星星TALK樓｜有片｜「新晉小花」黃子桐 密密睇樓覓盤「最緊要上車」

選美出身的黃子桐（Rachel），入行短短數年已參演多套電視劇及擔任節目主持；適逢樓價回落，Rachel透露自己亦有外出睇樓，希望把握跌市機會成功上車。Rachel只瞄準兩個新界區的私樓，專瞄400萬至500萬上車盤，強調絕不倚賴父母資助首期，要靠自己努力做業主。

本港樓價去年累積回落超過一成，吸引不少買家無懼後市趁機置業，而Rachel亦是其中一個打算「低撈」入市的買家。Rachel透露過往嘗試與友人在中環合租單位，但始終因租金高昂，加上演藝事業收入不穩，最後決定搬回火炭與家人同住，盡量減少不必要開支。

Rachel指有留意到本港樓價有所回調，對樓市略有研究的她發現，屯門及將軍澳區樓價跌幅最大，於是主動約地產代理睇樓，專瞄400萬至500萬單位，開放式至1房間隔，即使首置物業面積較細亦無所謂，坦言「最緊要上咗車先」，未決定要作自住抑或投資用途；又認為「買左樓感覺會踏實啲，有屬於自己嘅居所」。

現時在將軍澳區工作的Rachel補充指，若成功在區內置業，將用作自住以減省通勤時間，如果在屯門區上車，就會將單位放租，因看好該區租務前景。Rachel雖然傾向鍾情新樓間隔及配套完善，但認為面積相對較小、而二手單位間隔則相對實用，建議如果買家打算長住，願意斥資一筆裝修費用的話，二手屋苑亦是值得考慮之列。

但對於Rachel來說，置業最大的考慮因素並非經濟負擔或者地段因素，而是物業保安服務。她透露偶爾需要工作至深宵才下班，在獨自回家途中曾試過被陌生男子跟蹤，因而憂慮個人安全，Rachel稱日後置業將會考慮安全、保安較佳的屋苑。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ