肥妈李鼎丨鼎爷为生命中最重要的女人泪洒人前肥妈同仔女讲定遗产去向

2023-05-10 19:00

由 Maria Cordero（肥妈）、李家鼎（鼎爷）及游嘉欣（游游）担任主持的《肥妈李鼎》今晚（10 日）播出的第 9 集，主题是「父母唔易做」，育有六个仔女的肥妈被游嘉欣问会否为孙儿留积蓄时，肥妈直率谓：「我同仔女讲，如果我在生时使晒就真系 Sorry，如果我使唔晒留番畀你，你就 Lucky。」

【点击睇《肥妈李鼎》精彩内容】：

今集主题系「父母唔易做」。

肥妈一个人凑大六个仔女，真系唔简单。

两人合作愉快。

鼎爷讲起妈妈时落下男儿泪。

铁汉柔情

好感触！

游游听到扁晒嘴。

游游又有新尝试。

食「豆腐花捞饭」。

好似发现新世界咁。

肥妈同屋企人关系融洽，仲会带队去兰桂坊夜蒲添。

牛碎肉番茄薯仔汤

南乳腐乳焖蹄筋

豆腐花捞饭

蝴蝶过河笋壳鱼

在节目开始时，肥妈炮制出仔女儿时最爱的牛碎肉番茄薯仔汤，有菜有肉够晒健康，她笑言：「凑大六个容乜易啫，一煲过一镬熟。」她又透露儿时食唔少藤条炆猪肉，她说：「老窦唔打人，得我妈打人，所以我跟我妈学买藤条，净系打屁股，其实打完我自己匿埋喊。」肥妈续爆笑料，她说：
「后来打嚟打去佢都唔惊喎，我问点解唔惊，佢话因为我系你亲生，你唔会打死我架嘛。」肥妈后来知道打系冇用，改以「烦音」攻击，她笑言：「后来我捉住佢倾半个钟头以上，佢就喊晒话：『你唔好同我倾偈，你打我算啦！』」

鼎爷则坦言「讲起阿妈就流眼泪」，并举了一个觉得妈妈悭家又伟大的例子：「以前我细佬只脚唔小心断咗，去睇某个中医，中医话呢只药一定要搵猪脚筋垫药，我妈就喺收市前去巡，2 毫子嗰啲变咗 3 毫子两份，真系行足三个钟头……」说到此时，外表硬净的鼎爷落下男儿泪，并自责谓：「嗰时我做咗啲嘢对我妈唔住…….有时我会顶撞佢……」

游嘉欣今集再献出人生第一次，首尝豆腐花捞饭，本来她不敢放入口，但品尝过后直呼：「你唔讲我唔觉得系食紧豆腐花，震撼咗我五官！」三人闲聊期间，她又问肥妈及鼎爷会否为孙儿留积蓄时，肥妈直率谓：「我同仔女讲，如果我在生时使晒就真系 Sorry，如果我使唔晒留番畀你，你就 Lucky。」肥妈又问游嘉欣有事会否跟父母商量，她坦言：「真系唔会，好多时觉得佢哋思想太保守，我同佢哋讲依家嘅嘢，其实佢哋唔会明，就好似你讲你哋年代嘅嘢，我都系唔会明。」

不过肥妈就话家族几代人关系亲密，孙仔更会请教她「点样飞咗条女」，她还自爆会带孙夜蒲：「第一个带啲孙出去蒲嗰个系我，几代人都系由我带，你估兰桂坊得你哋蒲呀？我蒲嗰时你哋都未出世啦！」