東張西望丨師奶跟好友內地一日遊誤墮「買豬豬騙局」 痛失逾60萬再被叫買陳皮
2023-09-28 23:00 
近年騙案橫行，不少受害人最終更血本無歸。今日《東張西望》報道一宗婦人翁太跟好姊妹去內地一日遊，竟被對方遊說設資「豬豬」的「騙局」，翁太前後投資逾60萬，不過只有頭半年有收入，翁太去公司投訴，對方反而叫她投資陳皮。
【相關閱讀】：東張西望丨74歲失婚伯伯尋41年前偶遇女學生 盼再見面：我會盡一切畀你幸福
【點擊睇「買豬豬」騙局】：
翁太向《東張西望》透露，2019年與好姊妹阿娟去內地一日遊：「去到帶我去睇魚塘嗰啲，原來唔係去旅行，部車去到嗰度，純粹要我哋買豬豬。」主持人問到買豬肉還是買豬，翁太則說：「我都唔知啊！我都未見過。」而在單據上，見到只寫上「旺旺豬」三個字，而《東張西望》透過單據印章找到公司網頁，聲稱是推廣新型農業、優資食材，有「清遠國宴休眠雞」，聲稱見證中美建交；還有被稱為「珍珍豬肉」的「江西土黑豬」，聲稱自小餵飼多種珍貴藥材，飲用檢性水，無味、低膽固醇，非常誇張。
聲稱18個月後可獲40%分紅
翁太透露從內地返港後，公司再相約飯局，翁太與好姊妹阿娟一齊坐：「70幾圍，有個長形台、有盞燈，買幾多就行紅地，介紹回報，賠幾多錢。」當時翁太獲派一份表格選擇投資金額，還有「分紅單增值計劃」，聲稱18個月後，可以獲得40%現金分紅，回報相當吸引。
而翁太亦在好姊妹與公司CEO遊說下入會：「佢（好姊妹阿娟）拍下我膊頭，話『唔駛驚，你買啦』，我相信佢呢句說話，買咗10萬。我投資咗60幾萬，有人民幣有港幣。個個禮拜有錢入落我戶口，期限係兩年，兩年後連本帶利取回。」不過所謂成為會員，也只有一張公司卡片加手寫的會員編號，連單據亦是手寫，而且只有一張寫明是投資「旺旺豬」。
好姊妹自稱是受害者
2019年時，翁太幾乎個個星期都收到回報，首次更已經有逾1萬元，翁太頭半年更收到近20萬；不過到2021年1月21日後，就再無收過錢，翁太說：「我好蠢，畀人呃，我而家想攞返啲錢，我啲錢（投資）60幾萬，畀咗你幾年，唔好話計息，我而家只係想拎返嗰40幾萬（扣回頭半年收到約20萬元後的投資金額），其他我唔嚟理。」翁太曾去公司投訴，不過對方反而叫她投資陳皮：「唔買果皮，佢就唔畀返啲錢你。我唔買喇，只係想拎返啲本金。」
翁太由好姊妹阿娟介紹下買「豬豬」，阿娟更有收介紹費：「我突然諗起，有次（公司）啲人叫阿娟帶啲人上嚟買。我買咗咁多錢，多少你都要負返啲責任。」而《東張西望》透過電話訪問阿娟，阿娟直認有收介紹費，不過否認是公司員工，又自稱也是受害者。《東張西望》到公司對方卻不願意開門，而翁太則表示對方已承諾會分四期，歸還剩餘的本金約48萬予翁太。
【其他文章】：
東張西望丨智障女遭非禮竟與MyTV Super有關？聲稱被逼拍內衣照 案情大反轉
東張西望丨荃灣含遮男自稱要睇精神科 習慣含遮證健康：細菌都俾我剋死
東張西望丨直擊荃灣含遮男怪異行為！投注站熱舞擺鞋上頭 馬路旁草叢小便
東張西望丨荃灣惡婆婆穿梭三超市推車襲人 心理學家分析有抑鬱症狀藉攻擊獲快感
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應