劉鑾雄記者會丨呂麗君話題停不了？疑借跳舞片晒豪宅傳戀小鮮肉與猛人同框被寸P圖

2023-11-11 20:20

富商「大劉」劉鑾雄與舊愛呂麗君（現名呂姵霖）育有兩名子女，最終於2014年宣布分手。未料去年12月大劉與呂麗君突一同現身銅鑼灣皇室堡，惹來各種傳聞。今年1月大劉即開記招撇清關係，更直斥對方為錢而「九尾狐現真身」，昨日（10日）大劉又突然召開記者會，公開鬧爆「賤人」找打手作假新聞，令外界揣測大劉暗批呂麗君，同時令呂麗君母女一舉一動再受網民關注！

【相關閱讀】：劉鑾雄記者會丨呂麗君記者會後首發文報喜訊！ 21歲囡囡畀like撐母

【點擊睇呂麗君近年生活】：

2019年改名為呂姵霖的呂麗君，曾與大劉有一段情。

兩人育有一女一子，其中兒子劉子鋒現年13歲。

兩人以往經常結伴用膳。

劉鑾雄宣布2014年已和呂麗君分手。

劉鑾雄指曾多次助呂麗君度過難關。

呂麗君曾貼自拍照，指自己剛完成48小時禁食，更聲稱腳傷痊癒，皮膚都好咗。

呂麗君（左二）近年投身慈善，專注發展呂姵霖基金會，以支援保育、醫學研究、文化和藝術教育等項目。

經常周圍飛的呂麗君日前現身在新加坡舉辦的「為地球奮鬥獎」（The Earthshot Prize）。

席間呂麗君與創辦人英國王儲威廉（左）對話。

呂麗君不時在社交網分享囡囡日常及慢活人生。

呂麗君花不少時間做運動維持好身材。

呂麗君平日勤跑步。

呂麗君跑步會挑戰不同路線。

呂麗君試過跑步時遇到周潤發。

呂麗君經常分享在戶外做瑜伽的照片。

呂麗君出海都要做瑜伽。

呂麗君間中都會大晒泳裝照，讓網民欣賞好身材之外，似乎亦想借機分享做運動的成果。

去年呂麗君因經常分享與肌肉型男教練一同健身及做瑜伽而傳出緋聞。

呂麗君曾否認與健身教練的拍拖傳聞。

據悉該名「小鮮肉」叫JC，只是呂麗君的瑜伽教練，至今未見她有着落。

呂麗君早前曾找來一位型男教練練跑，二人素顏自拍合照。

現年21歲的劉秀盈是呂麗君與富商「大劉」劉鑾雄所生的女兒。

劉秀盈熱愛舞蹈。

去年聖誕劉秀盈有份表演《胡桃夾子》，媽媽呂麗君到場睇騷支持。

劉秀盈曾將排練《胡桃夾子》的片段放上網，令奢華大宅再次曝光。

有村上隆 x 多啦a夢的名畫。

呂麗君受女兒感染，近年積極培養跳舞興趣。

呂麗君宣佈剛考完國皇家舞蹈學院的職業中級考試。

呂麗君指自己用三個月半時間學習。

大劉2014年曾發「世紀聲明」，稱已付呂麗君20億元分手費，足夠對方和一對子女以後衣食無憂。直到去年底，大劉與呂麗君因被拍到情斷8年後首度會面，引起外界揣測。今年1月大劉公開否認與舊愛呂麗君復合，表明雙方當日現身銅鑼灣並非行街，而是因女方有事相求才到寫字樓簽署商業文件。及後傳呂麗君近年在金融市場投資失利，損失高達20億元，幸獲大劉出手相助，又以4,000萬購入灣仔壹環特色戶，及金鐘遠東金融中心的約半層寫字樓，估值1億元。

呂麗君女兒一度被傳移民英國

年初大劉大動作開記招後，呂麗君先後發行山照，留言稱要呼籲關注氣候變化問題，而其基金會去年12月又向香港芭蕾舞團作出捐助，為社會不同階層人士提供免費門票及免費出席公開預演綵排的機會。同月中呂麗君21歲大女劉秀盈（Zoe）自爆前往英國，惹網民猜測她為避是非移民當地，但原來兩母女只是快閃倫敦4日便回港。

【點擊睇大劉記者會】：

今年1月，大劉召開長達90分鐘的記者會，直接否認與舊愛呂麗君復合，澄清是對方有困難尋求幫助。

大劉在記者會中提到當日被拍到與呂麗君同時出現在皇室堡說：「我最嬲係咩，最唔想畀人見到我同呂麗君一齊！唔知大家有無睇《愛回家》？裡面有個角色叫「食屎陳師奶」，我唔理佢有冇食屎、係咪陳師奶，總之當時見到有個師奶影我相。」

問呂麗君在大劉心中是怎樣的人，他說:「我真是不方便評論佢，講七七四十九日都講不完，要紮營大家喺度講。陳小姐有沒有不開心及嬲？她點值得，她知咩事，皇室堡件事她都在香港，隔幾日就去日本，仲叫埋我去，但我多嘢做好攰，想屋企瞓多幾日覺沒去。」

有記者問到呂麗君是否很有機心，大劉表示：「形容得好膚淺，機心太膚淺，深入會喺咩你自己研究下。」

大劉又表示：「（呂麗君）在我面前詐傻扮懵，真傻真懵又有乜用，在某人面前無信用，講咩都無人聽。呢個問題（有機心）問得好，但不適用在某些人身上，有些人是ET外星人、個心無心跳，好似《畫皮》唔係人嚟。」

有傳呂麗君近年在金融市場投資失利，損失高達20億元，幸獲大劉出手相助，以4,000萬購入灣仔壹環特色戶，及金鐘遠東金融中心的約半層寫字樓，估值1億元。

呂麗君今年1月在舊愛大劉開記者會後於IG晒風景相。

呂麗君呼籲大家2023年要關注氣候變化問題。

呂麗君傳財困多時，仍熱心公益。

壹環前身為灣仔街市，位於黃金地段。

大劉曾透露壹環單位或會轉贈太太甘比。

大劉昨日（10日）突然再開記招回應坊間傳聞，記者會上再一次爆出大量金句，更以「賤人」形容一位令他恨之入骨的人。

談「賤人」變壞之前有否勸籲對方：「梗係有，但係有用咩？唉……我淨係講佢全家都係納米型、納米型嘅賊仔，全家。」

談會否分身家給「某啲賤人」：「賤人梗係唔會啦！你呢個問題都有少少問題啦！我長命一萬歲都冇機會啦！佢實破產㗎！貪到死，乜嘢都要借。」

談對方蝕得最多投資：「佢以前同我講倫敦買咗啲物業返嚟，全部都係作出嚟！我而家夠話美國白宮都係我負責起㗎，任我吹，你信唔信吖？我而家想呃你啊，靚女，你想住倫敦白金漢宮，定華盛頓嘅白宮？你信唔信吖？我諗全世界1萬個有錢佬都買唔到呢兩棟物業。佢講大話唔使眨眼，出口成詩㗎！」

談子女知否母親所作所為：「I really don't know！我真係唔知，佢好識洗腦㗎……一支牙膏、一張單都claim3次，呢句說話我作出嚟嘅話，我絕子絕孫，七個仔女養唔大啊！」

談最近一個月有否改遺囑：「佢唔止牙膏claim三次，喺超級市場地下啲單，佢都執嚟claim，你估我唔知咩？……佢最擅長係點呢？買咗個名牌袋之後，平價賣返出街。我記得40幾年前去夜總會，啲舞女最鍾意搵老襯。5千蚊買日本時裝，我就收返4千蚊現金，時裝舖就剩袋1千，40年前好興呢啲嘢㗎。」

談有人去新加坡招搖撞騙：「我夠可以喺電視同拜登合照、P圖話佢企喺我隔籬啦！以前台灣有套電影叫《養鴨人家》，你知唔知鴨同鵝分別，鴨只係做女人生意，鵝就男又做女又做。呢啲係佢嘅私生活佢嘅事，唔關我事。」

劉鑾雄在記者會上提到由李行執導，1965年上映的台灣電影《養鴨人家》。

大劉記者會吸引多間媒體採訪。

工作人員派發口罩給傳媒。

準備了水及消毒用品給大家。

大劉座位旁邊有毛巾、口罩。

也有關於大劉的失實文章。

呂麗君同框威廉王子疑被暗寸

呂麗君近年亦發展呂姵霖基金會，稱要支援保育、醫學研究、文化和藝術教育等項目，經常周圍飛的她日前就現身在新加坡舉辦的「為地球奮鬥獎」（The Earthshot Prize），席間與創辦人英國王儲威廉對話，惟昨日疑被大劉暗寸：「呢個賤人最近去新加玻，冇人識佢㗎，自己招搖撞騙，人哋見到佢都驚咗佢。我夠可以喺電視同拜登合照、P圖話佢企喺我隔嚟啦！」