吳啟華留學英國遭歧視辱罵無辜被打 回歸做中國人感自豪移居大灣區變樓王
2023-01-10 14:30 
今年58歲的吳啟華在內地發展多年，日前返港現身TVB《萬千星輝頒獎典禮2022》頒獎，在台上與張兆輝搞爛gag，卻竟然大受觀眾歡迎。最近吳啟華接受內地電台節目《麗人麗語》訪問，提到早年在英國留學時，慘遭種族歧視，更無辜被打；直至1997年回歸後北上發展，終於自豪找回中國人身份，大讚：「冇得頂。」
【點擊睇吳啟華談愛國】：
吳啟華在訪問中透露自1997年後已經返內地長住：「好多年前已經返內地，1997年之後已經返嚟，之前都有返嚟拍戲，1997年之後先返嚟（內地）長住。因為我之一前一直都唔確定自己係咩人，喺香港嘅時候，會覺得我到底係英國人定中國人。」早年吳啟華與胞兄到英國留學，他大爆當時慘遭歧視：「嗰陣細個，冇咁多政治觀念，因為爸爸係警察，英國政府贊助一半學費畀我哋去英國讀書，但係去到覺得佢哋種族歧視好勁，佢哋叫你Chink，行街無端端俾人打都有。同啲好朋友嘅鬼仔朋友傾偈，佢哋都好大牌話：『我哋大英帝國點啊，你哋殖民地。』到1997年就唔同喇，我唔再係英國人，我係中國人。」
1997年回歸時，香港一度掀起移民潮，吳啟華亦有不少親友離港：「嗰陣其實好多香港人都好驚，我好多親戚都親民走咗，我唔係喇，返大陸，返祖國，返我自己嘅國家。」適逢事業低潮期的他，最先在廣州置業：「跟住我喺廣州買咗樓，喺內地住，嗰陣是係事業低潮，但我（喺內地）生活得好舒服。最緊要我係中國人，我而家喺自己嘅國家入面生活，做返一個中國人，好自豪。有國先有家，唔可以冇國，（香港）終於回歸返，真係好開心，冇得頂。」
吳啟華透露目前主要在中山生活：「生活指數當然舒服過香港，香港咩都咁貴，街市閒閒地都一千幾百一次，但喺內地可能三兩百就OK。香港你唔好話買樓，租屋你都掂啦！喺內地你可以輕鬆買間屋，仲要大嘅，香港啲樓細到……話100坪（平方米，100約為1,000英呎）已經係豪宅。」
【點擊睇吳啟華仙氣女】：
吳啟華1983年報讀無綫藝員訓練班入行，同期學員有劉青雲、陶大宇、吳君如、劉嘉玲、商天娥、曾華倩及藍潔瑛等。80年代末一度離巢轉至電影界發展，1996年回巢，1998年憑住《妙手仁心》創造事業高峯，期後擔正拍過《Loving You我愛你》、《美味情緣》、《倚天屠龍記》等劇，2006年再度離巢並北上發展。去年爆出吳啟華在深圳買樓定居，2018年更曾傳出連掃6個大灣區單位，每個價值160萬，可算是娛圈中的「大灣區樓王」。
吳啟華2007年與比他年輕小21歲的內地女星石洋子結婚，兩人婚後育有一女吳熙兒，可惜在2014年離婚收場。有傳吳啟華對前妻一家照顧有加，每月給石洋子6萬人民幣贍養費外，亦會給外母一家20萬人民幣「家用」照顧囡囡生活。現年58歲的吳啟華依然努力拍劇、商演搵真銀，囡囡則交由前妻一家照顧。而囡囡目前就讀長春美國國際學校（中學部），每年學費就要19.6萬人民幣。
【其他閱讀】：
姚明12歲女兒被野生捕獲身高達190cm 暴風式成長震驚網民
雯雯怒插老公張致恒躺平唔湊仔 又懶又廢：完全唔理解你生存為乜？
59歲章小蕙自爆四十多歲已更年期 記憶力差情緒不穩：腦內一片空白
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應