星8卦丨「馬騮仔」湊女強人有一手製造初戀感覺軟飯長食長有

2023-06-30 11:00

「馬騮仔」一向係呢個圈嘅軟飯王，當日氹到「孤獨」神魂顛倒，不惜同「老相好」反面，「老相好」畀佢激到好傷心，明知畀唔到將來對方，但都希望係自己庇蔭下搵到個好歸宿。

偏偏「馬騮仔」不務正業，喺圈中成日做埋啲不法勾檔，早年係咁賣藥畀啲當紅哥仔「發癲」同「官仔」，但近年大家年紀大又唔興，話要錫下身，咁就斷咗一條大財路，所以佢努力做馬伕，不時介紹唔同嘅老細畀娛樂圈急住搵錢嘅妹妹仔，抽埋啲佣都唔錯架。

但「馬騮仔」都知靠人不如靠自己，一直都拋埋個身出嚟搵啲寂寞芳心，「孤獨」聞說到而家都唔係好放得低，如果唔係畀佢呃咗層樓都唔會醒。近期「馬騮仔」仲掂，成日出入坐私人飛機，身光頸靚過富豪式生活，咁就要多謝佢當日簽咗畀「大佬」，大佬唔掂就將成副身家畀咗「老婆」，「老婆」呢幾年都有玩包養，但大佬一直唔俾面，要製造情聖感覺，所以都令「老婆」好委屈。

而家自由身，見到「馬騮仔」積極埋自己身，又睇下你點？哈，「馬騮仔」除咗床上功夫了得，最重要係叻在令佢身邊女人回復初戀感覺，個個都好似回春咁，而且係愈強嘅女人佢湊得愈掂，「老婆」直情愛到好似18歲𡃁妹咁，一刻鐘都要佢喺身邊，希望今次「馬騮仔」存番個錢，為將來打算下啦！