獨家丨盧瀚霆豁出去演「鬼上身」唔怕樣衰 自揭心魔纏繞：再講就喊

MIRROR成員盧瀚霆（AL）在第2套主演電影《釀魂》中，因為活在「害死女友」陰霾下變得沉鬱，為演繹「鬼上身」更拋開偶包，掙扎到面容扭曲兼全身肌肉抽搐。提到故事圍繞人嘅心魔，AL自揭年前愛犬Roxy離世，傷痛未瘉，醒覺到要珍惜眼前人更要多點表達愛意，他感慨說：「原來人和動物離世，可以好突然。」 採訪：方騫平 錄影：朱偉彥 化妝及髮型：KINGS MAKEUP/Sandy Wong@kingsmakeup、Match Tong（姜大衛、陳紫萱、朱栢康） 服裝：Maison Margiela、Lane Crawford、Christian Louboutin（AL）；SNIDLE（陳紫萱） 造型師：PIPA Creative（AL） 場地：STUDIOMETA

現獨居的AL練大咗個膽唔再怕黑，就算夜晚在家都可以唔使開燈。

Anson Lo以前拍節目《入住請敲門》時曾聽到怪異聲音。

Anson Lo並唔係高靈人士。

Anson Lo演戲可以去得好盡。

姜大衛、朱栢康、陳紫萱、盧瀚霆於昨日上映的新片《釀魂》中首度合作，好有默契。

John哥仲想挑戰更多唔同角色。

朱栢康近年工作量漸多。

陳紫萱有觀眾緣。

AL夥拍姜大衛（John哥）、陳紫萱（Summer）及朱栢康（朱康）等首拍靈異驚悚電影，片中一眾角色被神秘力量牽引到渺無人煙的赤坎村展開迷幻旅程，各人更被埋藏已久的心結去展開連串恐怖事件。

電影講AL等人被神秘力量牽引到渺無人煙的村落，古怪事情不斷發生。

朱栢康、吳肇軒、盧瀚霆、郭翠怡走入恐怖樹林。

朱栢康都有動作場口。

遭劇組「警告」有壓力
問到拍《釀魂》難忘事，AL稱印象最深刻是keep住在樹林狂奔，去搵已逝女友聲音，John哥對於狂奔好有感受：「我都要，仲要跛住跑！但我最難忘反而係入咗戲，就算拍完都要花上幾日時間先可抽離角色。」Summer諗起有幕穿上詭異服裝，加埋陰森氣氛覺得好恐怖。AL又笑住自爆曾被劇組「警告」：「因為劇情要我拎起張枱掟向朱康，但執起已爛，工作人員話『得返一塊唔可以再爛喇』，我心諗『唔關我事㗎！』哈！嗰場戲好似好大壓力咁！」向來愛錫後輩的John哥即代為發聲：「因為塊木板唔做定『手腳』，打落朱康會好傷。」朱康認為拍攝前大家用咗8日時間，認真地坐低研討劇本及角色，從而建立默契最難忘。

AL印象最深刻是keep住在樹林狂奔，去搵已逝女友聲音。

拍攝現場加埋氣氛，相當詭秘。

76歲John哥怕年紀漸大，趕唔切演啲想演嘅角色及電影，所以今次過足戲癮。

姜大衛、陳紫萱演兩父女。

Summer飾演John哥女兒，身世好可憐。

對於演「鬼上身」拍到聲嘶力竭，面容扭曲好樣衰，AL堅持角色需要的話，他可以去到好盡，就算講粗口都冇問題：「我唔介意個樣核突，係要拍出鬼上身有AL掙扎嘅感覺，即使再樣衰啲都可以，因為演戲唔係做自己，我好enjoy做吓唔係AL嘅世界，好奇嗰啲人係點生存。」

AL拋開偶包演「鬼上身」，仲話再樣衰啲都冇問題。

經常錫父母講Iloveyou
電影中心思想是要人類放下執念，解放心魔。入行5年的AL算係順風順水，但都有心結未解開：「對上一隻狗女Roxy臨終前，我冇對佢講啲好sweet嘅說話，令我愧疚到𠵱家仲未釋懷，好想時間返回當天……」語畢，他帶點傷感說：「再講落去就喊㗎嘞，就算未move on到都要move on！人係有感情，冇辦法理性去談論，每個人嘅level唔同，我心魔未必會有人明白。」痛失愛犬提醒AL要珍惜眼前人：「人和動物離世可以好突然，所以我每次同家人講嘢，都當係最後一次咁，咁樣仲會少咗好多磨擦，𠵱家會主動錫啖父母，好坦白同佢哋表達I love you。佢哋年紀都大喇，要好好珍惜。」76歲的John哥亦提醒後輩要孝順父母：「就算我係幾開明嘅父母及公公，見仔女失聯幾日都會呷醋。」另外，對於有傳MIRROR完成明年演唱會後解散，AL唔相信傳言並強調：「因為香港開show後仲會有巡演，完全冇聽過會散團。」

AL的約瑟愛犬Roxy年前離世，至今傷痛未瘉。

約瑟女Roxy好可愛。

AL將對Roxy嘅愛，收養Amber。

AL𠵱家唔會隱藏感受，會用語言及行動向家人表達愛意。

MIRROR明年完成香港演唱會後仲會巡演，AL否認解散傳言。

John哥跟家人關係密切，更寄語大家要孝順父母及長輩。

Summer享受me time，難以平衡陪家人時間。

朱康笑言最大心魔係貧窮，因為貧窮令人容易有歪念。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ