星8卦丨「賊公」「賊婆」勢利靠「純情」上位後唔識人凑掂鮮肉繼續呃
2023-04-28 10:30 
「賊公」「賊婆」有名你叫，梗係兩公婆都係最叻偷嘢，而且近年已經係神偷級別。
由於「賊婆」屋企有個錢，未至於大富貴，但對「賊公」呢啲小康之家，都叫做一個好碼頭。而「賊婆」事事代出頭，搞到「賊公」以為自己好勁，乜都高人一等。但只要兩公婆睇中目標，又會用心去凑到人哋妥妥當當。「純情」就係最佳例子，佢成名得早，北上有好多擁躉，「賊公」無乜名氣，「賊婆」就諗橋話唔收錢做埋「純情」經理人，搞到當時「純情」經理人好唔開心，話兩公婆搶得好無道義。從此之後任何表演都係買「純情」送「賊公」，漸漸儲到好多彈藥，「賊公」就開始自己搵食，再無早年對「純情」咁上心，亦唔會再開口埋口話同「純情」好 friend，更唔會幫佢搵job。
因為佢哋都知道要擦啲新世代鞋，所以開始專埋鮮肉輩，免費度橋介紹Job，又向導演硬推，當正自己係佢哋嘅經理人，由於要放長線鈞大魚，至今都未傾到佣金問題，不過，唔少圈中人就冷眼旁觀睇下佢哋幾時反面，對咁功利嘅兩公婆嚟講，佢哋班鮮肉輩仲有排生金蛋，等搾乾榨淨至踢走都未遲。
【相關文章】：
星8卦丨「才女」自以為靚恨做幕前未如願 煽動公司一姐失敗即炒
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，WhatsApp 91999933，《星島申訴王》隨時候命！
立即報料：https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
關鍵字
最新回應