肥媽李鼎丨鼎爺為生命中最重要的女人淚灑人前肥媽同仔女講定遺產去向

2023-05-10 19:00

由 Maria Cordero（肥媽）、李家鼎（鼎爺）及游嘉欣（游游）擔任主持的《肥媽李鼎》今晚（10 日）播出的第 9 集，主題是「父母唔易做」，育有六個仔女的肥媽被游嘉欣問會否為孫兒留積蓄時，肥媽直率謂：「我同仔女講，如果我在生時使晒就真係 Sorry，如果我使唔晒留番畀你，你就 Lucky。」

【點擊睇《肥媽李鼎》精彩內容】：

今集主題係「父母唔易做」。

肥媽一個人湊大六個仔女，真係唔簡單。

兩人合作愉快。

鼎爺講起媽媽時落下男兒淚。

鐵漢柔情

好感觸！

游游聽到扁晒嘴。

游游又有新嘗試。

食「豆腐花撈飯」。

好似發現新世界咁。

肥媽同屋企人關係融洽，仲會帶隊去蘭桂坊夜蒲添。

牛碎肉番茄薯仔湯

南乳腐乳燜蹄筋

豆腐花撈飯

蝴蝶過河筍殼魚

在節目開始時，肥媽炮製出仔女兒時最愛的牛碎肉番茄薯仔湯，有菜有肉夠晒健康，她笑言：「湊大六個容乜易啫，一煲過一鑊熟。」她又透露兒時食唔少藤條炆豬肉，她說：「老竇唔打人，得我媽打人，所以我跟我媽學買藤條，淨係打屁股，其實打完我自己匿埋喊。」肥媽續爆笑料，她說：
「後來打嚟打去佢都唔驚喎，我問點解唔驚，佢話因為我係你親生，你唔會打死我架嘛。」肥媽後來知道打係冇用，改以「煩音」攻擊，她笑言：「後來我捉住佢傾半個鐘頭以上，佢就喊晒話：『你唔好同我傾偈，你打我算啦！』」

鼎爺則坦言「講起阿媽就流眼淚」，並舉了一個覺得媽媽慳家又偉大的例子：「以前我細佬隻腳唔小心斷咗，去睇某個中醫，中醫話呢隻藥一定要搵豬腳筋墊藥，我媽就喺收市前去巡，2 毫子嗰啲變咗 3 毫子兩份，真係行足三個鐘頭……」說到此時，外表硬淨的鼎爺落下男兒淚，並自責謂：「嗰時我做咗啲嘢對我媽唔住…….有時我會頂撞佢……」

游嘉欣今集再獻出人生第一次，首嚐豆腐花撈飯，本來她不敢放入口，但品嚐過後直呼：「你唔講我唔覺得係食緊豆腐花，震撼咗我五官！」三人閒聊期間，她又問肥媽及鼎爺會否為孫兒留積蓄時，肥媽直率謂：「我同仔女講，如果我在生時使晒就真係 Sorry，如果我使唔晒留番畀你，你就 Lucky。」肥媽又問游嘉欣有事會否跟父母商量，她坦言：「真係唔會，好多時覺得佢哋思想太保守，我同佢哋講依家嘅嘢，其實佢哋唔會明，就好似你講你哋年代嘅嘢，我都係唔會明。」

不過肥媽就話家族幾代人關係親密，孫仔更會請教她「點樣飛咗條女」，她還自爆會帶孫夜蒲：「第一個帶啲孫出去蒲嗰個係我，幾代人都係由我帶，你估蘭桂坊得你哋蒲呀？我蒲嗰時你哋都未出世啦！」