杨凡自封林子祥叶蒨文媒人！大爆锺楚红张曼玉秘闻 曾险因一角失和
2023-10-08 19:30 
著名摄影师兼导演杨凡日前接受港台节目《旧日的足迹》访问，回忆与多位巨星好友于工作上合作和相处的点滴。杨凡透露在2020年患上重病，当时张艾嘉和叶蒨文对他照顾有加，每天给他带食物：「叶蒨文当年嚟香港，系我照顾她，介绍她唱歌，仲将佢介绍畀林子祥。张艾嘉直情系我嘅『契妈』，我哋好夹，亦都好真，张艾嘉曾经话过：『睇杨凡嘅电影唔可以畀意见，你只系有两个选择，接受或者唔接受。』」
【相关阅读】：58岁张曼玉低调逛伦敦名店传定居英国 减龄朴素Look突显高䠷身形
【点击睇《玫瑰的故事》、《流金岁月》唯美剧照】：
提到当年与张曼玉合作拍电影《玫瑰的故事》，虽然当年周润发被喻为「票房毒药」，而张曼玉亦是一个新晋的女演员，但这组合竟产生了化学作用，上映后觉得眼前一亮，票房更打破了香港文艺电影的纪绿，杨凡说：「当时我只系一心想拍好呢个故事，《玫瑰的故事》系好出名嘅故仔，嗰阵系同亦舒卖咗个版权，拍完之后，亦舒睇咗都有流眼泪。」杨凡忆述与张曼玉首次见面到合作拍摄电影的经过：「佢系一个好特别嘅女孩子。第一次见佢嘅时候，佢啱啱喺外国返嚟，喺著名百货公司返工，我嗰阵系有名嘅摄影师。」
杨凡续说：「我建议拍泳装照，张曼玉即刻拒绝并即时离开。后来张曼玉参加选美继而走红。我搵佢饰演电影《玫瑰的故事》嘅「玫瑰」，嗰阵系亦舒指定要用。当时大家都觉得锺楚红应该系玫瑰，但亦舒说要张曼玉，我咪去签张曼玉，嗰阵佢好想拍文文艺片，仲都好希望同周润发合拍。」 张曼玉的演技也让杨凡惊叹：「戏中有一幕描述张曼玉上前开门，我觉得佢行路（的姿态）唔够入戏，我示范咗一次后，佢就话：『导演你放心，只要你一开机，我就自然会做到！』果然所有动作佢都做得好，吓咗我一跳，所以系张曼玉教我点样去指导演， 就系要佢哋跟你去学。」
【点击睇张曼玉锺楚红昔日相】：
另一方面，杨凡亦盛赞锺楚红天生丽质，系一个非常好的演员：「我而家喺度修复《流金岁月》嘅4K，锺楚红系冇一个角度系唔靓，佢嘅配音好出色，效果好似现场收音一样。佢嘅喊戏份亦做得好。有一张戏系讲佢同张曼玉倾偈，大约系两分钟嘅戏，佢慢慢到最后真系有好大滴眼泪喊咗出嚟，真系厉害！」问到锺楚红可有渴望做玫瑰的角色，杨凡坦言又有另一个故事：「嗰阵同张曼玉签约做玫瑰嘅角色，我打畀方小姐（方逸华）多谢她，点知佢话她张曼玉『冇咁平』（片酬），要加多五万元，嗰阵我唔开心，唔系因为五万元，系感觉不忿气。」
锺楚红一原因拒接演「玫瑰」
杨凡更坦言考虑换角说：「因为全世界都话锺楚红系玫瑰，我咪问佢可唔可以做这角色？点知即时反应系拒绝，仲话同张曼玉系好朋友，你同佢又签咗约，大家都已经知道佢系玫瑰，所以锺楚红话唔可以咁做。」最后杨凡唯有加片酬与张曼玉合作。看来亦因锺楚红义气之举，与张曼玉当年才没有「争角色」而失和。
【其他文章】：
龚慈恩大马巧遇「世纪美女」锺楚红 两代女神年过半百获封自然系美女
58岁张曼玉潮Look法国逛名店 网民叹不敌岁月摧残面露皱纹雀斑
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应