獨家丨阿儀大癲爆粗X經理人真相 玩大咗被雪好驚冇得見公司男神
2023-09-28 08:00 
黃榕「帶壞阿儀」（AMM一姐薛影儀)事件餘波未了，躁底阿儀向經理人林寶玉開拖兩日仍然咬住唔放，繼續爆粗回應網民，甚至語出驚人，她說︰「黃榕唔係咁嘅人嚟呀！寶玉先係賤X。」對於阿儀失晒控，公開臭罵盡心盡力幫過佢嘅經理人，大量網民睇唔過眼留言︰「叫黃榕以後養起阿儀！」好勝阿儀霸氣回應︰「可以做其他嘢。」網民即反駁︰「邊個夠膽請佢，一言不合又話人樣賤」、「我諗佢準備轉行。」對於林寶玉被阿儀瘋狂狙擊，曾經跟寶玉合作無間嘅亞姐梁欣娟、何雙妍、姚琰欣昨晚加入戰團，力撐林寶玉為人，3人用阿儀Tone留言︰「寶玉冇帶壞我，佢係好好人！」姚琰欣甚至說︰「阿玉佢好好人㗎，佢冇帶壞我啊！有免費嘢又會叫埋我，有job又會問我預埋我！」擺明寸爆薛影儀及黃榕。採訪︰方騫平
《星島頭條》早於今年2月率先曝出「損友」黃榕長期消費阿儀做義工，帶壞阿儀令她無心工作，甚至no show，搞到公司好不滿，雪藏一排後解凍出歌，之後又no show加上又多次失控言論再入雪櫃，雪到變冰的阿儀唔識驚，更不理警告，變本加厲搞是搞非，WhatsApp公司大講林寶玉壞話。《星島頭條》收到獨家消息，阿儀因為「食碗面反碗底」令公司不滿，抽起阿儀所有工作，包括最近往台灣宣傳選秀節目《心動女孩》。得知自己衰多口玩大咗被掟入雪櫃，擔心冇得再返公司見到心儀男高層，處於失業及「失戀」狀態的阿儀，在發爛渣前曾於亞姐飯局上向好姊妹狂呻，當面怒斥林寶玉：「佢有咩活動都唔帶我去，取消咗我啲工作，唔畀我做。」想脅逼寶玉解凍，阿儀將自己攞嚟嘅「雙失」遷怒林寶玉相當恐怖。對於阿儀瘋狂失控，林寶玉以「不作回應，仍然要保障阿儀。」回應《星島頭條》
【阿儀學壞時間表】：
2022年9月
阿儀背住亞視，答應黃榕邀請出席中環海濱活動，惹上無牌駕駛官非。
2022 年10月
阿儀為跟黃榕參加萬聖節派對扮春麗，唔肯去新加坡拍戲。
2023年1月
阿儀為出席黃榕安排，帶有商業性質嘅活動，講大話欺騙公司，更講數唔 肯在大馬工作多日。
今年2月
出席AMM安排的派福袋活動遲到5粒鐘。
今年8月
阿儀拍片撐黃榕，指控因為「電單車事件」，多次為好友發聲，最終被公司雪藏。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應