劉鑾雄記者會丨讚太太甘比「好聽我話」：佢清楚啲錢係我好辛苦賺返嚟

2023-11-10 17:05

劉鑾雄（大劉）與舊愛呂麗君（現名呂姵霖）在2014年分手，但年初兩人被影到在華置旗下銅鑼灣皇室堡同框出現，因而盛傳兩人復合，大劉隨即開記者會澄清傳聞，當時並發澄清聲明指：「本人於2016年與陳凱韻結婚，亦早已將絕大部分名下財產作出處理，以防日後他人作出任何無理訴訟，所作一切無非為保障陳凱韻及家人，避免日後有人為一己私利，興風作浪。」大劉今日（10日）在記者會上亦有談及「分身家」問題，並大讚太太陳凱韻（甘比）聽話。

【相關閱讀】：劉鑾雄記者會丨再炮轟呂麗君搵人做打手造謠直言分身家「斗零都唔分畀佢」：佢無腦㗎 (不斷更新)

【點擊睇劉鑾雄記者會】：

有工作人員派口罩。

大劉記者會吸引多間媒體採訪。

全部記者均戴上口罩。

有工作人員派口罩。

大劉座位旁邊有毛巾、口罩。

也有關於大劉的失實文章。

叫甘比送錢畀人一定照做

大劉指自己有幸今日開這個記者澄清：「我今日仲有得say，陳凱韻肯聽我說話，我3個仔女都肯聽我說話，答完你未吖？你清唔清楚我意思？我而家突然話呢個哥哥姐姐，話佢幾醒目，『老婆送1000萬、100萬畀佢』，佢（甘比）一定會照做，你聽唔聽得明我意思？因為佢哋好清楚知道啲錢係我好辛苦賺返嚟畀佢哋，唔係佢哋賺㗎嘛，佢係一個正常人，係咪應該質疑我意思先？你頭先答我問題，我答咗你㗎喇。」

指某人貪到死一定會破產

及後在場記者又問到其他人能否分到其身家：「你一定唔會分畀某啲人？某啲賤人？」大劉聽完即回答說：「賤人梗係唔會啦！你呢個問題都有少少問題啦！我長命一萬歲都冇機會啦！佢實破產㗎！貪到死，乜嘢都要借，你睇佢買嗰個晉環，畀10% deposit，畀15%政府！你夠薑嘅，你畀晒現金啦！我見啲有錢佬老婆畀現金，收租唔使驚個payment吖嘛，但畀10%deposit，畀15%政府，你話係咪傻㗎？問題都唔係問題嚟嘅，你話係咪傻傻哋吖。」

【點擊睇大劉與甘比】：

大劉與太太甘比2016年正式結婚。

大劉與太太甘比育有兩女一子。

甘比近年出心出力做慈善活動。

甘比近年在深水埗開設社企餐廳回饋社會。

甘比近期迷上編織。

甘比亦關注動物權益，去年底搞義賣，更親手鈎織愛心貓咪頸圈。

甘比將興趣發展為事業之一。

經常親力親為。

劉鳴煒現年42歲。

劉鳴煒被封「Package劉」，筍盤已再封盤。

劉鳴煒是劉鑾雄與已故元配寶詠琴的長子。

劉鳴煒2014年時任香港海洋公園董事局副主席。

劉鳴煒邀請過羅蘭及林明禎任香港海洋公園活動大使。

劉鳴煒的Package絕對是無敵。

與現任太太簡雪忻（Joyce）在拍攝港台節目《我係乜乜乜》認識。

Joyce本身揀咗嘉賓游學修，但當劉鳴煒現身即轉軚，話「鍾意佢個樣」！

劉鳴煒首任妻子Wendy為大學同學，2008年生有一對龍鳳胎。

大劉繼續發炮：「數目字係邊時？以前買塊地萬幾蚊，食碗叉燒飯7毫子，而家邊有？唔同時間數字就唔同。佢係納米型小賊，成家都係。買埋啲Accumulator，I'll kill you later！佢買晉環，人哋一次過畀錢買，佢10%做deposit，15%做stamp。佢無腦㗎，鴕鳥政策，以後再唔會救佢，再破產都唔會救，大家再無關係。（佢有冇主動打畀你？）咁就冇，但我打畀啲仔女時，佢就坐旁邊搭嗲，你估我會唔會聽佢電話？我住院時，佢見我未死得就扮Close，我即刻同陳凱韻結婚，點知結婚婚都未夠，要分身家先有保障。我開記者會之後一星期，我同律師講寧願分錯都唔願畀佢得益。可能我斗零都唔分，可能留畀我老婆同佢三個仔女決定。（咁你會唔會分畀佢啲仔女？）我唔係唔想分，怕俾佢撻埋。有冇睇早排《東張西望》？有個肥女人嫁咗四次，間公屋都呃埋個仔。」