東張西望丨內地女與已婚港男互相借種生B發展出真感情 爆「小四」後男方失蹤來港尋人
2023-10-19 21:30 
TVB節目《東張西望》今日播出一宗40歲內地女子黃小姐來港尋「男友」的故事。黃小姐與已婚小學同學謝先生，因為兩個都想生小朋友一拍而合，更嘗試做試管嬰兒，期後更發展出真感情，隨後謝先生卻爆出有「第四者」，之後更消息不見，令黃小姐來港尋人。黃小姐直言：「我知道肯定會有人話我傻話我蠢、破壞人哋家庭，但我不過係想做媽媽。」不過黃小姐其實從頭到尾都未曾生B，只成功培育出三個未植入的胚胎。
【相關閱讀】：東張西望丨涉濫用難民食物卡蛇頭「破冰轉身」避追訪 梁敏巧上演追逐戰嘴部被打！
【點擊睇今集《東張西望》】：
黃小姐與謝先生是小學同學，據知謝先生長大後從內地到美國留學，現居於香港。黃小姐指與謝先生在小學畢業後、至2019年互加微信前，都未曾見面，更坦言說：「知道佢有太太，有兩個小朋友，喺佢岳父公司做管理，嗰陣我哋都係普通朋友。」不過黃小姐被舊愛家暴分手後，患上心理疾病，她更一度講到落激：「多得謝生陪我傾偈、開導我。」黃小姐亦因此與謝先生亦越走越近，當時謝先生見黃小姐孤單過節，還對她說：「我們雲端過。」態度曖昩。
聲稱岳父提出「異卵」生B
黃小姐指當時謝生生對她說，最大的煩惱是父母想要男孫，但太太因為三高、肥胖、子宮有問題而被未能陀B。兩人更討論到以試管生育，更指岳父主動提出「異卵」生B，即以謝先生的精子與黃小姐的卵子結合生仔，謝先生還強調父親想抱孫仔。當時謝先生指找到一個還未結婚的好友幫忙，正在物色對象，先誕下好友的兒子，再誕謝先生的兒子。當時黃小姐聽到後感到相當驚訝，不過兩人繼續討論凍卵問題，還開始討論要如何調理身體。
謝先生每月畀生活費
黃小姐指自己不憧憬婚姻，但卻希望有小朋友：「年齡上唔快啲生，又驚生唔到。」當時她想跟前男友復合，但遭謝先生勸阻：「嗰陣開始，我哋就不謀而合。」並達成做試管嬰兒共識，黃小姐由2021年6月開始頻繁出入醫院打排卵針。黃小姐強調當時與謝先生清白，無發生過任何超越朋友的關係，不過她又說：「（謝先生）唔畀我出去做嘢，又話經濟問題佢來解決，每個月畀我生活費，叫我專心調養，仲話生出嚟會安排個仔讀國際學校，喺深圳布吉買套房畀個仔。」
黃小姐無想過破壞別人家庭
大半年後，謝先生向黃小姐表白，希望她能做女朋友，黃小姐說：「我幾意外，覺得佢有家庭、有太太唔係咁好。」不過黃小姐後來亦接受謝先先：「因為覺得佢真心對我好。」被問到有否想過破壞別人家庭，黃小姐直言：「冇，我從來冇諗過破壞人哋家庭。我諗住生咗BB之後，同小朋友過，但如果我同謝先生關係密切啲，對BB成長都好啲。」至於被問到對謝太太不公平，黃小姐卻沉默數秒說：「無諗過。」
至2022年初成功培育三個胚胎，但黃小姐決定暫時不植入，希望能培育更多胚胎，增加成功陀B機會。不過親密關係維持半年後，黃小姐懷疑謝先生有「小四」，還表示發現一條不屬於自己的橡筋，又發現有避孕套不翼而飛：「當時我好唔開心，即時流眼淚。」主持問到：「你知佢有老婆，但又接受唔到佢有其他女仔？」黃小姐卻說：「我喺接受佢之前，清楚佢有老婆㗎嘛。」
黃小姐不後悔做試管
不久後，謝先生返港，隨後更拒絕聽黃小姐電話，還封鎖黃小姐。黃小姐先後數次來港尋人，更到謝先生公司、跑馬地寓所等謝先生，可惜徒勞無功。《東張西望》嘗試打謝先生內地手機，不過正在關機；香港手機則是有一個女性接聽，聽到找謝先生立刻cut線；至於香港公司，則表示謝先生不在港。
另外，黃小姐在拍攝後多次心要求補錄訪問，強調自己無破壞別人家庭：「親手破壞家庭係謝先生本人，有我存在都有其他女人存在。」黃小姐又表示自己有錯：「唔應該同佢發生感情，唔後悔做試管，但係好後悔受佢感動，對佢產生感情。」
【其他文章】：
東張西望丨Patrick Sir夫婦變苦主爆喊申訴！愛犬住狗酒店致癱瘓身亡：好對佢唔住
東張西望丨女大生私影遭暴力對待！多名未成年少女遭侵犯 18歲女：覺得自己污糟咗
東張西望丨17歲女接私影遭性騷擾！被攝影師強行扯衫擘腿觸碰下體：叫我食佢手指
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應