吴启华留学英国遭歧视辱骂无辜被打 回归做中国人感自豪移居大湾区变楼王
2023-01-10 14:30 
今年58岁的吴启华在内地发展多年，日前返港现身TVB《万千星辉颁奖典礼2022》颁奖，在台上与张兆辉搞烂gag，却竟然大受观众欢迎。最近吴启华接受内地电台节目《丽人丽语》访问，提到早年在英国留学时，惨遭种族歧视，更无辜被打；直至1997年回归后北上发展，终于自豪找回中国人身份，大赞：「冇得顶。」
【点击睇吴启华谈爱国】：
吴启华在访问中透露自1997年后已经返内地长住：「好多年前已经返内地，1997年之后已经返嚟，之前都有返嚟拍戏，1997年之后先返嚟（内地）长住。因为我之一前一直都唔确定自己系咩人，喺香港嘅时候，会觉得我到底系英国人定中国人。」早年吴启华与胞兄到英国留学，他大爆当时惨遭歧视：「嗰阵细个，冇咁多政治观念，因为爸爸系警察，英国政府赞助一半学费畀我哋去英国读书，但系去到觉得佢哋种族歧视好劲，佢哋叫你Chink，行街无端端俾人打都有。同啲好朋友嘅鬼仔朋友倾偈，佢哋都好大牌话：『我哋大英帝国点啊，你哋殖民地。』到1997年就唔同喇，我唔再系英国人，我系中国人。」
1997年回归时，香港一度掀起移民潮，吴启华亦有不少亲友离港：「嗰阵其实好多香港人都好惊，我好多亲戚都亲民走咗，我唔系喇，返大陆，返祖国，返我自己嘅国家。」适逢事业低潮期的他，最先在广州置业：「跟住我喺广州买咗楼，喺内地住，嗰阵是系事业低潮，但我（喺内地）生活得好舒服。最紧要我系中国人，我而家喺自己嘅国家入面生活，做返一个中国人，好自豪。有国先有家，唔可以冇国，（香港）终于回归返，真系好开心，冇得顶。」
吴启华透露目前主要在中山生活：「生活指数当然舒服过香港，香港咩都咁贵，街市闲闲地都一千几百一次，但喺内地可能三两百就OK。香港你唔好话买楼，租屋你都掂啦！喺内地你可以轻松买间屋，仲要大嘅，香港啲楼细到……话100坪（平方米，100约为1,000英尺）已经系豪宅。」
【点击睇吴启华仙气女】：
吴启华1983年报读无綫艺员训练班入行，同期学员有刘青云、陶大宇、吴君如、刘嘉玲、商天娥、曾华倩及蓝洁瑛等。80年代末一度离巢转至电影界发展，1996年回巢，1998年凭住《妙手仁心》创造事业高峯，期后担正拍过《Loving You我爱你》、《美味情缘》、《倚天屠龙记》等剧，2006年再度离巢并北上发展。去年爆出吴启华在深圳买楼定居，2018年更曾传出连扫6个大湾区单位，每个价值160万，可算是娱圈中的「大湾区楼王」。
吴启华2007年与比他年轻小21岁的内地女星石洋子结婚，两人婚后育有一女吴熙儿，可惜在2014年离婚收场。有传吴启华对前妻一家照顾有加，每月给石洋子6万人民币赡养费外，亦会给外母一家20万人民币「家用」照顾囡囡生活。现年58岁的吴启华依然努力拍剧、商演搵真银，囡囡则交由前妻一家照顾。而囡囡目前就读长春美国国际学校（中学部），每年学费就要19.6万人民币。
【其他阅读】：
姚明12岁女儿被野生捕获身高达190cm 暴风式成长震惊网民
雯雯怒插老公张致恒躺平唔凑仔 又懒又废：完全唔理解你生存为乜？
59岁章小蕙自爆四十多岁已更年期 记忆力差情绪不稳：脑内一片空白
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应