東張西望丨涉濫用難民食物卡蛇頭「破冰轉身」避追訪 梁敏巧上演追逐戰嘴部被打！
2023-10-17 22:30 
TVB《東張西望》近日報道一宗疑似有人利用難民食物卡集團式圖利事件，指「蛇頭」彭太利用南亞裔難民的食物卡，在連鎖超市連環掃貨，購買米、汽水等不同食物，期間更有南亞裔輪流出現以食物卡找數，其後更以七折價錢將貨品轉售至附近藥房，《東張》還拍到彭太向難民交付現金。今日（17日）播出的《東張西望》繼續跟進個案， 還成功與彭太對質。
【相關閱讀】：東張西望丨Patrick Sir夫婦變苦主爆喊申訴！愛犬住狗酒店致癱瘓身亡：好對佢唔住
【點擊睇難民食物卡疑被濫用】：
蛇頭開遮擺「空城計」
《東張》團隊今日播出的一集開始主動出擊，表明身份訪問「蛇頭」彭太，豈料彭太突然來一招「破冰轉身」闖進一座大廈，並衝到後樓梯。當時主持梁敏巧一直緊跟，正準備進入後樓梯時，彭太竟然大力關門，險夾到梁敏巧，幸好身後的工作人員先以手撐住門。彭太則躲在門後，開遮擋住玻璃窗，對梁敏巧的提問十問九唔應，還突然掉低雨傘跑走。
梁敏巧與攝製隊緊追彭太，上演一場後樓梯追逐戰，梁敏巧追到上2樓時，終於追到彭太，此時彭太亦突然動手，梁敏巧大嗌：「做乜打人啊？」接着彭太更疑似拿走攝製隊的物品繼續上樓梯，梁敏巧還說：「你唔好偷我哋啲嘢，彭太。」然後一邊追一邊說：「佢打到我個嘴，好痛！同埋佢偷我哋啲嘢。」隨後經過一輪擾攘，彭太終於肯接受訪問。
聲稱第一日「幫南亞裔」
彭太全程90度彎腰兼低頭，避免鏡頭拍攝到樣貌，並聲稱今日是第一日做（利用難民食物卡）：「我第一日開心，幫下啲南亞裔，佢哋自願㗎，我唔會搶，佢哋仲求我幫手。」彭太又聲稱自己只是中間人，並無從中獲利：「嘥氣！人哋咁淒涼，仲要人哋啲錢做乜？我簡直好心至極。」雖然彭太聲稱第一日「幫南亞裔」，但攝製團隊採訪期間，彭太卻每日準時到超市；同時更有街坊指彭太每次都會購買大量貨品，每次10至20包米、20多箱汽水。對於彭太被拍到指點超市職員、經理，她則表示不認識超市員工：「你真係唔好冤枉職員，陰功，你哋打份工。」
早前彭太被街坊拍到在超市以食物卡購入大批貨品後，親自推去附近藥房，彭太撇清關係說：「係我自己要嘅，你走去問下藥房，見唔見彭太畀貨佢。」不過藥房職員直接承調貨品來自超市，更強調比市價便宜：「我哋有能力、辦法，可以喺嗰度（超市）攞，平啲賣畀你哋。」不過當《東張》表明身份後，藥房職員即180度轉變：「佢（彭太）自己喺門口賣，老細租（個位）畀佢。」超市經理則表示與彭太不相熟：「你都係問返我哋公司啦。」
案件已交西九重案組調查
涉事超市回覆《東張》指，員工一向按照標書內容及社署指引，提供相關領取食物服務，但就未有正面回應事件。社會福利署則表示，如果事件涉及刑事成份，將會轉介警方或有關部門處理。《東張》之後收到不同觀眾報料，指多區亦有同樣情況出現；香港國際社會服務社回覆指已就事件展開全面調查，並於昨日就個案報警。警方亦表示已接到相關機構報案，案件已交由西九龍總區重案組調查。
【其他文章】：
東張西望丨女大生私影遭暴力對待！多名未成年少女遭侵犯 18歲女：覺得自己污糟咗
東張西望丨17歲女接私影遭性騷擾！被攝影師強行扯衫擘腿觸碰下體：叫我食佢手指
東張西望丨黃美棋鯊魚夾街坊Look買宵夜被突擊訪問 素顏上陣靚過化濃妝
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應