雯雯怒插老公張致恒躺平唔湊仔又懶又廢：完全唔理解你生存為乜？

2023-01-10 12:30

張致恒自2019年與粉絲雯雯奉子成婚，至今已育有三個囝囝；他當時公佈婚訊時，同時被爆一腳踏五船兼借錢不還，形象、事業瞬間直插谷底。兩人結婚逾3年依然是非不斷，多次傳出婚變，日前雯雯與網民聊天，坦言與老公張致恒是「爸爸和媽媽」關係。近日張致恒又再激嬲老婆，雯雯更在IG怒搜老去又懶又廢，不尊重小朋友：「完全唔理解你生存為乜！」

【點擊睇雯雯怒插張致恒】：

Steven在2019年突然宣佈與粉絲雯雯育有一子，並將會結婚；不過他當時另有女友，又同時爆出他偷食，更有指他曾「一腳踏五船」。

Steven與雯雯在2019年9月簽紙結婚。

兩人結婚時，大仔已經出世。

張致恒與雯雯結婚逾三年，育有三個兒子，細仔去年6月出生。

雯雯出心出力湊仔。

Steven曾在IG經常以慈父形象現身，不過其IG自去年7月開始就未有更新。

去年8月雯雯在IG玩你問我答，更大爆與老公的情史。

去年9月對婚姻依然好樂觀。

去年11月一家五口連工人姐姐遊農場，親親小動物。

雯雯之前只得單人BB車，湊三個仔仔出街相當麻煩。

之後上網買BB車慘被騙，後來得到熱心網民送贈雙人BB車，現在雯雯湊仔出街輕鬆不少。

兩個囝囝都有好好享用BB車。

一個人湊三個小朋友真係好辛苦，想影張相都難！

早前聖誕節雯雯細仔發高燒入急症室，更要在醫院捱飯盒過節，雯雯上周透露細仔是病毒感染發高燒，當時仍未康復。

上周有網民提議雯雯離婚，申請綜緩、公屋，她以姆指emoji回應。

雯雯昨日出post鬧爆張致恒又懶又廢，對小朋友冇責任心。

雯雯嬲到IG同網民玩「你問我答」，抒發心情。

避談老公張致恒有否返工。

網民提到張致恒可能返工辛苦，雯雯滴汗回應。

雯雯都唔知老公想點。

有網民鼓勵雯雯靠自己。

幫手鬧張致恒係豬隊友。

雯雯昨日在IG限時動態貼黑底白字留言：「做人窮唔緊要，但如果做人唔爭氣，樣樣嘢都仲要懶，咁就係廢。」雖然沒有指名道姓，但明顯又再怒轟老公張致恒。相隔數小時，雯雯再貼文直線抽擊張致恒，要生小朋友卻毫無責任心：「你話你攰唔舒服要瞓覺，okay，咁我去執嘢，啲仔2:00要去到醫院，只係要求你畀嘢佢哋食，換衫準備好，我返嚟即刻出門口。1:30仲瞓喺張床，你要廢要懶無問題，但既然你要生小朋友，可唔可尊重下佢哋，唔好因為你嘅問題去影響佢哋，我真係忍唔到幾耐！完全唔理解你呢種人生存為乜！」

雯雯還嬲到在IG玩「你問我答」緩解心情，有網民問：「Steven而家有冇工作？你哋收入OK嗎？」雯雯貼出狗狗擰歪面的照片說：「佢嘅問題你問返佢本人。」另有網民提到張致恒：「佢係咪因為工作辛苦先咁咋？」不過雯雯就以一個苦笑滴汗emoji回應。

去年1月雯雯在IG單方面宣佈離婚，不過張致恒箍煲成功，相隔不夠一個月，雯雯宣佈陀第三胎；10月雯雯更在IG剖白皮婚心情，指張致恒為家庭從事基層工作：「30幾度企喺廚房走來走去，甚至洗碗、洗廁所、做清潔、執貨、搬搬抬抬、搬運，一概都唔介意。」更指老公依然喜歡唱歌，想重返舞台。不過到12月初，雯雯在IG又暗示婚變直認性格問題「勉強唔到」；在聖誕節當日，雯雯更因細仔發高燒到急症室求醫，佳節也要捱飯盒，她上周透露細仔仍未康復，是因為病毒感染發高燒。

【其他閱讀】：

黃偉文公開前TVB小生陳鍵鋒近照驚變麻甩佬神隱多時曾捲潛水學員溺斃案

「屯門娜娜」晒終極性感噴血婚紗相谷胸透視晒胸部紋身拗腰合照見真身

郭可盈12歲女現身TVB頒獎禮後台大方得體逐格睇！向曾志偉問好見記者識留步

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ

關鍵字