-85度噴霧冷凍昆蟲變急凍冤魂？網民分享匪夷所思滅小強心得：出動ＸＸ膠｜Juicy叮

2023-08-26 14:29

以冷凍噴霧處理家中昆蟲聽來做法新穎。有市民日前以「被屋企人用-85度噴霧冷凍咗」為題，在facebook上載一張冷凍昆蟲照片，請教「有冇谷友知係乜昆蟲？」，帖文旋即引起網民錯重點地關注——「-85度冷凍噴霧係邊度有得買？」。

怪蟲逐張睇＋網民分享滅害蟲和滅小強心得↓↓↓↓

樓主帖文。網上截圖

有網民懷疑是天牛。網上截圖

有網民指：你未遇過識飛果啲，我上次懶醒咁噴-85度，佢係我面前起飛我嚇到……。網上截圖

網民上載類似產品相片。網上截圖

樓主：有冇谷友知係乜昆蟲？網上截圖

網民錯重點地關注——「係邊度有得買」。網上截圖

有曾使用冷凍噴霧的網民指，「處理中、小強okay，但大強可能要噴耐d，如果唔係好快解凍......仲有如果噴去伏係天花或高位置嘅櫃門上嘅小強要小心......因為好快冷凍咗，噴多幾下陣風咁飄走咗要花時間搵返屍骸」、「試過噴，但一噴就閃走，跟本凍唔切，最後都係飛拖鞋解決」、「你未遇過識飛果啲，我上次懶醒咁噴-85度，佢係我面前起飛，我嚇到……」、「支嘢......好處係唔會污染周邊環境，無油同埋無味，唔使事後清潔」。

樓主分享冷凍噴霧使用心得↓↓↓↓

由於網民「10個9個錯重點，個個走去問係邊度買，唔答樓主係咩昆蟲嘅？」，樓主一度在回應欄提到「好驚唔知係咪曱甴，但係曱甴條觸鬚又好似冇咁長」，似乎試圖將重點放回相中的「急凍冤魂」身上，但網民群情洶湧繼續查詢冷凍噴霧使用方法，並各自抖出家傳滅蟲大法（詳見下文）來個交流大會。結果，樓主「盛情難卻」，今日（26日）在原本帖文下補充使用冷凍噴霧的心得↓↓↓↓

樓主8/26 update（更新帖文）：

無諗過呢個post咁大迴響，過百留言，有啲仲好好笑，

見大家對冷凍噴霧咁大反應，我自己講返對-85度噴霧comment（評論），

親身用過，噴一啲跑得勁快嘅昆蟲，真係要用1/3，甚至半支先真係冷凍到，

合唔合乎經濟效益，就真係見人見智，因為本身屋企有寵物，

所以唔能夠用普通殺蟲水或有化學成份嘅清潔劑去殺害蟲！（完）

樓主帖文。網上截圖

網民留意到「條腿好靚」

網民就這議題熱烈表達意思，有人提到「下次捉咗放生佢啦，萬物有靈，同埋依家（農曆）7月」，回應的人則指「千祈唔好去超市，好多急凍冤魂」。另有人細看相中的急凍昆蟲，形容為「急凍奇俠」、「未變斯路前不幸凍死了（龍珠Z）」、「斯路初型」、「變咗做太晶化Pokemon」，還有人留意到相中蟲「條腿好靚」，也有部分網民回歸正題，貼相指「上星期行大潭水塘見到......土狗」，另有人懷疑被冷凍的是「白蠟蟲」、「天牛」、「家蟋蟀」或「蟀螽」。