Eason陳奕迅為歌迷簽CD蝦碌寫錯名 開騷任觀眾影：你唔影我冇存在價值
2022-12-12 18:50 
陳奕迅（Eason）紅館《Fear and Dreams》演唱會昨晚（11日）來到第三場，當他唱到《幸福摩天輪》時，有接近舞台邊的觀眾把握機會，拿出CD搏一搏，沒想到Eason竟然答應簽名，笑言：「好似未試過做做下演唱會簽CD，哈哈！」更細心問幸運的觀眾名字，當對方報上名後，Eason問︰「睿智，係咪智慧個智？」對方大叫︰「士心志呀……」Eason笑道，「咁你今晚改名啦你，哈哈哈！」事後他表示：「我最後係簽左睿智（志），因為已經寫咗啦……冇計啦……哈哈！」此外，當他見到歌迷舉「歌聖」燈牌時，笑道：「歌聖？歌手算啦……佢哋成日整燈牌都好特別，幾十歲人仲有咁興致，我都就嚟50啦，重有燈牌，I\'m Still Hot！woo……」並繼續搞笑，「我不嬲都唔係走偶像啦，竟然仲有呢啲……唔係我俾……佢地自己俾錢整㗎……我唔會俾呢啲錢啦，留番來做好唱片好過，𠵱家做CD係當紀念品咁做，仲有邊個屋企仲有CD機？其實唔多。𠵱家係電話世界嘛，我已接受咗喇，你影我啦，你唔影我，我覺得自己冇存在價值，哈哈！」
隨後Eason又反問觀眾，「你哋係咪從來未試過係紅館睇一個演唱會，有歌手由頭到尾冇斷過咁唱歌？冇乜講嘢？我成功咗喇！其實真係好正，係咪覺得聽得『入』好多？音響又好好？」觀眾即歡呼報以回應，此刻Eason一度感動咽哽，不停回贈掌聲給觀眾，見他咬唇死忍勁想喊，「我都講唔到我準備要講嘅嘢㗎喇……最想講係多謝你地等咗咁耐，都等！好開心呢件事實現咗！完成咗三場！」至於Eason太太徐濠縈和女兒康堤，林家棟、彭于晏、C ALLSTAR、趙學宜、蔡思韵等昨晚均到場支持，彭于晏更不時起身跳舞跳到手舞足蹈，而家棟就因之前拍戲傷勢未復完，不敢站立大動作，只坐在位上拍手支持。
【其他文章】：
Angelababy長髮消失新造型五官更立體 網民讚短髮逆齡回到嫩模時期
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應