星8卦丨「大波」為老細收埋身材被後生仔睇中包養博從良

要知點解「大波」突然扮純情，明知自己副架生係賣點，當初唔係拋個胸出嚟，真係搵鬼識你咩？不過佢勝在五官骨子，鷄味夠重。

「大波」最叻玩失蹤，只要有一排唔見咗人，肯定就係跟咗老細食大茶飯，最嫩口嗰陣畀「江湖」收埋3個月，收咗層千幾萬嘅樓，雖然唔係一筆付清，但生生性性廿歲出頭有樓揸手已經好好。

之後佢又出嚟做穿花蝴蝶，四圍識老細，最近佢又同啲客講唔可以露太多，收起性感咁話！啲客係背後媽媽叉叉，仲話無端端突然扮上菜，唔係肯露邊個想搵佢？又唔係特別靚，要扮純情，成條街任揀啦！

實情係「大波」呢排生意好好，同一時間招呼幾個老細，嚟自北方就唔駛講，連隔離埠都有男人生滋貓入眼。「大波」好均真，一口價包幾多個月，邊幾日見面，所以安排得非常安全，所有男人都唔知道對方嘅存在。

而最新要經營嘅，竟然係一個屋企好有錢，又高大靚仔嘅「後生仔」，連大波都估唔到呢位仁兄對自己有興趣，為因佢有一個又紅又有錢嘅女友「石姐」。兩個人一直被視為金童玉女，朋友都等緊兩個人嘅喜帖，點知「後生仔」原來對呢類身型嘅女人有興趣，由於家族啲錢駛唔晒，所以溝女一直好叻，要追邊個都得手。不過「後生仔」好清醒，話明同「大波」係交易，一星期陪自己一日，但酬勞唔錯，「大波」心頭有啲高，依家成日諗住可以fight低「石姐」，咪要扮良家婦女搏一搏！

【相關文章】：

星8卦丨「型佬」娶錯老婆刻薄家婆 慳大唔慳細神憎鬼厭

星8卦丨「朱女」嫩妻妒忌心重 管制「阿叔」與世界隔絕

星8卦丨「男仔頭」衰cheap得罪老細 學精遇大少修成正果

 

《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，WhatsApp 91999933，《星島申訴王》隨時候命！
立即報料：https://bit.ly/3IMunqd
你的獨家報料一旦被採用及報導，將獲得乙份獎品。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ