東張西望丨女實習生被老闆伸脷狼吻多次性騷擾 報警一年未結案再有4學生遭毒手
2023-08-06 23:05 
TVB節目《東張西望》今日（6日）繼續跟進一宗，中年老闆涉嫌多次性騷擾女實習生案件。女事主Chole講述事發經過時，泣不成聲，連主持李旻芳亦聽到眼濕濕；今日節目再多4名女大學生出名指控，同遭疑遭該老闆接連性騷擾，更是由初入職已經發生。
【相關閱讀】：東張西望丨四嫁生母鋪路10年搶奪公屋 32歲子求對質上演追逐戰
【點擊睇女學生大爆老闆性騷擾】：
《東張西望》報道指該中年老闆以相同地址經營寵物移民、海外升學、相親等多間公司，疑似利用職權接連對多位女大學生性騷擾。事主Chloe（化名）去年5月開始實習，上班已被老闆猛烈追求，更遭對方疑似非禮：「無啦啦拉底我個口罩，錫我，我覺得好核突，好污糟。」雖然已經相隔一年，重提當日事發經過依然泣不成聲：「我覺得我個嘴好污糟，我唔知點算，我……」
當時因為Chloe需要賺錢交學費，而老闆亦向她道歉，並承諾不會再犯。Chloe因而繼續在該公司工作。豈料老闆再度作惡，繼續無視Chloe多翻拒絕，仍然送花兼約對方外出。最終Chloe決定辭職，不過老闆以展覽為由挽留多工作一段時間，Chloe卻因此再遭狼吻。Chloe說：「大約8、9點，佢突然喺雪櫃拎支酒出嚟，跟住倒咗啲畀自己，又倒咗一小杯畀我。我冇飲，佢跟住問我點解唔飲，我話唔鍾意飲，佢就話『我倒咗畀你，你唔通唔飲呀？』」
李旻芳聽到眼濕濕
之後Chloe亦喝了一點點，然後一直工作：「佢無啦啦又強吻我，今次更加嚴重，佢將我壓喺玻璃度，我根本反抗唔到……我有嘗試推問佢，但我根本無力反抗……我最後……因為佢伸咗條脷入我個口，我咬返佢，佢先肯放開我。」Chloe期間一度講到崩潰痛哭，令人非常心酸，就連主持李旻芳亦聽到眼濕濕。而Chole事後向朋友傾訴外，亦去報警求助，不過當老闆得知她報警後，立即找律師處理案件，更聲稱事件對他「造成的不便」，會委託律師爭取「最大頌（訟）費和賠償」，還驚告Chole「請勿在我公司附近範圍內出現」。
Chloe報案超過一年，案件仍未了結；不過今年已再有一批女學生，透過大學求職平台進入該公司工作，同樣甫開始已遭該老闆性騷擾。洪同學指當她仍未上班，老闆已傳WhatsApp給她，指對方見到她的寵物刺蝟頭像，直說她似刺蝟般可愛：「我有啲愕然，亦對呢個人有啲保留。」洪同學返工首日已遭對方疑似性騷擾：「佢睇我做嘢會搬張櫈坐我隔籬，坐低第一件事係挨住我張櫈嘅扶手，同我手臂貼手臂，我好唔舒服想即刻起身縮開。」不過當時洪同學不敢輕舉妄動，第二日她開工，老闆更三度將手放在她手上。
學生控訴遭「視姦」
洪同學更指老闆在公司，經常無故凝視、甚至掃視女實習生，有一次洪同學着一件貼身針織上衣上班：「佢搬張櫈坐我隔籬教我做嘢，佢第一個行為就係低頭望住我個胸，好似俾人『視姦』咁，光明正大咁『視姦』，我側身少少，但佢都冇停止佢嘅眼神。」洪同學指當時有感到生氣，但同時亦感到害怕。後來洪同學有次跟技術人員與老闆交談，她向老闆遞上手機時：「佢大手包小手咁接部手機，首先我覺得呢件事好核突；到差唔多收工，佢喺佢手機打咗一行字畀我睇，話『你嬲個樣好似我阿妹，但你笑多啲可愛啲』。」事件亦成為洪同學辭職的導火線。
另一同學Cecil在6月初職絡老闆，應徵做兼職實習生，老闆回覆OK後，突然問她是否明天生日，到周末再無端端傳訊息給Cecil叫她享受周末，還稱呼她做「cutie」，因而令Cecil上班時已經提高警覺：「佢望住我，我即刻望返佢，問佢做乜，佢答我『冇嘢』。」不過對方未有移開視線，反而發出「嘖」一聲，疑似表達不滿。另一次過份行為，是她與老闆坐在二人梳化上，一人坐一邊：「但佢依然叫我坐埋啲，同我佢講唔使，但佢好堅持。」後來兩人經過一輪爭執，直至其他同事叫停。不過老闆卻向正式女員工投訴Cecil「點解咁麻煩，唔肯坐埋啲」。
老闆手部遊走胸前
去年大學畢業生Winnie除被老闆挨身挨世、無故凝視、摸手，老闆手部更在她胸前遊走：「手會長期喺我胸前遊走，仲會摸我個頭。有一次最令我覺得唔舒服嘅係，辦公室有好細張嘅二人座梳化，佢坐正中間，佢話教我做嘢叫我坐低，我同佢講我唔到，佢就同我講『你得嘅，咁瘦』，佢就唔郁。我嗰日着裙，坐低時感覺得我同佢皮膚緊貼，覺得好核突。」
至於另一位受害人陳同學今年6月返工，第一日已被老闆約單對單食飯，更被對方「半攬」，食飯期間亦不斷打量她全身上下。後來陳同學向女全職員工投訴，之後一直遭老闆針對，辭職後仍一直遭對方WhatsApp騷擾，就連老闆媽媽亦職絡她，老闆更聲稱要向大學投訴她，更指對方「有精神病」。明日《東張西望》將會播出涉事老闆訪問。
【其他文章】：
東張西望丨63歲婦人村內遭水牛撞飛再被踩！ 畫面極驚慄彷如電影情節
東張西望丨郭晉安捲內地樓盤「騙案」未解決 麥玲玲搵深圳律師搜集資料
東張西望丨苦主做療程出事！疑被燒傷狂冒水泡 美容院反斥行為不當
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應