康城影帝柳樂優彌孭飛懸疑日劇《噬亡村》煲劇KOL Do姐係咁讚好睇

2023-01-09 20:15

全新驚悚日劇《噬亡村》已於Disney+ 獨家熱播中，因為夠陰森恐怖，氣氛又緊張懸疑，連Do姐都激讚劇集製作非常出色認真，好多細節都一絲不苟，加上男主角表現出色，非常好睇咁話！

眾所周知Do姐熱愛睇戲及煲劇，近日心頭好是Disney+ 獨家原創的驚悚日劇《噬亡村》！故事講述一個警察獲派到神秘村落，赫然發現村民的秘密，以及流傳於世的食人傳說！Do姐對於此日劇的製作讚不絕口：「平時驚悚片通常都係虎頭蛇尾，頭一集營造得非常懸疑，之後就拖慢節奏。但今次《噬亡村》節奏拿捏得非常出色，頭3集進展好快又會令到你不停估邊個有陰謀！」

另外，Do姐更大讚男主角柳樂優彌的出色演技：「佢絕對係演活咗呢個角色的人物設定，不愧曾經拍是枝裕和電影《誰明浪子心》奪得康城影帝，咁多位拍檔如果想演戲攞獎唔該學吓嘢啊！不過除咗男主角外，其他演員都表現得非常好，所有人都好似有陰謀咁，但你又唔知佢係咪，所以先好睇！」