天價徵公仔每隻$2000 港男尋物Po熱傳 背後藏催淚故事｜Juicy叮
2023-08-23 11:50 
有港男在網上發帖徵求數十隻普通舊公仔，他開天價每隻$2000，引發熱議，尋物Po背後原來藏著催淚的故事。
天價徵公仔每隻$2000 你有無「呢啲」公仔？【全名單】↓↓↓↓
該港男於本月（8月）內先後兩次在連登討論區發帖尋公仔。
第一次在本月初，他出價$2000徵3D繪圖高手，希望3D繪圖師先將這批舊公仔畫出來，之後他可憑圖找公司製作。
港男催淚尋物Po熱傳 公仔背後藏著...↓↓↓↓
但似乎有關計劃未能成功，日前港男再發帖，主題為「重酬徵公仔($2000一隻)」。
他在帖文中附有公仔的相片，表明「徵圖中任何一隻公仔，每隻$2000」，這些看似普通的舊公仔，對港男別具意義。
他在帖文中表示，這約30隻公仔都是在十年前逝世的妹妹所有，妹妹非常鍾愛這批公仔。
母誤丟公仔 網民懷疑是...↓↓↓↓
每隻公仔都藏著妹妹生前和他的互動記憶，「細個時會拎佢哋嚟教妹妹做功課同埋氹佢，亦成日同妹妹一齊講啲公仔嘅嘢。」
「佢哋每一隻都有自己嘅名同埋性格，喺我同妹妹心目中，佢哋唔係公仔，而係動物。」
曾答應妹妹火燭帶埋啲公仔走
「妹妹過身後，我就將佢哋放喺我床邊，望住佢哋時就會諗番起我同妹妹嘅開心回憶。」
他曾經答應妹妹「火燭」都會「帶埋啲公仔走」。
不過，上月他發現有十多隻公仔不見了，他懷疑是媽媽不小心誤丟，「媽媽就話可能佢幾個月前拎妹妹啲舊衫去揼時，唔小心揼埋啲公仔。」
「覺得好抑鬱、好難過」
港男自言之後，一直好抑鬱，「好嬲媽媽點解咁唔小心，媽媽同我道歉咗幾次，我原諒咗佢。」
「近兩個星期放大假，我乜都做唔到，每日都好抑鬱、自責由一瞓醒就覺得好難過，直至瞓覺，妹妹生前嘅片段亦一直浮現出嚟。」
「我一諗起以後可能再見唔番啲公仔，就覺得好難過。」因此港男希望盡最大努力找回這批公仔，「咁到我老咗嘅時候，望住啲公仔，都可以諗起妹妹。」
網民：係契機叫你放下
網民對事件議論紛紛，不少網民祝福港男早日尋回公仔之餘，同時勸港男「放低」，「買得番都唔係嗰隻，放低啦樓主」，「希望你可以釋懷，你妹妹都唔想你咁」，「會唔會係契機叫你放下？」有網民建議若仍走不出傷痛，可以嘗試尋找專業心理治療。
有網民甚至認為港男媽媽誤丟，可能是避免觸景傷情：「你阿媽可能唔想觸景傷情，只係佢唔講出嚟。」「可能呀媽就係想你快D釋懷，先成日想幫你掉左D公仔。」
港男亦有回覆網民叫他放下的留言：「我都好想放低，但真係唔係咁易，每一隻公仔都有佢哋唔同嘅身份，都有一啲我同妹妹嘅開心回憶，我唔想失去佢哋任何一隻......」
----
《星島頭條》APP經已推出最新版本，請立即更新，瀏覽更精彩內容：https://bit.ly/3yLrg
最新回應