陳奕迅演唱會明早十時開售「放寬位」自爆一舉動激嬲老婆徐濠縈

陳奕迅《Fear and Dreams Eason in Concert 2022》今晚來到第十場，開場前傳來好消息，鑑於政府昨日宣佈「放寬」部份社交距離措施，演唱會表演場地即可放寬座位由85%變回100% ，主辦單位宣佈明日上午十點，可以在城市售票網，購買本月22日舉行的15%的「放寬位」，這些「放寬位」場內不同位置都有出現，最值得留意是非常之特別的全場中間「放寬靚位」，全部都是一人之境座位，好運的話，你同朋友買到，可以前後一齊坐於全場最靚位置之中欣賞Eason演唱會。至於23日上午十點開始，24/12-14/1 的場次，都可以經由網上購買得到這些難得的「放寬位」。

【點擊睇陳奕迅腰力有幾勁】：

Eason演唱會去到第九場。

全場反應熱烈！

Eason在Encore 環節選唱了《一切還好》。

事後有不少觀眾留言 ！

Eason自爆話畀老婆耳仔。

果然有腰力！

蘇永康一家捧場！Eason更於台上跟Jazz打招呼，「契爺呀，Jazz…hello…」。 

睇到好入神喎！

阿徐喺後台招呼朋友。

當然有喺台下睇騷！

自從Eason在第3場為觀眾簽名後，不少觀眾睇騷都拎定cd！

為老公打點。

事後有不少觀眾留言 ！

昨晚來到第九場，Eason在第三場演出即興為觀眾簽名後，往後已經有觀眾揮動專輯索取簽名，Eason坦言不能再接CD簽名，因為上次已被老婆扭耳仔：「你知我好率性而為，但上次簽咗之後，已經畀老婆話(做了一個扭耳仔動作)，不如你帶住出街啦，2024年或者應該可以，我應該未退休，我成晚見到你好投入係到搖，我入晒心㗎啦，我記得你㗎。」

接着又有觀眾在Eason飲水期間大叫他除衫，Eason反問：「吓？乜依家仲興呢樣嘢咩？唔係唔係興着衫咩？」聽到大家讚他身形fit咗，他就大笑：「我邊大隻啊？我係瘦咗少少，自然咁瘦啦。 」然後就坐地上表演Leg Raise crunch(下肢挺舉捲腹) ：「你日日試下，平時坐係廳睇電視咁...」接著他hold住這個難度動作，邊講邊笑住問，「有冇人畀本雜誌我....哈哈。」最後他hold了1分06秒之後才站立起身，全場期間不斷歡呼拍掌大叫：「好勁呀你！」但當Eason起身後，他即狂笑及大叫：「哈哈，好攰呀，救命...死啦，我唔應該咁，依家好實(下腹)有冇人識按摩...哈哈。」觀眾即紛紛大叫： 「我幫你按！」Eason就笑住爆自己按摩得一個要求，就係個樣要靚：「今晚我見到好多男仔，唔係，唔係剩係男仔....哈哈哈，你哋個個都好靚....唔小心爆咗自己喜好呀，唔講啦，跳舞啦！」

 

【其他閱讀】：

徐淑敏為奶奶慶祝80歲大壽訂豪華總統套房搞生日  對住維港浸浴勁寫意

車保羅傳回歸幕前3日即退出 錄影慘遭無禮拒絕場面令網民心酸

6位嫁外籍老公女星｜梁詠琪一見鍾情閃嫁西班牙型男  周汶錡丈夫係珠寶世家

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ