中年好聲音丨林鉫徫唱肥媽飲歌遭鬧爆被淘汰 伍仲衡狂踩：嚇到我即刻跳落去
2023-04-09 23:00 
TVB節目《中年好聲音》今晚播出新一集，七強亦已經誕生，今集邀請之前被淘汰的參加者合唱，並請到巫啟賢做評審。節目開始巫啟賢已開宗明義說想聽情懷：「其實合唱好難，而且係臨時組合出嚟，除咗默契，同埋彼此歌聲、感情交流，一定要畀我哋feel到。大家喺呢個年紀、人生階段上台唱歌，唱嘅唔係歌聲，係情懷。」車婉婉即稱讚他果然是「殿堂級評審」。
【點擊睇肥媽聽歌聽到落淚】：
羅啟豪與區俊傑悉先合唱《祝福》獲得85分，巫啟賢聽到直豎姆指：「你感動到我、觸動到我。」肥媽則說：「佢（巫啟賢）嘅感覺同我哋唔同，我哋係睇住佢入，睇住佢走，再返轉頭有嗰種兄弟情，可以唱到我哋有感覺。」肥媽此時更講到激動哽咽。接着吳大強與鮑聖光合唱《Happy Together》，肥媽一講評語即激動說：「完全聽唔到你（鮑聖光）有back過佢（為他和音）啊！」巫啟賢亦批評兩人過於保守，兩人僅得75分，比第一組低了足足10分。
支嚳儀與劉智衛合唱《我的心裏只有你沒有他》加《忘記他》，獲得82分，不過巫啟賢就點評劉智衛似乎音準稍有問題，將主音的音準都拉歪；肥媽亦指今似支嚳儀的演出亦低過她的預期。龍婷以露肩裝上陣與「緋聞男友」丁文俊唱《選擇》火花十足，唱畢後肥媽即笑說：「嘩，結婚呀？」張佳添大讚兩人聲線有化學作用，是perfect match。最後兩人獲得83分，成績相當不錯。
林鉫徫與陳早怡唱肥媽飲歌《憑着愛》只獲得76分，周國豐直指林鉫徫以即興方式呈現技巧是用錯方法，但陳早怡則進步了不少；伍仲衡亦認同說：「好多參賽者都好show技巧，當一個人失意嘅時候，點解有人聽歌想喺懸崖邊跳落去，聽到另一隻歌又救返起，係因為嗰種演繹畀到治療佢。如果我想跳落去，聽到你頭先咁唱，你嚇到我即刻跳落去喇！」李佳請來之前PK賽對手鄧家豪唱《朋友別哭》，獲得88分，兩人即刻開心攬攬，伍仲衡力讚：「好簡單、真摯、冇多餘嘅嘢，揀啱歌。我真係要讚下李佳，愈唱愈有味道。」
顏志恒則與魏嘉信唱《千載不變》同樣獲得88分，台上顏志恒唱到眼濕濕，台下評審肥媽以及現場觀眾都感動到要拭淚。顏志恒指與魏嘉信年紀相若：「由唔識到互相扶持，經過好多嘢。我哋經過好多嘢，中間衝破咗好多嘢，我冇ear mon（監聽耳機），佢去買畀我。」此時魏嘉信搭嘴說：「我送㗎！」引來全場發笑。張佳添則以一字點評：「Touching。（感動）」
最後出場周吉佩與曹敏寶合唱《童話》，周國豐認為兩人「差啲」，伍仲衡即直說：「揀唱歌，音高有問題，講完。」巫啟賢則指兩人唱得太平淡。雖然得到評審不少差評，但兩人成功得到79分，即刻安樂晒。現時賽制採取累積計分制，雖然今次吳大強最低分，但亦成功安全過關，而榜尾則出現同分情況，支嚳儀與林鉫徫同樣只得15分，最後今集較低分的林鉫徫慘遭淘汰，今晚節目MVP則是最先出場的羅啟豪與區俊傑。
【其他閱讀】：
68歲朱咪咪擁過億物業貼地素顏飲茶被捕獲 遭批面色灰黃拍攝者認衰：我影得唔好
李龍基認已過大部份資產予另一半 未婚妻晒銀紙名牌袋被批炫富再出Po「覺得有趣」
66歲音樂人李坤城爺孫戀剛滿10周年忽傳死訊 細40歲女友證實消息
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料：https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應