叱咤頒獎禮2023丨193對「我最喜愛」獎項採用放棄戰術 自嘲難得獎：除非MIRROR解散

《2023年度叱咤樂壇流行榜頒獎典禮》明年1月1日於亞洲國際博覽館舉行，本周展開第一階段投票，商台昨日（17日）公布我最喜愛的男、女歌手及組合大獎的十強名單。不過之前打入「我最喜愛男歌手」12強的洪嘉豪及馮允謙被出局。而ERROR亦有份打入十強。ERROR成員郭嘉駿（193）及洪嘉豪昨晚（17日）出席港台「SHOW 動音樂會」，193對於ERROR躋身十強，他笑謂：「呢個一定啦！香港都係只得十幾隊組合，但覺得有啲威脅，樂壇人才輩出，未必入到五強。我哋係用放棄戰術，無叫過人拉票，覺得呢件事有少少型。」

【相關閱讀】：ERROR各有女神林熙蕾朱茵仲有月野兔 拍拖愛低調怕散咗好樣衰

【點擊睇ERROR郭嘉駿（193）洪嘉豪出席音樂會】：

昨晚（17日）是港台「SHOW 動音樂會」。

洪嘉豪出席音樂會。

洪嘉豪坦言之前打入12強已經好開心。

明年將於紅館首度開騷的洪嘉豪，表示現正積極籌備。

郭嘉駿（193）都有出席港台「SHOW 動音樂會」。

193對於用放棄戰術感覺事情有型。

193認為ERROR打入五強亦不能獲獎，除非MIRROR解散。

洪嘉豪、郭嘉駿（193）合體。

兩位的身高差非常直觀。

洪嘉豪故意再蹲低矮一截。

193笑言ERROR打入五強亦不能獲獎，除非MIRROR解散，但相信沒可能。談到有半隊MIRROR成員在「我最喜愛的男歌手」打入十強，而前輩級尹光亦有份。他認為尹光威脅到MIRROR成員，因好像民選推舉對方出來。他說：「尹光喺娛樂圈5、60年儲落好多粉絲。姜濤廿幾歲儲得幾多粉絲，一定唔夠尹光儲咁多年，不過我當然想MIRROR得獎啦！尹光得獎亦好值得。但我希望退休前自己可以有人投票入到十強。」而早前有份演出舞台劇《Laugh Vacation》的193，直認參演後有戲癮，亦想原班人演出Part2，並謂今年拍攝不少綜藝節目，希望明年專注演戲工作。他說：「我都有跟出品人傾過Part2想做啲咩！不過跟Part1有連貫，希望會成事。」談到可會邀請ERROR成員梁業（肥仔）、何啟華（Dee）和吳保錡（保錡）加入演出，193表示原本四子一起演出舞台劇，但疫情關係，最後只有他參演。

洪嘉豪不想給壓力粉絲

同場出席的洪嘉豪，對於「我最喜愛男歌手」被出局，他坦言之前打入12強已經好開心，若然躋身十強會更開心。他說：「可能今年自己無咁活躍，出歌數量唔多，下年會多返。（會否向粉絲拉票？）我知道喜愛自己嘅粉絲會盡心盡力為我好，我又唔想畀壓力大家。我自己都無投自己神聖一票，所以無乜資格講呢番說話，作為歌手希望每個樂迷為自己喜歡偶像投票，入唔到十強都唔會唔開心，今年又有好強嘅尹光，玩法完全唔同，入到12強已經開心。」

洪嘉豪明年開紅館演唱會

明年將於紅館首度開騷的洪嘉豪，表示現正積極籌備，亦構思以自己做出發點。他說：「嘉豪呢個多太多，點樣成為特別嘅自己，嘉豪呢個名喺香港可能有50萬個人。」談到跟他份屬好友的男團FINALLY推出新歌，可會邀請做演唱會嘉賓？他笑說：「我都有聽佢哋首歌，都幾繞樑三日，知道佢哋幾熱愛音樂，但唔會請佢哋呢？但我個騷好認真，就唔係好啱佢哋。」

 

【其他文章】：

193郭嘉駿MV台妹主角李恩菲日本車站遇痴漢 同行多名樂天女孩被摸

名人雜誌丨193企硬:唔會做倒模式藝人 大爆因「前度」改變人生 再見難做朋友

193笑晒口跟觀眾打成一片 ERROR合體出席電影謝票催谷票房

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ