独家丨卢瀚霆豁出去演「鬼上身」唔怕样衰 自揭心魔缠绕：再讲就喊

MIRROR成员卢瀚霆（AL）在第2套主演电影《酿魂》中，因为活在「害死女友」阴霾下变得沉郁，为演绎「鬼上身」更抛开偶包，挣扎到面容扭曲兼全身肌肉抽搐。提到故事围绕人嘅心魔，AL自揭年前爱犬Roxy离世，伤痛未愈，醒觉到要珍惜眼前人更要多点表达爱意，他感慨说：「原来人和动物离世，可以好突然。」 采访：方骞平 录影：朱伟彦 化妆及发型：KINGS MAKEUP/Sandy Wong@kingsmakeup、Match Tong（姜大卫、陈紫萱、朱栢康） 服装：Maison Margiela、Lane Crawford、Christian Louboutin（AL）；SNIDLE（陈紫萱） 造型师：PIPA Creative（AL） 场地：STUDIOMETA

现独居的AL练大咗个胆唔再怕黑，就算夜晚在家都可以唔使开灯。

Anson Lo以前拍节目《入住请敲门》时曾听到怪异声音。

Anson Lo并唔系高灵人士。

Anson Lo演戏可以去得好尽。

姜大卫、朱栢康、陈紫萱、卢瀚霆于昨日上映的新片《酿魂》中首度合作，好有默契。

John哥仲想挑战更多唔同角色。

朱栢康近年工作量渐多。

陈紫萱有观众缘。

AL夥拍姜大卫（John哥）、陈紫萱（Summer）及朱栢康（朱康）等首拍灵异惊悚电影，片中一众角色被神秘力量牵引到渺无人烟的赤坎村展开迷幻旅程，各人更被埋藏已久的心结去展开连串恐怖事件。

电影讲AL等人被神秘力量牵引到渺无人烟的村落，古怪事情不断发生。

朱栢康、吴肇轩、卢瀚霆、郭翠怡走入恐怖树林。

朱栢康都有动作场口。

遭剧组「警告」有压力
问到拍《酿魂》难忘事，AL称印象最深刻是keep住在树林狂奔，去搵已逝女友声音，John哥对于狂奔好有感受：「我都要，仲要跛住跑！但我最难忘反而系入咗戏，就算拍完都要花上几日时间先可抽离角色。」Summer谂起有幕穿上诡异服装，加埋阴森气氛觉得好恐怖。AL又笑住自爆曾被剧组「警告」：「因为剧情要我拎起张枱掟向朱康，但执起已烂，工作人员话『得返一块唔可以再烂喇』，我心谂『唔关我事㗎！』哈！嗰场戏好似好大压力咁！」向来爱锡后辈的John哥即代为发声：「因为块木板唔做定『手脚』，打落朱康会好伤。」朱康认为拍摄前大家用咗8日时间，认真地坐低研讨剧本及角色，从而建立默契最难忘。

AL印象最深刻是keep住在树林狂奔，去搵已逝女友声音。

拍摄现场加埋气氛，相当诡秘。

76岁John哥怕年纪渐大，赶唔切演啲想演嘅角色及电影，所以今次过足戏瘾。

姜大卫、陈紫萱演两父女。

Summer饰演John哥女儿，身世好可怜。

对于演「鬼上身」拍到声嘶力竭，面容扭曲好样衰，AL坚持角色需要的话，他可以去到好尽，就算讲粗口都冇问题：「我唔介意个样核突，系要拍出鬼上身有AL挣扎嘅感觉，即使再样衰啲都可以，因为演戏唔系做自己，我好enjoy做吓唔系AL嘅世界，好奇嗰啲人系点生存。」

AL抛开偶包演「鬼上身」，仲话再样衰啲都冇问题。

经常锡父母讲Iloveyou
电影中心思想是要人类放下执念，解放心魔。入行5年的AL算系顺风顺水，但都有心结未解开：「对上一只狗女Roxy临终前，我冇对佢讲啲好sweet嘅说话，令我愧疚到𠵱家仲未释怀，好想时间返回当天……」语毕，他带点伤感说：「再讲落去就喊㗎嘞，就算未move on到都要move on！人系有感情，冇办法理性去谈论，每个人嘅level唔同，我心魔未必会有人明白。」痛失爱犬提醒AL要珍惜眼前人：「人和动物离世可以好突然，所以我每次同家人讲嘢，都当系最后一次咁，咁样仲会少咗好多磨擦，𠵱家会主动锡啖父母，好坦白同佢哋表达I love you。佢哋年纪都大喇，要好好珍惜。」76岁的John哥亦提醒后辈要孝顺父母：「就算我系几开明嘅父母及公公，见仔女失联几日都会呷醋。」另外，对于有传MIRROR完成明年演唱会后解散，AL唔相信传言并强调：「因为香港开show后仲会有巡演，完全冇听过会散团。」

AL的约瑟爱犬Roxy年前离世，至今伤痛未愈。

约瑟女Roxy好可爱。

AL将对Roxy嘅爱，收养Amber。

AL𠵱家唔会隐藏感受，会用语言及行动向家人表达爱意。

MIRROR明年完成香港演唱会后仲会巡演，AL否认解散传言。

John哥跟家人关系密切，更寄语大家要孝顺父母及长辈。

Summer享受me time，难以平衡陪家人时间。

朱康笑言最大心魔系贫穷，因为贫穷令人容易有歪念。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ