單拖伸手黨粉嶺周街問人攞$200 街坊認得：佢追住我同個朋友成條街｜Juicy叮
2023-11-14 08:10 
一名中年漢近日被粉嶺街坊聲討，指不時在街頭懷疑伸手向人討錢，銀碼介乎2元至200元不等。
樓主早前在地區facebook專頁一口氣上載4幀紅衣男相片，留言提醒「各位街坊銀行撳錢嘅時候小心此人，佢一見到有人撳錢就會問人拎$200食飯，已經喺聯和墟超過兩年，特別夜晚街坊要小心」。
帖文一出即獲街坊和應，異口同聲指認得此人：「就係佢啦，問過我幾次」、「呢個喺（粉嶺）聯和墟經常出沒......」、「呢條友不嬲喺聯和墟出晒名」、「佢追住我同個fd（朋友）成條街」、「大家都要小心，此人扮傻就真」、「成日敲人車窗問司機拎錢」。
單拖伸手黨逐張睇↓↓↓↓＋ 街坊異口同聲回應↓↓↓↓
回應的街坊自爆曾經與對方接觸的經歷：
•「佢問過我攞2次，一次兩蚊，一次$20」、
•「上星期六晚10點幾，佢追住我同個fd（朋友）成條街，追到有其他人嘅位置佢先走」、
•「我早幾日晏晝啱啱買完嘢揸住銀包，佢行埋嚟問我畀幾十蚊佢食飯，當時我拖住細仔嗱嗱聲走」、
•「有晚街市食完飯等的士，都有人走嚟問我拎$20，我話我幫唔到佢，之後就上咗粉火小巴，但就唔確定係咪佢嚟，夜麻麻睇唔清」、
回應的街坊自爆曾經與對方接觸的經歷：
•「有次我係聯昌街投注站買波，呢條友都走嚟問我有冇$200借畀佢，睇佢個樣似係住中途宿舍或者係老同（吸毒者），嗰下都費事理佢，依家聯和墟太多外來人，搞到啲治安都好差」、
•「我果日撳錢佢都問我拎錢，嚇死，叫佢行遠啲，呢啲人咁後生有手有腳都唔去搵錢，千祈唔好畀錢佢，畀得一次佢就日日問人拎錢」。
單拖伸手黨逐張睇↓↓↓↓＋ 街坊異口同聲回應↓↓↓↓
街坊：仲問我借煙食
有網民指「今日仲問我借煙食」，獲樓主回應「之前我未戒煙嘅時候佢都有問過我拎煙食，我同佢講冇錢就咪Ｘ學人食煙，馬會門口地下大把免費嘅」。
有人似乎略知對方底細，指「呢條Ｘ樣！叫阿Ｘ！已前送外賣！收外賣錢自己拿！上水都好出名」、「 嗰時好似喺上水ＸＸ」。又有人補充「佢喺銀行櫃員機隔籬嗰間點心鋪，門口坐嗰啲位留意人哋有冇漏嘢就偷」、「還有成日去問人攞錢打機，又成日攞啲飯盒麵包問人要唔要，不過問人攞返錢」。
單拖伸手黨逐張睇↓↓↓↓＋ 街坊異口同聲回應↓↓↓↓
網民：下次唔好再畀錢佢
網民於是重申「下次唔好再畀錢佢啦」、「點解要畀？」、「男人老狗咁後生都唔做嘢去問人攞錢，啲人最好唔好畀慣佢， 咪等佢見以為係人攞錢都要畀佢咁！」。街坊回應指「梗係冇畀佢啦」、「我仲鬧佢兩蚊都冇呀，你不如唔好做人」。
另有人批評這位「單拖伸手黨」食水深，指「食個盅頭飯都係$30」、「我自己都唔會無啦啦食餐2舊水飯啦」、「兩舊水，我喺街市食個任飲任食火鍋都有找」。
騙案相關新聞：
上水ATM機撳錢突被女子死纏：「做乜攞咗我錢！」「屈錢黨」新招行騙 事主教咁甩身
騙徒狂發短訊釣水魚？ 網民4招退敵 爆笑回應自認：我係你詐騙對象
柴灣「春麗」死跟攞錢 街坊：一陣已收咗幾舊水 網民爆最新行蹤......
「MIRROR」擊退「名畫黨」瘋傳 港男奇招KO騙徒 網民：好癲！
名畫黨｜網民人肉追蹤 總有一張喺附近 十年前肆虐全港曾入侵澳門台灣
「名畫黨」出沒踩中要賠錢？ 醒目網民教應對妙法免受騙【附「名畫」介紹】
「迷暈黨」新招誘苦主埋身 大舉入侵元朗大埔？事主：過一條馬路遇到3個
「催眠黨」疑入侵青衣 港爸自動㩒錢奉獻 痛失$XXXX（附騙徒5大特徵）
西環變種「呃食黨」唔要錢改要ＸＸ 苦主矇查查破財：我係咪俾人呃咗啊？
疑似騙徒多國語言攀談 網民睇起：進步咗好有誠意
騙徒手法層出不窮，現在還要熟用多國語言。有網民近日上載懷疑遇上電騙案的手機whatsapp截圖，見到疑似騙徒以英文、中文和日文留言，真是世界難撈。
港男出po尋物遇「呃茶錢黨」 港男分享智破騙徒經驗
----
《星島頭條》APP經已推出最新版本，請立即更新，瀏覽更精彩內容：https://bit.ly/3yLrg
最新回應