星8卦｜「白淨」恨做有錢人愈嫁愈豪 遇擦鞋仔投資錯誤冇咗一半身家！

「白淨」份人一向好踏實，自細屋企爭人好多錢，所以書都唔讀就出嚟搵食幫輕屋企，知道世界艱難，所以一直唔敢亂揈錢，好唔容易還晒阿爸阿媽啲錢，又得到「老細」照顧，每個月俾筆錢，「白淨」都好生性存起。

問題係人有錢就多人攀緣，要知道呢個世界有錢人之中都有騙子，加上「白淨」嫁幾次愈嫁愈豪，學足富家界陋習，覺得辛勞工作係無發達，於是學人投資，以一搏千咁賺。頭20年都唔錯，因爲有「老細」照住，教佢點行，可惜呢輪「老細」教落嘅招數全部唔見效，加埋前幾年「老細」離開人世，「白淨」好似無咗個精神支柱，俾「富家擦鞋仔」埋到身，擺個靚門誤導「白淨」都已經成為佢哋一份子。

初時擦鞋仔諗住借錢，「白淨」梗係唔肯，後嚟搵另一個有錢人晚晚開心，砌個投資計劃一齊投資，「白淨」無得問路，加埋虛榮，好快就落搭。呢個計劃又唔係假嘅，因為一齊落搭嘅仲有好多圈中人，「富家擦鞋仔」都有錢投入去，但邊個估到疫情搞咁耐，於是冚家富豪，貪心嘅「白淨」唔見咗一半辛苦錢，所以最近同一早反咗面「交際花」世紀式破冰，無非係想對方幫自己東山再起，將唔見咗一半嘅身家搵返，好過要賣晒自己啲資產填氹咁陰功。

【相關文章】：

星8卦｜「王子」惡死橫行 對住父母超級孝順 娶老婆首要兩老Like

星8卦｜「白鴿」嫁入豪門勁刻薄 工人日日自備乾糧開餐 月薪7萬冇人肯做

星8卦｜「巴辣」用錢縱壞女兒變港孩 老竇地位低冇Say寧願做鵪鶉

《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料：https://bit.ly/3IMunqd
你的獨家報料一旦被採用及報導，將獲得乙份獎品。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ