頭條戲場丨《GT跑車浪漫旅》唔用腦睇戲真係好爽

Gran Turismo是PlayStation®最受歡迎的賽車Game，自從1997年第一代遊戲面世後，Gran Turismo系列已經在全球瘋狂售出超過9千萬套，是PS有史以來最賣得的遊戲。有位die hard玩家叫Jann Mardenborough，因為日玩夜玩操到火山級超高電競技術，贏得Nissan舉辦的電玩比賽，最終夢想成真，成功由揸電競軚盤，變成在真實賽道上馳騁的職業賽車手。《GT跑車浪漫旅》就是根據Jann Mardenborough的真人真事改編，即是賽車手的傳記故事。(8月10日上映) 撰文:廖思慧

 

電影將於8月10日上映。

電影由《D-9異形禁區》的Neill Blomkamp執導，因為對汽車及機械的熱愛，導演完全冇考慮用全數碼技術製作電影，「只拍攝一啲背景，製作『數碼賽車』，將演員放喺虛擬環境內拍攝，完全冇實感可言， 希望做到拍攝演員駕駛汽車時，速度同真正揸車一樣。」要玩真實，好簡單，就係坐真正的賽車、在真實的賽道上進行拍攝，全片走遍斯洛伐克賽道及杜拜賽車場等，不過導演好貪心，有真實型號戰車及真實賽道都唔夠，要達成「完美臨場實感」的目標，體驗亦相當重要，「如何讓觀眾得到最高的臨場感？」導演諗到頭都爆，最後決定使用第一身視角的無人機拍攝。

Madekwe老竇覺得個仔掛住打機一事無成，叫佢跟自己去做苦工。

為拍攝電競場口，Madekwe真係要挑戰AI對手並必須獲勝，所以要瘋狂訓練。

男主角參加由Nissan舉辦的電競比賽「GT學院」，成功加入職業賽車手隊伍。

男主角拍到驚

飾演主角Jann的Archie Madekwe本身唔識揸車，開拍前要參加駕駛課程。「PlayStation送咗一部模擬器畀我，有跑車椅、軚盤及腳踏，」Madekwe說，「我只需不斷練習、練習、再練習。熟習賽道及賽車路線， 掌握『掟彎』及剎車感覺，一旦掌握到竅門，就不斷重複，經過訓練之後，我非常欽佩職業車手，因為，佢哋經常要咁做，真係好瘋狂。」

男主角Archie Madekwe有六呎五吋高，要經常瑟縮喺車坦言好辛苦。

賽車服經過FIA國際汽聯認可，所有裝備亦完全防火。

為了捕捉高強度賽車比賽的速度感，導演以無人機拍攝第一身視角（FPV）。

Jann Mardenborough在電影中「代替」自己的角色拍攝高難度場口。

導演希望捕捉車手在競賽時的身體放鬆狀態，「車手克服一切後，就是『人車合一』境界。」

主角Archie Madekwe(左)及Jann Mardenborough真身。

 

問到Madekwe經歷長久訓練後，會唔會想喺賽車界闖一番事業？Madekwe相當唔願意，「我真心尊重地球上每位賽車手，嗯，我討厭呆在車廂，天氣熱好容易令人產生幽閉恐懼症、噁心、焦慮。」男主角好硬淨，面對多方質疑都冇放棄，玩賽車隨時冇命都冇退縮，最終遊戲玩家成為賽車界傳奇，好熱血。我冇玩過GT Game，又少睇賽車，片長135分鐘，所有元素都有啲，賽車場面超真實，視覺效果好刺激，父子情點到即止，睇戲唔使用腦真係好。

 

 

《星島頭條》新網站有更多精彩內容：http://www.stheadline.com/