鍾慧冰哽咽自揭遭性騷擾！稱前港姐冠軍鄭文雅因飯局離巢：有啲男人好過份

2023-09-30 07:00

1979年香港小姐季軍鍾慧冰早前開設YouTube頻道「冰姐的花樣人生」，鍾慧冰入行44年，以自身經歷作分享，拍片講「舊時娛圈」，現時已經推出了三條影片。鍾慧冰早前拍片講同屆港姐冠軍鄭文雅，除了分享與鄭文雅的好交情，更驚揭二人同樣曾遭受性騷擾，而此經歷都成為鍾慧冰與鄭文雅淡出幕前的原因。

【點擊睇鍾慧冰自揭曾遭性騷擾】：

1979年香港小姐季軍鍾慧冰早前開設YouTube頻道「冰姐的花樣人生」。

鍾慧冰於片中大晒昔日珍藏。

鍾慧冰入行44年，以自身經歷作分享，拍片講「舊時娛圈」。

鍾慧冰揭當年冠軍鄭文雅曾被性騷擾。

鄭文雅當年獲知名攝影師宗維賡提名，有最美港姐冠軍之稱的朱玲玲亦是由宗維賡提名。

鄭文雅自信爆棚令鍾慧冰留深刻印象。

鍾慧冰指鄭文雅曾受訪提到，選美完畢後有很多飯局，發生了一件事，令鄭文雅入行初期已萌生息影念頭。

鍾慧冰指：「發生咗嗰件事之後，鄭文雅去同宗維賡講，宗維賡話鄭文雅為人性格唔識處理呢啲事，如果係咁你不如離開、唔好續約喇。」

剛好當時亞視高層麥當雄想找鄭文雅過檔拍一部運動題材劇集。

鍾慧冰指TVB為鄭文雅離巢一事感到非常生氣。

鍾慧冰更自揭當年因被性騷擾轉做幕後。

鍾慧冰一度眼濕濕。

鍾慧冰非常激動。

鍾慧冰最後都沒有說出被性騷擾的詳情，指自己不能再說下去，情緒一度很激動。

與鍾慧冰同屆選港姐的女星包括：鄭文雅、陳秀珠、劉天梅、鍾楚紅及韓毓霞等。鍾慧冰YouTube頻道首條影片就以當年冠軍鄭文雅為主題，鍾慧冰表示很想跟大家分享由選美開始加入娛樂圈的一些過去的人和事，因年代久遠，自覺如果她不說出來，這些事情會慢慢被人遺忘。鍾慧冰首先分享當年由美國返香港選美的原因，鍾慧冰表示：「我爸爸想我返嚟香港湊我婆婆去美國，因為當時我婆婆搞緊啲移民手續，好多嘢搞我就坐喺度等佢。我又冇朋友又唔識人，一日喺屋企睇電視……就播香港小姐（廣告）個主題曲，橫掂我又冇嘢做，我又唔識人，輸咗都唔怕啦！不如去參加啦，於是我就報名喇！」而鍾慧冰亦因此結識到其餘29位同屆佳麗。

鄭文雅自信爆棚令鍾慧冰留深刻印象

鍾慧冰分享鄭文雅曾自述的選美經過，鄭文雅當年獲知名攝影師宗維賡提名，有最美港姐冠軍之稱的朱玲玲亦是由宗維賡提名。鄭文雅指當年因學做模特兒，宗維賡叫她去選美，不過當時鄭文雅甚麼都不懂，於是宗維賡為她特意向蕭芳芳借來一件長衫，於是鄭文雅穿上後每日練儀態，鍾慧冰指：「當時我第一次見到鄭文雅已經覺得佢好有自信，覺得呢個女仔好突出、好靚。原來佢話佢喺利舞臺行出去嘅時候，已經諗住『我一定會贏嘅』，佢話佢覺得嗰份自信係咁嚟。」鍾慧冰指當年應該要跟鄭文雅一樣想法，要有自信，說不定當年她不只得季軍。

【點擊睇更多鍾慧冰舊照】：

鍾慧冰是1979年香港小姐季軍。

鍾慧冰完港姐約後已轉做幕後，近年才復出幕前拍劇及做主持。

鍾慧冰早年較少演出影視作品，主要接主持工作，不久就轉型從商。

鍾慧冰曾任製片人，1981年的電影《龍咁威》就是她做製片，另外她亦曾做導演、副導演及策劃。

鍾慧冰畢業於美國紐約大學，是工商業管理及傳理系學士，是早年少有讀過大學的香港小姐。

鍾慧冰（右一）很有生意頭腦，早年跟不少圈中人合作做生意。

鍾慧冰與圈外人前夫育有一女。

鍾慧冰自稱屬高齡產婦，生女兒時已經三十幾歲。

鍾慧冰很早已經發現婚姻有問題，多年來價值觀上都有分歧，即使從外人口中得知老公出軌，亦拖了很久才決定要離婚。

鍾慧冰2008年經歷金融海嘯幾乎輸光整副身家，自覺一無所有的她，決定乾脆與背叛她的丈夫斷得一乾二淨，二人最終離婚。

鍾慧冰（右二）是至八會成員之一。

鍾慧冰（右一）經歷連番打擊，決定復出幕前工作賺錢養女。

鍾慧冰復出幕前做主持。

鍾慧冰早幾年患上血管炎，四肢無力差點面臨癱瘓情況，一度想尋死，但幸好有男友及家人照料情況有所好轉。

鍾慧冰不時陪同女兒林靜莉上各大節目。

鍾慧冰多年來用心栽培女兒林靜莉，林靜莉遺傳媽媽好口才，現時是香港開電視藝員，有不少主持工作。

其實近年鍾慧冰都參與不少ViuTV的節目拍攝，2021年她陪同女兒林靜莉參加真人騷《阿女又戀嚟》，節目中爽直的性格加上精警的評論令她大受年輕網民的歡迎。

林靜莉曾參加ViuTV《尾二一屆口罩小姐選舉》。

ViuTV看準鍾慧冰與另一位媽媽級嘉賓媚姨的化學作用，開節目《Auntie 妳好》給她們與ERROR成員吳保錡主持。

鍾慧冰與年輕偶像打成一片，非常放得開，網民更大讚她腦筋依然轉得快。

鍾慧冰女兒林靜莉起初做科技資訊網站記者「莉莉菇」已為網民所熟悉。

鍾慧冰女兒林靜莉好叻跳舞，亦有做音樂劇的經驗。

鍾慧冰女兒林靜莉畢業於香港樹仁大學新聞與傳理學系。

鍾慧冰女兒林靜莉畢業後曾擔任空中服務員。

鍾慧冰女兒林靜莉契媽是林建明（大姐明）。

鍾慧冰女兒林靜莉決心在圈中發展。

鍾慧冰女兒林靜莉現時有許多主持工作。

鍾慧冰揭七十年代MeToo事件

鍾慧冰指鄭文雅曾受訪提到，選美完畢後有很多飯局，發生了一件事，令鄭文雅入行初期已萌生息影念頭。鍾慧冰指：「發生咗嗰件事之後，鄭文雅去同宗維賡講，宗維賡話鄭文雅為人性格唔識處理呢啲事，如果係咁你不如離開、唔好續約喇。」剛好當時亞視高層麥當雄想找鄭文雅過檔拍一部運動題材劇集，「結果鄭文雅啱啱完港姐合約嗰一日，第二日佢就同大家宣布佢會去亞視拍新劇集，TVB因為呢件事好嬲，然後將港姐份合約延長，後來變一年半。」鍾慧冰指TVB為此事更多年沒有將1979年的港姐相關影片上載到網上，鍾慧冰表示：「鄭文雅話原來TVB嬲到嗰年嘅選美片唔畀上載網上，後來有見到，都有出現番。可能因為當年的人都換晒，終於呢條片就放行。」

鍾慧冰自揭被性騷擾轉做幕後

鍾慧冰指多年來鄭文雅都沒有透露當年在飯局上發生甚麼事，「佢就話因為當時嘅人仲在生，咁佢就唔想提喇，或者將來佢有日寫自傳，佢先講返出嚟啦！」鍾慧冰說至此開始眼濕濕及哽咽，鍾慧冰表示：「當時我聽到個感受好大，其實當年我同TVB完約之後都冇續約，我即刻去咗嘉禾轉做幕後，其實之後啲人問我點解，我都冇講個真實原因。我一直講畀人聽『因為TVB唔肯加人工，因為佢哋都真係唔肯加人工，但嘉禾多幾千蚊，所以我就走咗囉』，但其實另一個原因就係我同鄭文雅都經歷咗差唔多嘅嘢，咁當然我覺得佢唔講，我都費事講啦。我就唔係話放過嗰個對我哋有啲性騷擾嗰個人，但我都唔想講喇。如果當年鄭文雅有同我講呢，我就可以同佢一樣…即係有個人同你擔當吓，你個心會舒服啲。因為呢啲嘢呢，四十幾年過去之後，嗰啲事情仍然歷歷在目，係完全冇忘記過。」鍾慧冰指如果女生被欺負感覺是很強烈的，她希望這些事不要再於娛樂圈發生，「所以有時有啲男人好過份呢，我哋女人都要團結起嚟，我希望而家後生嗰啲就冇好似我哋以前咁怕事囉，乜都唔敢講囉！」鍾慧冰最後都沒有說出被性騷擾的詳情，指自己不能再說下去，情緒一度很激動。