劉鑾雄記者會丨大劉十大金句！夾雜粗口英文「佢全家都係納米型賊仔」

2023-11-10 19:32

劉鑾雄（大劉）今日（10日）突然宣佈再開記招回應坊間傳聞，記者會上再一次爆出大量金句，更以「賤人」形容一位令他恨之入骨的人，狠批對方全家都是「納米型賊仔」。其實早在今年1月，劉鑾雄已曾經召開一次記者會，向公眾交代有關他與前女友呂麗君（現名呂姵霖）合體現身銅鑼灣而被指復合的傳聞，當時的「十大金句」令人記憶猶新，今次大劉再次連珠炮發，再一次字字珠璣，間中夾雜一兩句粗言穢語，同樣令人忍俊不禁！

【點擊睇劉鑾雄記者會金句】：

今日現場有工作人員派口罩。

大劉記者會吸引多間媒體採訪。

全部記者均戴上口罩。

劉鑾雄（左四）坦言並沒有嬲許家印（右四），只嬲自己沒聽太太陳凱韻勸告盡快減持恆大股票。

1. 談恆大許家印：「我從來冇嬲佢，我係嬲我自己，因為我老婆同佢家姐講過不下200次，叫我賣啦賣啦，我話我賣先佢一定X街，快得過佢應該要X街。」

2. 談有人拿民事傳票給他：「我見壞人都見唔少，但咁X賤咁X壞嘅人，都係第一次見。」此時有記者問：「壞過凱婷？」大劉顯得有點一頭無緒：「吓？壞過咩？咩凱婷？」記者解釋是潮語，意指好壞嘅女仔，大劉說：「我唔知，真係唔識呢啲嘢，我呢啲又老又out，而家識喇，但我都唔知咩意思。」

3. 談「賤人」變壞之前有否勸籲對方：「梗係有，但係有用咩？唉……我淨係講佢全家都係納米型、納米型嘅賊仔，全家。」

4. 談會否分身家給「某啲賤人」：「賤人梗係唔會啦！你呢個問題都有少少問題啦！我長命一萬歲都冇機會啦！佢實破產㗎！貪到死，乜嘢都要借。」

5. 談對方蝕得最多投資：「佢以前同我講倫敦買咗啲物業返嚟，全部都係作出嚟！我而家夠話美國白宮都係我負責起㗎，任我吹，你信唔信吖？我而家想呃你啊，靚女，你想住倫敦白金漢宮，定華盛頓嘅白宮？你信唔信吖？我諗全世界1萬個有錢佬都買唔到呢兩棟物業。佢講大話唔使眨眼，出口成詩㗎！」

6. 談子女知否母親所作所為：「I really don't know！我真係唔知，佢好識洗腦㗎……一支牙膏、一張單都claim3次，呢句說話我作出嚟嘅話，我絕子絕孫，七個仔女養唔大啊！」

7. 談最近一個月有否改遺囑：「佢唔止牙膏claim三次，喺超級市場地下啲單，佢都執嚟claim，你估我唔知咩？……佢最擅長係點呢？買咗個名牌袋之後，平價賣返出街。我記得40幾年前去夜總會，啲舞女最鍾意搵老襯。5千蚊買日本時裝，我就收返4千蚊現金，時裝舖就剩袋1千，40年前好興呢啲嘢㗎。」

8. 談對方子女已長大會否獨自生活：「你問得真係好，我真係想擁抱你，唔係想非禮你啊。」

9. 談有人投資失利：「買埋啲Accumulator，I'll kill you later！」

10. 談有人去新加坡招搖撞騙：「我夠可以喺電視同拜登合照、P圖話佢企喺我隔籬啦！以前台灣有套電影叫《養鴨人家》，你知唔知鴨同鵝分別，鴨只係做女人生意，鵝就男又做女又做。呢啲係佢嘅私生活佢嘅事，唔關我事。」

劉鑾雄在記者會上提到由李行執導，1965年上映的台灣電影《養鴨人家》。

2019年改名為呂姵霖的呂麗君，曾與大劉有一段情。

兩人的大女劉秀盈已經21歲。

兩人育有一女一子，其中兒子劉子鋒現年13歲。

劉鑾雄宣布2014年已和呂麗君分手。

劉鑾雄指曾多次助呂麗君度過難關。

兩人以往經常結伴用膳。

呂麗君早前曾找來一位型男教練練跑，二人素顏自拍合照。

劉鑾雄與呂麗君分手後，不時炮轟對方。

大劉與太太甘比2016年正式結婚。

大劉與太太甘比育有兩女一子。

大劉今日又再大爆金句，提到「賤人」變壞之前有否勸籲對方，大劉直言：「我淨係講佢全家都係納米型、納米型嘅賊仔，全家。」首次接觸潮語「壞過凱婷」的大劉又自嘲：「真係唔識呢啲嘢，我呢啲又老又out。」大爆「賤人」一張單報銷三次，大劉更直說：「呢句說話我作出嚟嘅話，我絕子絕孫，七個仔女養唔大啊！」談有人投資失利，大劉還押韻說：「買埋啲Accumulator，I'll kill you later！」字字珠璣！

另外，大劉太太「甘比」陳凱韻，雖然今日並無出席記者會，但亦有在社交平台貼文，看來心情並無大受影響。