书，博文放弃学业选择了歌唱比赛，不过最终仍输掉比赛，令人生跌落谷底。博文多年后重拾音乐梦，是为了天上的姐姐，他说：「本身冇再谂过唱歌，但今年3月头，我姐姐离开咗，今次参加呢个节目，我行返出嚟做呢件事，系希望喺天上嘅姐姐睇到会为我而骄傲。」最后朱博文仅差一分落败，古沽文成功晋级。至于今晚则是麦素华被淘汰。
【其他文章】：
中年好声音2丨向展鹏暗寸女歌手扮嘢 亲回曾被不礼貌对待有圈中人目击
中年好声音2丨刘威煌娶富贵老婆被封亿万驸马！因语言暴力想放弃唱歌 重返比赛行列重视过程
中年好声音2丨陈宝雄糖尿上眼获有心人资助做手术 从未全身麻醉向亲友讲定遗言
《星岛申诉王》将推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰ https://bit.ly/3uJ3yyF
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应