肥媽李鼎丨肥媽自爆最窮得36蚊喺銀行李家鼎廿蚊雞翼食一個禮拜

2023-05-02 16:00

由 Maria Cordero（肥媽）、李家鼎（鼎爺）及游嘉欣（游游）擔任主持的節目《肥媽李鼎》將於今晚（2日）播出第五集，今集主題是「懷念的味道」，肥媽指自己最深刻的菜式是「冬菜蒸牛肉」，肥媽透露媽媽會在牛肉中加入麥皮，除了令口感變得更細滑，亦令「肉量」大增，肥媽笑指一直被媽媽欺騙：「我阿媽問我點解唔買牛肉蒸肉餅，我話好貴喎，有一日我唔打斧頭儲錢買啦，蒸完出嚟成家人喺度鬧，細佬妹係咁話好『鞋』，我問阿媽點解會咁，佢 Kam Kam聲喺度笑，然後先講畀我聽（真相）呀！」

【點擊睇《肥媽李鼎》肥媽鼎爺講買樓】：

鼎爺（左起）、肥媽、游嘉欣。

肥媽最難忘媽媽嘅「冬菜蒸牛肉」。

肥媽話喺牛肉入面加麥皮，除咗口感更滑之外，「肉量」同時激增。

肥媽話自己最窮時得番肥媽話自己最窮時得番36蚊。

同時要養6個小朋友。

鼎爺最潦倒時靠食滷水雞翼維生。

鼎爺唔多識欣賞游游嘅撈冷麵。

游游的童年味道是撈冷麵。

游游成日製造歡樂氣氛。

搞到鼎爺頭都暈！

冬菜蒸牛肉

醬燜珠豆五花腩

豉油王炒麵

滷水雞翼八爪魚

合作得好開心！

肥媽想當年靠托麵粉養家。

獨力支撐頭家。

鼎爺童年時批馬蹄和剝核桃幫補家計。

大顯身手。

23歲嘅游游希望5年內置業。

肥媽講番起第一次買樓仲係好開心。

仲重演當年細仔啜牆畫面。

鼎爺講第一次買樓嘅經歷。

鼎爺第一次買樓為乜崩潰反白眼呢？

游游今集係咁講錯嘢。

製造好多搞笑氣氛。

帶咗好多歡樂畀大家。

白汁雞皇煙肉意粉

六合素菜

雙梅蒸肉蟹鮑魚大鑊飯

肥媽年青時背負起養活一家七口的重任，生活當然相當難過，講到最窮困的時候，肥媽說：「得36蚊喺銀行，但要養6個仔女，每日都𢱑晒頭諗點樣賺錢，試過有一日揸住支茄汁同豉油，個仔望住我搖頭，我就點頭，佢話冇餸呀？我話係呀，咁咪茄汁同豉油撈飯囉！」鼎爺最潦倒時則靠滷水雞翼維生，他說：「廿蚊雞翼食一個禮拜，雞全翼一餐食兩隻，有味咪得囉，最緊要係碗飯之嘛！」而游游的童年味道是撈冷麵，並即場炮製給肥媽和鼎爺品嚐，惟鼎爺似乎不太欣賞：「講句得罪啲，係冇層次㗎！」

接着在周三（3日）播出的第六集，主題是「高低的人生」，肥媽指當年自己靠托麵粉養起成頭家，一個女人仔一次能托起三包重50磅的麵粉，非常犀利，肥媽說：「當年係有自己同自己鬥，同自己講一定要托起佢，托唔起就冇飯食！」肥媽續指當年靠托麵粉賺到二千多元一個月。至於鼎爺年幼時則靠批馬蹄和剝核桃幫補家計，由早上 9點剝到晚上6點，同樣辛苦。

游游在節目上稱希望 5年內上車：「我覺得可以置業係人生高峰。」肥媽透露首次置業經歷，她說：「我記得我哋上樓時，細仔係摸住塊牆係咁啜，全家人第一次買樓，係開心到形容唔到！」肥媽續指人生首次置業在三十歲時：「有咗 6個仔女之後先買，記得用咗28萬買，我好豪㗎，一次過買兩層， 412呎一層，上到樓落雨唔會漏水，直頭係夢想嚟！」鼎爺透露自己大約於 1971年首次置業，他說：「當時去咗台灣工作， 6千蚊（人工）一個月， 70年代 6千蚊好緊要㗎喇。」鼎爺指當時打長途電話着母親睇樓，目標是畢架山或美孚一帶，惟李媽媽最後作出的決定，令鼎爺崩潰兼反白眼。