獨家丨林寶玉離職前公開訊息踢爆黃榕講大話 被阿儀激到暴瘦10磅

被阿儀激到暴瘦10磅　 慘被黃榕帶壞的「AMM一姐」薛影儀，在IG臭罵經理人林寶玉「賤X」、「仆X」後被急凍，真係一地花生。對於黃榕發料為自己平反，「唔知道阿儀公司甚麼時候有甚麼流程，只係陪聊天…」，激到瘦晒的林寶玉就算快將離開AMM都忍無可忍，在記者要求下嬲爆公開跟黃榕的訊息內容講清楚件事，當中她曾多次以經理人身份，請求黃榕配合阿儀的工作時間表，先工作後玩樂，勿再no show。黃榕每次都秒回收到，絕非口中的「乜都唔知」。採訪：方騫平 攝影：朱偉彥 場地：NOL@四季酒店

林寶玉快將離開經理人崗位，開拓新天地。

離AMM開前都要呻吓冤屈氣。

封為「儀媽」嘅林寶玉好快就原諒咗阿儀。

雖然激瘦近10磅，但林寶玉仍保持得到34D-24-35身材驕人。

林寶玉要為網民嘅人格批判作平反。

她自問在職做經理人時做足一百分。

周四晚(12/10)林寶玉突然在社交網宣布離開公司走向下一個冒險，還感恩公司一直栽培。不過，面對網民批判及阿儀無禮對待，林寶玉一度情緒受困冇晒胃口，更激瘦近10磅。被阿儀鬧「賤X」的林寶玉成肚冤屈氣，就算快將離開AMM都要澄清返，因為AMM從來冇阻止阿儀同黃榕做朋友，對於黃榕解釋唔知阿儀工作狀況，林寶玉迫於無奈，曝光兩人訊息對話公開真相：「唔好計阿儀同黃榕做『義工』推job，阿儀至少3次No show，每次都係同黄榕玩完第2日就冇影，咁我只能搵返黃榕了解，但佢就話『唔知發生乜事』。」

周四晚(12/10)林寶玉突然在社交網宣布離開AMM。

林寶玉感謝在AMM時學到嘅嘢。

寶玉要好卑微咁同黃榕夾阿儀嘅工作日程。

唔知以為黃榕係阿儀嘅監護人。

黃榕成日帶咗阿儀去玩。

玩到冇心工作。

盜用公司IG亂Po嘢

玩到心散嘅阿儀多次訛稱「有事」推job，每次都神推鬼擁被踢爆跟咗黃榕去做「義工」，林寶玉舉例：「今年4月AMM老闆本來叫咗阿儀出席佢嘅年度大型活動，但阿儀話『有事』唔得，原來當日現身茘枝角嘅泰國潑水節，仲同黃榕換埋泰國服，企喺backdrop前得戚影合照，站於公司立場點會唔詐型？作為經理人控制唔到旗下藝人做嘢都難辭其咎啦，尤其解釋唔到點解公司嘢唔做，去咗人哋活動？唉！真係有苦自己知。」

今年4月，膽生毛嘅阿儀推咗老闆嘅大型job，黐住黃榕出席潑水節。

鐵證如山。

覺得好辛酸的林寶玉多次客氣請求黃小姐放人，「畀返阿儀我哋工作，甚至要主動同佢夾期…可惜講到底都係冇用。」至於阿儀的IG帳戶，放咗唔少同黃榕嘅Po，部份帶有商業性質，林寶玉承認唔啱數：「阿儀個IG係用AMM公司email登記，屬公司設立嘅社交平台，上傳嘅相及片係代表住公司，其實AMM經已對阿儀好仁慈未有追究行動，我哋有同佢講解過，佢知道咩叫盜用，卻冇意刪相。」

阿儀嘅IG由公司設立，但現在被盜用放咗唔少同黃榕嘅Po。

阿儀仍然玩好開心。

唔嬲阿儀反轉豬肚

阿儀去年3月被控普通襲擊罪及違反口罩令罪成，寶玉為佢安排律師及保釋金等候上訴；到9月涉嫌無牌駕駛，再為阿儀奔走做擔保，湊咗阿儀兩年多被指係「儀媽」，不停為佢拆彈的寶玉坦言有情意結，冷靜後已唔再嬲佢，就算反轉豬肚被罵都一笑置之，「每個人都有佢嘅朋友及想做嘅嘢，喺我當時個位置要叫佢做嘢，就等於老闆要員工返工一樣。佢唔開心會爆粗向我發脾氣，兼顧藝人情緒係經理人份工要包埋嘅，我唔認同性格有問題指控，總之在職時我行得正企得正，對照顧藝人問心無愧，能夠做到嘅，貼錢都為佢做，唯一可能太忙，冇乜時間同佢交流及溝通，所以佢屈屈埋埋喺個心。」

月前林寶玉帶阿儀出席《烏托邦浩劫》首映禮，當時仲未反面。

阿儀公開臭罵經理人林寶玉係「賤X」。

AMM多次原諒反骨阿儀，仲幫佢出歌及拍MV，連經理人林寶玉都要做埋「阿四」位。

去年10月，阿儀選擇跟黃榕參加萬聖節派對扮春麗，唔肯去新加坡拍戲。

去年9月，阿儀背住亞視，跟黃榕出席中環海濱活動，惹上無牌駕駛官非。

當日係黃榕帶阿儀去玩，出事後卻由經理人執爛攤子。

去年9月阿儀涉嫌無牌駕駛，寶玉再為阿儀奔走做擔保。

21年9月，阿儀曾起飛腳踼街坊惹官非。

喺記者會上陪埋阿儀鞠躬道歉。

本月初AMM老闆賴彩雲現身林寶玉美容院開幕活動力撐她。

有樣有身材的林寶玉被封為「最索經理人」。