「屯門娜娜」新婚遭重提性感熱舞收利是兼改歌贈慶 老公與網民爆罵戰霸氣護妻
2023-01-10 18:30 
「屯門娜娜」董幸兒昨日（9日）驚爆婚訊，其忠實粉絲「Happy伯」更現身婚禮開心舉V。娜娜婚訊引起網民熱議，嘲Happy伯失戀外，他與新郎迪康（Dick）所拍的照片也被網民改圖變成「戴綠帽」，更有網絡「歌手」晴天林將陳奕迅的「婚禮神曲」《阿牛》改編成《阿伯》「賀」娜娜結婚。慘遭冷嘲熱諷的新郎迪康，雖然新婚燕爾，但仍與網民在社交網舌劍唇槍，霸氣護妻；娜娜亦轉貼留言多謝老公，封老公做偶像外，更直呼：「愛你。」非常甜蜜。
【相關閱讀】：「屯門娜娜」晒終極性感噴血婚紗相 谷胸透視晒胸部紋身拗腰合照見真身
【點擊睇娜娜老公霸氣護妻】：
有網民在娜娜老公迪康的fb貼出晴天林改編的《阿牛》，迪康回覆說：「嘩！勁！填詞咁好，但可惜歌詞不是事實，有點偏。Happy伯幾十歲人，如果有一日睇完心臟病發，會不會有責任呢？又會唔會構成誹謗呢？點都好喇，我始終都係欣賞有才華嘅人，支持音樂。」網民則回覆指：「不過若果伯伯真係心臟病發講到尾，個始作俑起源就係娜娜喎。乖啦！唔好再消費人哋退化、簡單、返老還純（童）嘅老人家喇！積番啲陰德啦！」
迪康隨後怒斥網民：「咁你又唔好將自己嗰一套放喺人地度，始作俑起源係邊一個你都未知，人云亦云，你做乜唔積下啲口德呢？不如你直接出去跟下Happy伯，睇下現實世界啦！唔好話消費老人家！人哋做任何街頭表演，佢打賞有咩問題？唔通用錢扔返佢？一個退休老人家就不能有自己的偶像娛樂？一定要喺屋企或者老人院睇TVB？」
對於有網民指：「如果自己老婆要出嚟跳，阿伯攝啲錢，我覺得個老公都幾失敗。」迪康反駁說：「觀點角度不同，你覺得失敗，但我又覺得比任何人都好，接觸過同你單方面去評估係兩回事。一個鐘意扮靚、表演嘅，同一個愛面子、享受生活睇娛樂嘅人，由陌生到親人咁嘅關係，其實好多例子。我支持伴侶扮靚、唱歌、跳舞、玩、追夢，又何為失敗呢？」最後更怒斥網民：「唔好以為自己就係真理！」
娜娜對於老公迪康為自己反擊網民感到相當窩心，在IG轉貼老公的留言大讚：「我老公太棒了，我的偶像，愛你！」娜娜更表示自己已經忍了5年：「冇能力唔識出聲，五年了吧，真的是謝謝你們啊！之前都係全網欺負我一個，只能承受壓力，而家有老公太棒啦 太開心啦！幾年嘅網暴、壓力、抑鬱。」
【其他閱讀】：
「啦啦隊女神」林襄亮相TVB 挺逼爆上圍與港女主持比堅尼浸溫泉「鬥胸」
蘇民峰買磚頭置富身家2億 秘婚多年擲4000萬買半山豪宅畀靚老婆收租
潘嘉德《拆局專家》飯敍愛將集合 袁偉豪合照連累73歲黃淑儀暴脹「似座山」
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應