中年好聲音丨龍婷罕有性感與彭家麗跳唱神同步吳大強與新拍檔韋綺姍因一事嘈交？

2023-04-16 11:15

TVB節目《中年好聲音》改於今晚（16日）9點半播出第20集，是爭入總決賽的第六部曲《歌手合唱！決賽前哨戰！》，七強選手聯乘七位專業歌手合唱爭入六強，專業歌手包括韋綺姍、彭家麗、雷有輝、張崇德、吳浩康、林二汶以及谷婭溦，陣容鼎盛，而本回合的嘉賓評審是資深歌手陳潔靈。愈戰愈勇的龍婷再有突破，除與彭家麗跳唱外，更大晒性感舞姿，評審張佳也大讚她走出西洋菜街。

【點擊睇龍婷彭家麗跳唱神同步】：

今集評審有周國豐（左起）、張佳添、肥媽、陳潔靈、伍仲衡。

李佳（白衫）同谷婭溦化身黑白雙煞。

一黑一白襯到絕。

連把聲都Match。

高度亦差不多。

肥媽大讚兩人合拍。

龍婷有突破玩跳唱。

孖住彭家麗一齊玩跳唱。

又幾型同合拍。

龍婷集集都有驚喜。

龍婷同彭家麗跳舞神同步，十足雙妹嘜。

顏志恒同吳浩康合唱。

顏志恒

吳浩康

羅啟豪同張崇德合唱《不要重播》。

羅啟豪

張崇德

吳大強、韋綺姍賽前鬧意見分歧，究竟會唔會影響到佢哋嘅表現呢？

吳大強可唔可以有所突破？

大強同韋綺姍嘅造型好合襯。

吳大強同韋綺姍深情合唱。

大強同韋綺姍嘅造型好合襯。

吳大強同韋綺姍手拖手。

吳大強個仔吳偉豪都有嚟撐場。

周吉佩+雷有輝合唱《留住我吧 x 情人》。

周吉佩同雷有輝都係組合出身。

周吉佩

雷有輝

支嚳儀同林二汶合唱《Can't Take My Eyes Off You》。

支嚳儀重啟甜美Mode。

支嚳儀分數落後。

林二汶能否為支嚳儀力挽狂瀾。

林二汶

累積排名分數暫時最高的李佳，與谷婭溦合唱《一路上有你》，同樣身形嬌小的兩人以黑白雙煞Look上陣，造型上非常合襯，而兩人的歌聲同樣合拍，主持車婉婉笑言：「殺氣好強呀，開埋把聲好有震撼力！」肥媽笑謂：「使唔使咁襯呀，一個黑一個白，連對靴都襯埋，佢哋年齡有啲差距，會唔會唔合拍呢？但出到嚟好合拍喎，好多人合唱好似搶包山咁，但你哋兩個係幫到對方。」

累積排名分數暫時排第二的龍婷今回再有新突破，她與彭家麗跳唱《一切也願意》，兩人以黑色型格西裝Look上陣大晒性感舞姿，跳舞動作更是神同步，十足雙妹嘜，陳潔靈大讚龍婷夠大膽：「嚟到準決賽，仲可以咁大膽去改變自己形象，好鍾意你嗰種魅力。」張佳添則指樂於見到龍婷再次突破自己：「Show到畀我哋睇你係百變嘅，今次你嘅表演唔再係旺角Busking嘅歌手，而係舞台上面嘅歌手！」

上集陷入危機的Bill哥哥吳大強化身緊張大師，瘋狂催逼韋綺姍練歌，令韋綺姍忍不住對他說：「你唔好整到我咁Stress（大壓力）啦！」去到正式比賽時，兩人以黑金Bling Bling造型上陣，表演到尾聲時，Bill哥哥在台上玩突襲對韋綺姍做了一個大膽舉動，結果引發全場尖叫不斷！究竟與韋綺姍鬧意見分歧的大強，能否走出被淘汰的危機？

至於累積排名分數暫時最低的支嚳儀，與林二汶合唱《Can't Take My Eyes Off You》，今集「黃金戰衣」上身的支嚳儀重啟甜美Mode，在台上獻唱時又扭又跳，活力十足，惟支嚳儀比賽前失聲了三天，她賽前直言：「前幾日失咗聲，好感恩今日有啲聲喇，我點都會盡力而為，就算走音我都要唱！」今集還有顏志恒與吳浩康合唱《我的快樂時代》、羅啟豪與張崇德唱《不要重播》、周吉佩與雷有輝夾《留住我吧x情人》，將有2位獲90分以上選手誕生，究竟哪兩位選手大爆發？