王愛倫唐麗球讚今屆港姐質素高 鄭文雅聞曾志偉手術成功：咁就好啦！
2023-08-24 22:40 
「創意班主」彭美施（施姐）粵劇作品系列的新一連三場《梁祝》，今晚於西九文化區戲曲中心大劇院開鑼，三位前港姐鄭文雅、王愛倫、唐麗球，以及薛家燕等入場欣賞。
【相關閱讀】：63歲鄭文雅摘荔枝晒凍齡素顏 曾出裸體寫真 談金像獎女神藍本傳聞
【點擊睇前港姐睇粵劇】：
王愛倫和唐麗球均表示首次睇粵劇，唐麗球笑言以前不會睇粵劇，但認為甚麼也要睇下，皆因今次粵劇新派兼舞台好靚。鄭文雅透露該劇女主角梁非同是新演員，而自己一向幫男主角梁兆明影相，不過今日因為趕去元朗整陶瓷而忘記帶相機，所以下次再影過。
鄭文雅上月與曾志偉食飯
提到即將舉行《香港小姐競選2023》將於周日（27日）舉行，身為師姐的王愛倫大讚應屆佳麗水準高，而唐麗球亦指應屆佳麗水準幾高，而且身形好又好靚。鄭文雅則表示因今工作太忙未有留意，反而擔心曾志偉的身體狀況，當記者告知已完成手術，她即說：「咁就好啦！上個月新藝城成班食飯，我無聽佢講過身體有問題，佢好精神，仲好好笑。」
【相關閱讀】：TVB記者會丨許濤轟失實報道或影響股價交執法機關處理 曾志偉手術後隔空現身
同場出席的薛家燕非常欣賞彭美施對粵劇貢獻，花費過百萬做製作，薛家燕表示雖然「梁祝」故事大家會很熟悉，但今次加入創新科技及服飾方面，令觀眾入場睇有電影感覺，又認為現今的粵劇跟以往不同，但仍保留粵劇傳統文化，覺得十分難得。
薛家燕大讚容祖兒
提到日前入場欣賞容祖兒演唱會，薛家燕大讚好睇，亦很欣賞祖兒：「祖兒個騷將自己人生履歷一一講出嚟，畀人好close同親切感覺，好似講故事。原來佢做咗30場，我都叫佢保重身體，佢之前病都有少少影響，但都唱得好好架！」薛家燕笑言容祖兒的粉絲也識唱她的歌曲《皆大歡喜》。薛家燕又表示最近馬來西亞、內地、澳門等地也邀請她開騷，更要求她一定要唱《花兒》。
提到日前有傳無綫電視（節目內容營運）總經理曾志偉及無綫主席許濤將離職，今日席許濤已開記者會澄清。薛家燕說：「我前幾日有短訊問志偉，我擔心佢健康，其實佢都好頻撲同勞碌，我叫佢多啲休息，祝佢早日康復。」薛家燕又指希望TVB會做得好，亦明白各方面環境不同，網絡世界好大影響，要全心全意做好一些。
【其他文章】：
慧妍雅集慈善晚會 歷代港姐同場爭妍鬥麗 楊思琦中門大開硬撼黃嘉雯3吋事業線
薛家燕「登基」粵語版《FLOWER》掀熱話 容祖兒安德尊爭相模仿超爆笑
薛家燕大灣區連買兩單位只需呢個價直呼「好抵買」 圈中富婆傳身家過億
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應