《愛回家》群姐入行皆因「裙腳仔」晒兒子合照個樣激似白淨版陳錦鴻

2023-04-06 18:00

66歲的許思敏因演出《愛回家之開心速遞》的接龍清潔女工群姐而為人所熟悉，從事「特約演員」超過35年的許思敏，在2022年更獲TVB羅致成為合約藝人！日前群姐接受港台節目訪問，坦言從未想過這角色會這樣入屋：「我初初諗住清潔女工，最多咪揸掃把倒吓垃圾過鏡，點諗過會咁入屋。」群姐坦言幕後的工作人員實在功不可沒：「一定要讚編劇、導演，又要我哋合作得好，監製、珍姐（曾勵珍）都好好，我又諗吓群姐呢個清潔工人，點樣做法好呢，呢個職業好平民化，要做到好平民化入屋先得，我個仔就話『好易做啫，媽咪，你做番自己囉！』實在係喎，我係媽咪級，平時唔使開工都係行街、飲茶、去街市買餸。」雖然群姐很愛演戲，但為了老公和兒子，曾經試過推job！

【點擊睇群姐個「群腳仔」有幾靚仔】：

許思敏做臨時演員已經有35年，去年終獲TVB羅致成合約藝人。

年輕時嘅許思敏好多人追求。

許思敏喺93年曾經同黃秋生合作《八仙飯店之人肉叉燒包》。

電影《濟公》中，許思敏同張曼玉一齊扮演妓女。

《九品芝麻官》中，許思敏同苑瓊丹一齊扮演妓院嘅媽媽生。

群姐好入屋。

同大小姐好多對手戲。

許思敏話伊莎貝拉群呢個名係出自大小姐。

好搞笑嘅組合。

同風少有一段霧水情緣。

成日有好多唔同嘅驚喜。

同歐陽震華合作好開心！

群姐相當入屋。

合作得好開心！

阿仔個樣又幾靚仔！

同阿仔關係好好。

好似兩姊弟。

弄孫為樂。

群姐相當入屋。

參與過不少節目之演出。

同林小湛齊齊出席活動。

群姐唔止同阿仔關係好，連佢哋嘅朋友都好好傾！

日前群姐接受港台節目訪問，坦言從未想過這角色會這樣入屋。

雖然群姐很愛演戲，但為了老公和兒子，曾經試過推job！

群姐提到推job原因是因為尊重，她說：「坦白講，如果要我好暴露、拍kiss戲，我就唔做，以前都有人搵過，但係我都推咗，因為我啲仔大個，佢哋要返工，例如角色太出位，會影響佢哋工作，被同事笑，我就唔想囉，我要尊重番老公同啲仔。」群姐在24歲結婚，婚後育有3子，現時更有4個孫，她曾經在訪問上提過，年青時愛美及貪玩，有一次參加派對後遇上嚴重車禍險被毀容，老公的一句話促使她託付終生：「嗰次撞車之後，面上留了很大傷口，他亦說：『你有什麼傷口都愛你！我畀錢你整容！』是否很窩心？那時自己好擔心，成世人這麼大的傷口，就反省女仔不應那麼貪玩，他對我那麼好，亦應該找個歸宿嫁人。」

群姐不時在社交平台貼上與三個「裙腳仔」的合照，想不到他們的外貌相當靚仔，群姐稱當年入行亦因為兒子：「我啲仔細個嘅時候好靚仔，有人搵佢拍教育電視，我帶佢哋去，點知有一日，有個媽咪甩底冇嚟到，有個助導問我可唔可以拍，我話『梗係好，好玩！』埋位即刻做，所以之後都有搵我拍。」群姐與兒子的感情亦很好，一直都是媽咪的捧場客：「佢哋話唔再叫我做媽咪，以前就叫我『思敏姐』，而家嗌我做『群姐』，我哋出街冇人知道我哋係母子，以為我哋係朋友，不過唔緊要，最緊要係大家開心，不過我同啲仔本身都好似朋友，有乜難題都一定同我講，所以都係好事！」

其實不止是兒子，現時每次出街，許思敏被人稱呼做伊莎貝拉群，又者是群姐：「呢個名係大小姐（林淑敏）叫開，可能啲人覺得好得意，伊莎貝拉又加個群字，所以就入咗屋、入咗腦，我冇所謂大家唔記得我個真名，叫群姐，我都好開心，因為證明你有睇我做戲。」