「獎老」阿七吳嘉儀新婚4個月疑公審老公？自爆被改密碼鎖無家可歸：唞啖氣都有困難
2023-12-04 11:54 
「阿七」吳嘉儀在今年8月與圈外男友「豬仔」Leo結婚，婚禮當日Leo講感言時承諾有信心會照顧得吳嘉儀好好，不過吳嘉儀昨日（3日）突然在IG限時動態爆seed，直言：「唔好講幸福喇，連抖啖氣都有困難！」
【相關閱讀】：「獎老」阿七吳嘉儀貼三點式澄清冇推job 老公親自操刀影火辣泳照力撐太太
【點擊睇阿七吳嘉儀呻爆】：
「阿七」吳嘉儀昨日（3日）突然在IG限時動態連環出po，疑似爆seed鬧爆老公並直斥：「唔好講幸福喇，連抖啖氣都有困難！」接着吳嘉儀留言：「你要斤斤計較係你品德問題，唔好逼人順從你嗰套。我洗自己賺嘅錢對自己的家人、朋友好有咩問題？最好我養埋你供埋樓但寫你名，個個星期叫我諗去邊，入場費、parking又唔想畀，我畀ok呀，叫你揸機影張相就黑面hea撳，其實撳幾個制又唔駛錢嘅，駛唔駛咁嘅態度先？最嬲係：日日都對住啦，駛咩維繫感情呀?（態度輕佻）」
吳嘉儀自爆被人成衣櫃衫掟出大門
越講越嬲的吳嘉儀更以英文留言：「我不好，但我能活下去。」她還說：「#話我擺3枝送畀家人嘅護膚品喺車後座會整花佢tesla座位啲皮（已提出搵到任何𠝹花痕跡，我願意照價賠償），#每日被話蠢話麻煩話污糟100次#又唔係未試過被改密碼鎖無家可歸#又唔係未經歷過畀人成衣櫃衫掟出大門#要求認真反省其當欺凌作玩笑的性格問題。」《星島頭條》今日（4日）曾向吳嘉儀了解，但未有回覆。
吳嘉儀再次無家可歸等佢高抬貴手
到了今日（4日），吳嘉儀終於更新了IG限時動態，她說：「昨晚又發生太多事，不能夠詳講。明明講好咗，今日各自忙，佢外出工作、我喺屋企落樓攞個外賣，原本食完就整妝外出剪頭髮。上樓發現匙卡開唔到門、pw改咗。而家我只能著住套睡衣、揸住個外賣等佢高抬貴手，返嚟開門畀我換衫執嘢#謝謝關心#唔記錄低證據相信有人會相信咁戲劇化嘅事。」
【點擊重溫阿七吳嘉儀當日結婚相】：
其實吳嘉儀婚後遇過不少問題，試過在社交平台留言大吐苦水：「冤枉呀！我11月冇請假，冇度蜜月，手頭上工作只有個固定拍攝日子的飲食節目《搶食著數特攻隊》和一個月2至3次《鄰住買直播》。我冇推Jobs，我好鍾意工作，我現時冇大肚，謝謝。希望有疑問嘅人，直接聯絡我經理人或者問我，我真係好鍾意、好認真對待每個工作，謝謝。」接着「阿七」吳嘉儀又一口氣貼上多張泳照自勉：「希望每個在努力嘅人，不要因為旁人嘅三言兩語打擊而忘記初心，繼續努力，肯努力的人總不會一無所有。」吳嘉儀曾表示社交平台曾貼過的火辣泳照，全部都「老公視覺」：「呢啲相係佢揸機影嘛，咁我『豬仔』ok嘅，我哋有各自me time。」
【其他文章】：
阿七吳嘉儀結婚丨讚老公係「找數真漢子」 披超深V嫁衣如願將花球拋給莊思明
阿七吳嘉儀結婚丨出門全身「金」巨型龍鳳鈪多到掛上身 閃爆大豬牌有特別設計顯心思
「獎老」阿七私下造型索爆！著Bra top單車褲拖地晒驚人上圍加靚股 長髦髮激似鍾嘉欣
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應