楊凡自封林子祥葉蒨文媒人！大爆鍾楚紅張曼玉秘聞 曾險因一角失和
2023-10-08 19:30 
著名攝影師兼導演楊凡日前接受港台節目《舊日的足跡》訪問，回憶與多位巨星好友於工作上合作和相處的點滴。楊凡透露在2020年患上重病，當時張艾嘉和葉蒨文對他照顧有加，每天給他帶食物：「葉蒨文當年嚟香港，係我照顧她，介紹她唱歌，仲將佢介紹畀林子祥。張艾嘉直情係我嘅『契媽』，我哋好夾，亦都好真，張艾嘉曾經話過：『睇楊凡嘅電影唔可以畀意見，你只係有兩個選擇，接受或者唔接受。』」
【相關閱讀】：58歲張曼玉低調逛倫敦名店傳定居英國 減齡樸素Look突顯高䠷身形
【點擊睇《玫瑰的故事》、《流金歲月》唯美劇照】：
提到當年與張曼玉合作拍電影《玫瑰的故事》，雖然當年周潤發被喻為「票房毒藥」，而張曼玉亦是一個新晉的女演員，但這組合竟產生了化學作用，上映後覺得眼前一亮，票房更打破了香港文藝電影的紀綠，楊凡說：「當時我只係一心想拍好呢個故事，《玫瑰的故事》係好出名嘅故仔，嗰陣係同亦舒賣咗個版權，拍完之後，亦舒睇咗都有流眼淚。」楊凡憶述與張曼玉首次見面到合作拍攝電影的經過：「佢係一個好特別嘅女孩子。第一次見佢嘅時候，佢啱啱喺外國返嚟，喺著名百貨公司返工，我嗰陣係有名嘅攝影師。」
楊凡續說：「我建議拍泳裝照，張曼玉即刻拒絕並即時離開。後來張曼玉參加選美繼而走紅。我搵佢飾演電影《玫瑰的故事》嘅「玫瑰」，嗰陣係亦舒指定要用。當時大家都覺得鍾楚紅應該係玫瑰，但亦舒說要張曼玉，我咪去簽張曼玉，嗰陣佢好想拍文文藝片，仲都好希望同周潤發合拍。」 張曼玉的演技也讓楊凡驚嘆：「戲中有一幕描述張曼玉上前開門，我覺得佢行路（的姿態）唔夠入戲，我示範咗一次後，佢就話：『導演你放心，只要你一開機，我就自然會做到！』果然所有動作佢都做得好，嚇咗我一跳，所以係張曼玉教我點樣去指導演， 就係要佢哋跟你去學。」
【點擊睇張曼玉鍾楚紅昔日相】：
另一方面，楊凡亦盛讚鍾楚紅天生麗質，係一個非常好的演員：「我而家喺度修復《流金歲月》嘅4K，鍾楚紅係冇一個角度係唔靚，佢嘅配音好出色，效果好似現場收音一樣。佢嘅喊戲份亦做得好。有一張戲係講佢同張曼玉傾偈，大約係兩分鐘嘅戲，佢慢慢到最後真係有好大滴眼淚喊咗出嚟，真係厲害！」問到鍾楚紅可有渴望做玫瑰的角色，楊凡坦言又有另一個故事：「嗰陣同張曼玉簽約做玫瑰嘅角色，我打畀方小姐（方逸華）多謝她，點知佢話她張曼玉『冇咁平』（片酬），要加多五萬元，嗰陣我唔開心，唔係因為五萬元，係感覺不忿氣。」
鍾楚紅一原因拒接演「玫瑰」
楊凡更坦言考慮換角說：「因為全世界都話鍾楚紅係玫瑰，我咪問佢可唔可以做這角色？點知即時反應係拒絕，仲話同張曼玉係好朋友，你同佢又簽咗約，大家都已經知道佢係玫瑰，所以鍾楚紅話唔可以咁做。」最後楊凡唯有加片酬與張曼玉合作。看來亦因鍾楚紅義氣之舉，與張曼玉當年才沒有「爭角色」而失和。
【其他文章】：
龔慈恩大馬巧遇「世紀美女」鍾楚紅 兩代女神年過半百獲封自然系美女
58歲張曼玉潮Look法國逛名店 網民嘆不敵歲月摧殘面露皺紋雀斑
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應