独家丨林宝玉离职前公开讯息踢爆黄榕讲大话 被阿仪激到暴瘦10磅

被阿仪激到暴瘦10磅　 惨被黄榕带坏的「AMM一姐」薛影仪，在IG臭骂经理人林宝玉「贱X」、「仆X」后被急冻，真系一地花生。对于黄榕发料为自己平反，「唔知道阿仪公司甚么时候有甚么流程，只系陪聊天…」，激到瘦晒的林宝玉就算快将离开AMM都忍无可忍，在记者要求下嬲爆公开跟黄榕的讯息内容讲清楚件事，当中她曾多次以经理人身份，请求黄榕配合阿仪的工作时间表，先工作后玩乐，勿再no show。黄榕每次都秒回收到，绝非口中的「乜都唔知」。采访：方骞平 摄影：朱伟彦 场地：NOL@四季酒店

林宝玉快将离开经理人岗位，开拓新天地。

离AMM开前都要呻吓冤屈气。

封为「仪妈」嘅林宝玉好快就原谅咗阿仪。

虽然激瘦近10磅，但林宝玉仍保持得到34D-24-35身材骄人。

林宝玉要为网民嘅人格批判作平反。

她自问在职做经理人时做足一百分。

周四晚(12/10)林宝玉突然在社交网宣布离开公司走向下一个冒险，还感恩公司一直栽培。不过，面对网民批判及阿仪无礼对待，林宝玉一度情绪受困冇晒胃口，更激瘦近10磅。被阿仪闹「贱X」的林宝玉成肚冤屈气，就算快将离开AMM都要澄清返，因为AMM从来冇阻止阿仪同黄榕做朋友，对于黄榕解释唔知阿仪工作状况，林宝玉迫于无奈，曝光两人讯息对话公开真相：「唔好计阿仪同黄榕做『义工』推job，阿仪至少3次No show，每次都系同黄榕玩完第2日就冇影，咁我只能搵返黄榕了解，但佢就话『唔知发生乜事』。」

周四晚(12/10)林宝玉突然在社交网宣布离开AMM。

林宝玉感谢在AMM时学到嘅嘢。

宝玉要好卑微咁同黄榕夹阿仪嘅工作日程。

唔知以为黄榕系阿仪嘅监护人。

黄榕成日带咗阿仪去玩。

玩到冇心工作。

盗用公司IG乱Po嘢

玩到心散嘅阿仪多次讹称「有事」推job，每次都神推鬼拥被踢爆跟咗黄榕去做「义工」，林宝玉举例：「今年4月AMM老板本来叫咗阿仪出席佢嘅年度大型活动，但阿仪话『有事』唔得，原来当日现身茘枝角嘅泰国泼水节，仲同黄榕换埋泰国服，企喺backdrop前得戚影合照，站于公司立场点会唔诈型？作为经理人控制唔到旗下艺人做嘢都难辞其咎啦，尤其解释唔到点解公司嘢唔做，去咗人哋活动？唉！真系有苦自己知。」

今年4月，胆生毛嘅阿仪推咗老板嘅大型job，黐住黄榕出席泼水节。

铁证如山。

觉得好辛酸的林宝玉多次客气请求黄小姐放人，「畀返阿仪我哋工作，甚至要主动同佢夹期…可惜讲到底都系冇用。」至于阿仪的IG帐户，放咗唔少同黄榕嘅Po，部份带有商业性质，林宝玉承认唔啱数：「阿仪个IG系用AMM公司email登记，属公司设立嘅社交平台，上传嘅相及片系代表住公司，其实AMM经已对阿仪好仁慈未有追究行动，我哋有同佢讲解过，佢知道咩叫盗用，却冇意删相。」

阿仪嘅IG由公司设立，但现在被盗用放咗唔少同黄榕嘅Po。

阿仪仍然玩好开心。

唔嬲阿仪反转猪肚

阿仪去年3月被控普通袭击罪及违反口罩令罪成，宝玉为佢安排律师及保释金等候上诉；到9月涉嫌无牌驾驶，再为阿仪奔走做担保，凑咗阿仪两年多被指系「仪妈」，不停为佢拆弹的宝玉坦言有情意结，冷静后已唔再嬲佢，就算反转猪肚被骂都一笑置之，「每个人都有佢嘅朋友及想做嘅嘢，喺我当时个位置要叫佢做嘢，就等于老板要员工返工一样。佢唔开心会爆粗向我发脾气，兼顾艺人情绪系经理人份工要包埋嘅，我唔认同性格有问题指控，总之在职时我行得正企得正，对照顾艺人问心无愧，能够做到嘅，贴钱都为佢做，唯一可能太忙，冇乜时间同佢交流及沟通，所以佢屈屈埋埋喺个心。」

月前林宝玉带阿仪出席《乌托邦浩劫》首映礼，当时仲未反面。

阿仪公开臭骂经理人林宝玉系「贱X」。

AMM多次原谅反骨阿仪，仲帮佢出歌及拍MV，连经理人林宝玉都要做埋「阿四」位。

去年10月，阿仪选择跟黄榕参加万圣节派对扮春丽，唔肯去新加坡拍戏。

去年9月，阿仪背住亚视，跟黄榕出席中环海滨活动，惹上无牌驾驶官非。

当日系黄榕带阿仪去玩，出事后却由经理人执烂摊子。

去年9月阿仪涉嫌无牌驾驶，宝玉再为阿仪奔走做担保。

21年9月，阿仪曾起飞脚踼街坊惹官非。

喺记者会上陪埋阿仪鞠躬道歉。

本月初AMM老板赖彩云现身林宝玉美容院开幕活动力撑她。

有样有身材的林宝玉被封为「最索经理人」。