星8卦｜「白鴿」嫁入豪門勁刻薄 工人日日自備乾糧開餐 月薪7萬冇人肯做

乜嘢叫上流社會下流人？「白鴿」肯定係表表者。奇在「白鴿」又唔係大富人家出身，即係嗰啲自命藍血人，咁始終都算身家清白，父母係專業人士，唔係又點過到「老爺」呢關。

「白鴿」叻女㗎，Fight低一眾邪花正成功入門，最大原因係老爺Like，覺得普通人家容易受自己控制。「二世」見完成人生大事，又有幾個仔承阿爺業，咪繼續發揮風流本色，唔多返屋企。入門無耐「白鴿」就發功，外面梗係好新抱好老婆，有晒心理準備有老公等於無老公，為求平衡心理，咪係屋企耀武揚威做女主人滿足內心的自卑感。

苦就苦在幫佢打工嘅上上下下，尤其一班負責煮食嘅伙頭大將軍，出價係好高，普普通通都俾到6、7萬月薪，但規矩多多，所有工人唔可以食老闆買番嚟嘅食材，咁自己買又得唔得？一樣唔得噃，因為驚啲材料唔新鮮，來歷不明喎，最重要係唔可以用主人嘅煮食爐具，仲有唔可以佢哋啲碗筷刀叉，咁即係點呀？叫外賣囉，但大佬呀，住到深山嘅億億聲House，唔係人人肯送，所以好多時都帶定啲麵包同水，一日兩餐靠乾糧搞掂，真㗎，連即食麵都唔敢食，怕用佢哋啲滾水都唔得嘛，所以除非無飯開，佢啲工人特別係香港人，都未做到試用期就辭工，大宅長期請人，咁高人工都無人做得長梗係有原因。

【相關文章】：

 

星8卦｜「巴辣」用錢縱壞女兒變港孩 老竇地位低冇Say寧願做鵪鶉

星8卦｜「潮女」慳家換「長輩級」形象指導 為細路唔介意成身土味

星8卦｜「小天后」又懶又煩要買麻雀枱喺後台開大餐 被封樂壇「癱己」犯眾憎

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ