獨家丨林嘉華逐點擊破婚變暴瘦傳聞勸勿信假新聞笑談財困：啱啱買咗湖邊屋嚟釣魚

2023-12-04 07:00

66歲林嘉華自2019年約滿TVB後返回加拿大定居享受人生，之前嘉華哥回港跟吳毅將、石修、元彪敘舊，因為一頭白髮慘被content farm老屈佢婚姻、健康及財政出現危機，所以憔悴暴瘦又一臉殘樣。林嘉華面對得啖笑的傳媒新態，接受《星島頭條》訪問時挺身澄清，唔只冇危機，更因投資有道，生活不知幾快樂，他更勸大家認清真相：「𠵱家有好多轉載報道，加插啲流嘢不可信，要以真人發聲為準！」採訪：方騫平攝影：羅安強場地：富豪香港酒店

66歲型佬林嘉華努力keep住身型及貪過癮留白髮，竟被傳有健康危機。

林嘉華及劉寶珍享受退休四圍玩，用行動證明婚變得啖笑。

兩公婆識飲識食好有要求。

兩公婆好恩愛。

好戲之人林嘉華冇諗過退休。

林嘉華唔介意TVB冇給他獎項。

嘉華係功能性演員。

林嘉華在多倫多有好多啫好，閒時出海釣魚、種植及砌中式盆景，與太太劉寶珍四出遊玩。日前嘉華的33歲獨子林政峰為父母慶祝結婚39周年，林嘉華在社交網上載有關圖文，Sweet到爆。對於夫妻相處之道，他的貼士好簡單，就是互相體諒，大事化小，小事化無。

嘉華哥在港跟吳毅將、石修及元彪敘舊。

每年結婚周年都會慶祝。

嘉華哥的加拿大屋企。

家居佈置得好有聖誕節氣氛。

懂得享受生活。

兩公婆煮豐富佳餚。

兒子不時下廚。

林嘉華兒子林政峰好孝順。

花園砌中式盆景。

作品有水準。

種植番茄。

好有閒地種埋花。

投資物業升值3倍

對於被網傳婚變、經濟拮据，要住多倫多3、4線小區，甚至講到獨子要擺街邊賣衫，連朋友都為他抱不平，嘉華反而一笑置之：「可能有次買屋同人傾開，啲人聽頭聽尾就亂傳，仲傳到話劉寶珍帶個仔返港交返畀我。」對於財困傳聞，他沒好氣說：「每個人睇嘢嘅標準都唔同，可能有啲人認為要有4間賭場至係財務鬆動呢？我唔係要炫耀自己，𠵱家我過得好輕鬆，冇任何財政壓力，之前用百幾萬加幣(約900萬港幣)喺Peterborough買咗間3房湖邊度假屋，一年四季都可以去小住，明年打算會喺另一區買多間嚟釣魚。」

加拿大住所外圍。

林嘉華好鍾意釣魚。

好鍾意釣魚的嘉華哥買咗三房湖邊屋仔，得閒住吓。

林嘉華、劉寶珍花百幾萬加幣(約900萬港幣)喺Peterborough買咗間3房湖邊度假屋。

湖邊度假屋環境悠優美。

一家3口一年四季都可以去玩。

湖邊度假屋有3房及恆溫裝置。

嘉華分享移民心得：「當年我揀咗喺多倫多交稅最多，最多專業人士聚居嘅Unionville(如同香港九龍塘的萬錦市社區)落腳，由於有升值潛力，啲屋升多咗3倍，有啲用嚟自住，有啲就投資屋換屋，我哋都有掟大嚿錢畀囝囝做首期，買有打理嘅apartment，等佢唔使供咁多，又有自己嘅物業。」他表示，兒子有自家時裝品牌及店鋪，不用他經濟支援做生意，之前在加拿大潮區Ossington開設Pop Up Store，吸引好多有消費力嘅潮人，「囝囝又會於party親自示範做手工染布，完全唔係喺街邊檔賣衫囉。」對於外型憔悴又暴瘦，他強調都係觀點和角度問題：「有人認為我過瘦，亦都有人讚我fit，請教keep fit之道，其實係用飲食控制身型，少食多餐及只能食7成飽。至於還原白髮係貪過癮，反正疫情期間冇工開，之前做舞台劇《嬉春酒店》都試過白髮，咪將染過嘅黑髮漂走。」

嘉華夫婦力撐兒子開時裝品牌Pop Up Store。

之前兒子林政峰在加拿大潮區Ossington開設Pop Up Store。

林嘉華兒子林政峰於party親自示範做手工染布。

兒子林政峰借埋古董車增加吸引力。

嘉華強調兒子完全唔係喺街邊檔賣衫。

自家時裝品牌Pop Up Store吸引好多有消費力嘅潮人。

林嘉華(右1)演舞台劇《嬉春酒店2016》以白髮示人。

白髮嘉華被指外型憔悴又暴瘦。

享受拍戲唔會退休

林嘉華認為人生要過自己鍾意嘅生活，要relax唔好有咁多包袱。他坦言好享受拍戲唔會退休，因為每個劇本嘅戲，都係另一個人生，談到最深刻的角色，嘉華指《鐵馬尋橋》的大奸角榮德，曾獲大馬頒獎禮民選「最受歡迎奸人獎」，但因為只屬TVB部頭藝人，攞唔到台慶「男配」：「記得監製李添勝搵我拍，原意係叫我殺住頭及尾幾集，中間交畀後生演，點知後來啲戲寫晒喺我身上， (TVB欠你一個獎？)呢個世界係冇拖冇欠嘅，我喺呢行唔著重獎項，而係觀眾心目中仍然記得林嘉華，鍾意我啲角色。」

奸到出汁嘅林嘉華跟馬國明、惠英紅合作《鐵馬尋橋》，打入台慶「最佳男配」最後5強。

嘉華在《鐵馬尋橋》演大奸角榮德。

林嘉華演《鐵馬尋橋》獲大馬頒獎禮民選「最受歡迎奸人獎」。

港視停運觀眾損失

坦言近年少睇港劇的嘉華哥喜歡睇韓劇，最深刻是《魷魚遊戲》。入行近50年，他最肉赤王維基的HKTV被迫停運：「係香港觀眾嘅損失，港視製作劇《夜班》、《警界線》、《我阿媽係黑玫瑰》、《驚異世紀》劇本統統都好正，演得好開心，唔拍係遺憾。」問到何時返TVB拍劇？自由身的嘉華哥表示要有啱劇本，但近年拍電影居多，因為可以喺短時間內演繹到角色。講到喜歡嘅演員，他認為劉青雲可以完全搣甩固定角色及形象，係出色演員；劉松仁對拍劇有要求；張建聲好有才華及潛質，因為熱愛電影肯為角色付出。嘉華哥則屬於功能性演員，之前特地到上海，跟謝霆鋒拍咗一日戲。