中年好聲音丨龍婷孖緋聞男友十指緊扣「我選擇了你」肥媽被閃盲：結婚呀？

2023-04-08 16:00

TVB真人騷《中年好聲音》自去年11月播出以來掀起不少話題，本周日（9 日）播出的第 19 集，是爭入七強的第六部曲《友情合唱！淘汰選手助陣！》，八強參賽者邀請之前被淘汰的選手合唱作賽，本回合嘉賓評審更邀得資深歌手巫啟賢助陣。當中談論度最高的組合肯定是龍婷與丁文俊，他倆於第12集合唱《因為愛情》而傳緋聞，二人今集再度合體獻唱《選擇》，更被笑指似婚禮。

【點擊睇龍婷+丁文俊《中年好聲音》浪漫演繹】：

今集嘉賓評審係巫啟賢。

周國豐（左起）、張佳添、肥媽、巫啟賢、伍仲衡。

周吉佩同曹敏寶以雙白Look上陣。

兩人各自已婚，但在台上合唱甚有默契。

曹敏寶與周吉佩十分老友。

兩大靚聲王吳大強（左）、鮑聖光合體。

吳大強、鮑聖光自彈自唱。

鮑聖光再上舞台。

不過被巫啟賢嫌太保守。

伍仲衡亦嫌他們不夠Magic。

羅啟豪（左）、區俊傑

劉智衛（左）、支嚳儀

林鉫徫（左）、陳早怡

鄧家豪（左）、李佳

魏嘉信（左）、顏志恒

曹敏寶（左）、周吉佩

丁文俊同龍婷呢對緋聞男女合體，話題十足。

型男索女！

又真係幾合襯。

緋聞男女深情對望。

Sweet到爆。

仲手拖手合唱。

龍婷笑得幾甜呢！

車婉婉話以為去咗婚禮。

肥媽都話似結婚。

今集出場歌單包括羅啟豪與區俊傑唱《祝福》、吳大強與鮑聖光唱《Happy Together》、支嚳儀與劉智衛唱《我的心裏只有你沒有他 X 忘記他》、龍婷與丁文俊唱《選擇》、林鉫徫與陳早怡唱《憑着愛》、李佳鄧家豪唱《朋友別哭》、顏志恒與魏嘉信唱《千載不變》以及周吉佩與曹敏寶唱《童話》。

龍婷以露肩裝上陣大晒知性美，丁文俊則官仔骨骨晒型格，兩人合唱期間除了深情對望外，唱到高潮時更來個十指緊扣，甜蜜指數爆燈，連主持車婉婉也笑言：「好似去咗一個婚禮咁！」更追問丁文俊：「龍婷揀你呀，有咩感想？」丁文俊卻害羞口窒窒地說：「ER……ER……好多謝佢，打撈番我上嚟。」場面搞笑。

對於兩人的演出，評審肥媽笑說：「出嚟嗰時，我話：『嘩，結婚呀？』」張佳添大讚兩人聲線有化學作用：「龍婷把聲可以帶出丁文俊最Man嘅位，丁文俊把聲又可以帶出龍婷好女人一面，兩個係Perfect Match，個表演係The Best Wedding Song。」惟一向與別不同的伍仲衡另有意見：「丁文俊唱得唔夠溫柔同浪漫，所以我唔畀人情架！」巫啟賢則嫌兩人未夠了解歌曲：「用錯方式去唱，頭先以為自己去咗中央電視台嘅晚會，柔情蜜意唔見咗！」至於周吉佩＋曹敏寶這對組合造型同樣搶眼，兩人以白色Tone造型上陣，非常合拍。

另外，兩位具資歷的選手Bill哥哥吳大強+鮑大人鮑聖光的組合亦是亮點之一，兩大靚聲王終極合體獻唱《Happy Together》，更一同挑戰自彈自唱，惟彈結他上陣反成為他們的致命傷，齊被評把聲唔入咪，肥媽說：「你哋揸結他唱歌，個咪離得太遠，如果用Mic Stand你哋都係要埋去唱。」巫啟賢則坦言：「我覺得你哋揸結他反而綁住咗喺度，好保守，只係喺一個好安全嘅範圍將呢隻歌交代咗出嚟，反而呢隻歌嘅精神出唔到。」伍仲衡則說：「唔覺得你哋係做緊同一個表演，同埋你哋把聲冇Magic。」上集獲得MVP、登上三甲的Bill哥哥，今集會否再陷危機？